Инфузорияләрнең күп санлы тибына югары төзелешле беркүзәнәклеләрнең 7 меңнән артык төре керә. Аларда хәрәкәтләнү органоидлары булып керфекләр хезмәт итә: керфекләрнең төрлечә урнашкан рәтләре инфузориянең тәнен каплап алган. Икенче мөһим билге — ике төшле булу: эре төш (макронуклеус) һәм вак төш (микронуклеус)
Инфузорияләргә ашкайнату органоидларыннан — күзәнәк бүрәнкәсе, йоткылык, авыз, порошица; бүлеп чыгару органоидларыннан кыскару вакуольләре һ. б. махсус органоидлар булу хас.
Инфузорияләр төрле формада, ләкин инфузория-башмакчык кебек, овал формадагылары ешрак очрый. Алар төрле зурлыкта: иң эреләре 2—3 мм.
Иң түбән төзелешлеләрнең әһәмияте. Күп кенә беркүзәнәклеләр сулыкның азык чылбырында сизелерлек роль уйный: алар бактерияләрне һәм кайбер суүсемнәрне ашый, ә үзләре күпләгән умырткасызларга, балык маймычларына, чукмарбашларга азык булып тора.
Диңгез һәм океаннарда үлгән тамыраяклыларның кабырчыклары, төпкә утырып, төрле тау токымнары катламнарын барлыкка китерәләр. Болар — известьташлар, комташлар.
Иң түбән төзелешлеләрнең паразит формалары да күп. Мәсәлән, дизентерия амебасы кешедә куркыныч авыру — юан эчәкнең лайлалы тышчасы җәрәхәтләнүен китереп чыгара. Лямблийлар, нечкә эчәкнең югары бүлегендә урнашып, кешедә, кролик һәм тычканнарда эчәклекнең эшчәнлеге бозылуга китерә. Җитди йокы авыруына кешенең кан плазмасында урнашкан трипаносомалар сәбәпче була. Камчылыларның кайбер төрләре үсемлекләрдә
Беркүзәнәклеләргә, яки иң түбән төзелешлеләргә тәне бер генә күзәнәктән торган хайваннар керә. Күпчелек иң түбән төзелешлеләр микроскопик зурлыкта (3—4 мк нан алып 50—150 мк га кадәр). Аларның күзәнәге төшле күзәнәкләр тибына керә. Күп күзәнәкле организм күзәнәкләреннән аермалы буларак, аның махсус билгеләнеше булган органоидлары бар. Уңайсыз шартларда беркүзәнәклеләр циста барлыкка китерәләр. Төп үрчү формасы — җенессез юл (митотик бүленү), ләкин җенси процесс та очрый. Яшәү тирәлеге — төче сулыклар, диңгезләр, туфрак; күп төрләре башка организмнарда паразитлык итә. Кайбер иң түбән төзелешлеләр колонияләр барлыкка китерә.
Дата добавления: 2015-07-12; просмотров: 155 | Нарушение авторских прав
| <== предыдущая страница | | | следующая страница ==> |
| Саркодлы-камчылылар тибы | | | КҮПКҮЗӘНӘКЛЕЛӘР АСПАТШАЛЫГЫ 1 страница |