Праблемы сацыяльна-эканамічнага развіцця Беларусі ва ўмовах правядзення рыначных рэформ.

Сутнасць рынка і рыначнай эканомікі. Рынак нецывілізаваны, грабежніцкі, гангстэрска-мафіёзны і рынак цывілізаваны, рэгуляваны дзяржавай, сацыяльна арыентаваны. Рынак як вынік высокай цывілізаванасці, культуры, прадукцыйнасці працы, а не як іх перадумова. Асноўныя этапы правядзення рыначных рэформ. Эканамічная рэформа як частка палітыкі перабудовы: дасягненні і памылкі. Пачатак рыначных рэформ у Беларусі ў 1990–1991 гг. Правядзенне рыначных рэформ метадам “шокавай тэрапіі” у 1992–1994 гг. Асаблівасці правядзення рыначных рэформ у Беларусі у 1994–2001 гг.

Фарміраванне рыначнай эканомікі. Прыватызацыя дзяржаўнай маёмасці і ўсталяванне розных форм уласнасці. Ці з’яўляецца форма ўласнасці рашаючым фактарам эканамічнага поспеху? Прыватызацыя і “прыхватызацыя”. Станаўленне рыначных адносін у аграрным сектары эканомікі. Праграма адраджэння беларускага сяла. Структурная перабудова эканомікі, канверсія. Грашова-фінансавая сістэма. Рэфармаванне знешнеэканамічнай дзейнасці. Сацыяльна арыентаваная рыначная эканоміка і ўзровень жыцця беларускага народа.

Дзяржаўнае рэгуляванне эканомікі і вопыт замежных краін. Рыначная эканоміка самаарганізуецца і самарэгулюецца: міф ці рэальнасць? Роля дзяржавы ў станаўленні і развіцці рыначнай эканомікі. Формы і галоўныя напрамкі дзяржаўнага рэгулявання рыначнай эканомікі. Вопыт Германіі, Францыі, Кітая, ЗША, Японіі. Асаблівасці дзяржаўнага рэгулявання рыначнай эканомікі ў Рэспубліцы Беларусь. У якіх галінах эканомікі і чаму дзяржаўны ўдзел і кантроль ва ўсіх выпадках з’яўляюцца неабходнымі?

Развіццё беларускай культуры. Навука і асвета – асноўны напрамак дзяржаўнай палітыкі ў галіне культуры. Нацыянальная Акадэмія навук – цэнтр беларускай навукі. Галіновая навука і навука ў вышэйшых навучальных установах. Навуковыя школы і інтэлектуальны патэнцыял навукі. Вядомыя беларускія вучоныя, акадэмікі М. Барысевіч, А. Вайтовіч, Л. Сушчэня, М. Высоцкі, Р. Гарэцкі, А. Ганчарэнка, Я. Канапля і інш. Праблемы і цяжкасці ў развіцці беларускай навукі.

Дзіцячае дашкольнае выхаванне. Захаванне ў рэспубліцы існуючай раней сістэмы дзіцячых дашкольных устаноў. Стварэнне дзіцячых сямейных садкоў, садкоў на кааператыўнай аснове, санаторнага тыпу, вячэрніх і прагулачных і г.д. Агульнаадукацыйная школа, яе структура. Профіль навучання ў школе: агульны, гуманітарны, тэхнічны і г.д. Гімназіі і ліцэі. Недзяржаўныя агульнаадукацыйныя школы. Прафесійна-тэхнічныя вучылішчы, сярэднія спецыяльныя і вышэйшыя навучальныя установы. Каледжы ў сістэме адукацыі. Дзяржаўныя і недзяржаўныя вышэйшыя і сярэднія спецыяльныя навучальныя ўстановы. Пераўтварэнне інстытутаў у акадэміі і універсітэты. Правядзенне рэформы ў сістэме адукацыі Рэспублікі Беларусь. Барацьба з негатыўнымі з’явамі ў асяроддзі студэнцкай і вучнёўскай моладзі (ужыванне гарэлкі, тытуню, наркотыкаў і г.д.).

Асаблівасці развіцця літаратуры, выяўленчага мастацтва, музыкі. Ахова гісторыка-культурнай спадчыны. Беларускія пісьменнікі, паэты, драматургі – І. Шамякін, І. Чыгрынаў, Н. Гілевіч, Р. Барадулін, Л. Дранько-Майсюк, А. Дудараў, У. Бутрамееў і інш. Праблематыка іх твораў. Нацыянальны мастацкі музей Беларусі, Бялыніцкі мастацкі музей імя В.К. Бялыніцкага – Бірулі, Музей старажытнабеларускай культуры, Нацыянальнай Акадэміі навук Беларусі, Веткаўскі музей народнай творчасці і інш. – скарбонкі беларускага нацыянальнага мастацтва. Вядомыя беларускія мастакі М. Савіцкі, А. Анікейчык, П. Дурчын, У. Стэльмашонак, Г. Вашчанка і інш. Выставачная дзейнасць, пашырэнне мастацкага рынку. Стан музычнага мастацтва. Беларуская дзяржаўная кансерваторыя (Беларуская акадэмія музыкі). Выдатныя дзеячы музычнай культуры Беларусі – У. Алоўнікаў, А. Багатыроў, В. Роўда, Т. Ніжнікава, Я. Глебаў, Дз. Смольскі, С. Картэс, Ю. Семяняка, І. Лучанок, Э. Ханок і інш. Беларуская дзяржаўная філармонія і абласныя філармоніі ў цэнтры канцэртнай дзейнасці. Прафесійныя творчыя калектывы Беларусі. Фестывальны рух у Беларусі. “Славянскі базар” у Віцебску і “Залаты шлягер” у Магілёве. Ахова помнікаў айчыннай гісторыі і культуры. Замкавы комплекс “Мір”, Віцебская Благавешчанская царква, Барысаглебская (Каложская) царква ў Гродне, гісторыка-культурная спадчына Нясвіжа, Полацкі гісторыка-культурны запаведнік. Праекты рэстаўрацыі помнікаў архітэктуры на Навагрудчыне, Лідскага замка, Старога замка ў Гродне, гістарычнай забудовы Мінска, Брэста і іншых старажытных беларускіх гарадоў.

Дзейнасць тэатраў, музеяў, бібліятэк, клубаў. Развіццё мастацкай самадзейнасці.

Рэспубліка Беларусь у міжнародным супольніцтве. Беларуска-расійскія адносіны. Стварэнне саюзнай дзяржавы Беларусі і Расіі. Беларуская дыяспара: мінулае і сучаснае.

Заключэнне. Гісторыя Беларусі – невычарпальная крыніца гістарычнага вопыту і духоўнасці. Этапы гістарычнага шляху беларускага народа. Грамадска-палітычнае становішча і перспектывы развіцця Рэспублікі Беларусь.

Тэорыя

Вучэбны дапаможнік па курсу “Гісторыя Беларусі” для студэнтаў усіх форм навучання і спецыяльнасцей

Міністэрства адукацыі Рэспублікі Беларусь

Установа адукацыі «Беларускі дзяржаўны універсітэт
інфарматыкі і радыёэлектронікі»

Кафедра гуманітарных дысцыплін

Дата добавления: 2015-07-11