Студопедия
Случайная страница | ТОМ-1 | ТОМ-2 | ТОМ-3
АвтомобилиАстрономияБиологияГеографияДом и садДругие языкиДругоеИнформатика
ИсторияКультураЛитератураЛогикаМатематикаМедицинаМеталлургияМеханика
ОбразованиеОхрана трудаПедагогикаПолитикаПравоПсихологияРелигияРиторика
СоциологияСпортСтроительствоТехнологияТуризмФизикаФилософияФинансы
ХимияЧерчениеЭкологияЭкономикаЭлектроника

Всенародное воззвание патриарха Иоасафа[79] и всего освященного собора

Читайте также:
  1. X. ЧЕЛОВЕК ВСЕГО ЛИШЬ СТРАННИК НА ЗЕМЛЕ
  2. В НАЧАЛЕ, ИЛИ СМЕРТЕЛЬНАЯ БИТВА РАДИ ВСЕГО ЛИШЬ ПРЕСТИЖА
  3. В течение всего вечера звучит тихая, спокойная музыка
  4. Воззвание патриарха Иосафа и освященного собора к царю Алексею Михайловичу
  5. Всего пару слов
  6. Глава 13. В начале, или Смертельная битва ради всего лишь престижа

 

Глас великаго господина светлейшаго Иосафа, патриарха московского и всея России, и всего освященного собора ко священнона чальником, священником и ко всем православным христианом, увещающий и опасающий от мятежников и их льстивого учения.

Бысть древле слово Господне к Иезекеилю пророку: страж, аще видит меч грядущ, и невострубит трубою и непроповесть людем, да ся людие сна бдят, и нашед меч возмет от них душа; таковый убо беззакония ради своего взяся, а крови ея от руки стражевы взыщу. Сие мы настражницы духовной сущии, аки о нас реченное читающе, видяще же яко душеубивательный меч лукавых человек лукавое слово, единство церкве разсецающее, в православном народе ходит, и свирепо души уязвляет, в место вострубления сей глас увещательный, да ся снабдевайте, испущаем: внемлите возлюбленнии, молим вы именем Господа нашего Иисуса Христа, внемлите от лживых учителей, иже приходят к вам во одеждах овчих, внутрь же суть волцы – хищницы, от плодов их познаете их, плоды же их суть сии: лжа, клеветы, хулы, расколы, мятежи и непокорство, лицемерие, суемудрие и тем подобная. Волцы убо суть, иже от пустынь прибегающе, наветуют стадо Христово, и от той неискусных я похищают; мучителие суть, а неучителие, иже святый собор, бывший на Москве, поносят и хулят не знающе окаянния, яко по правилам святых неточию в патриархии, но и в митрополиах и епископиах дважды в лето собором быти подобает управления ради церкве. Бываху и прежде в царствующем граде Москве собори, но яко о книжном исправлении презираху, того ради за многая лета премногая в книгах внесошася погрешения, якоже является во Псалтыри соиследованием, 150 лета на месте 181, в строке 14, идеже четверолично божество напечатася; и паки во псалтырях со иследованием неисправных печатных, и в катисисех малых развращенне напечатася о крестном знамении, в Потребницех же, выходу 133 лета, на листе 151, на строке 10 и 15, напечатано во великий четверток и в великую субботу иноком на сыр и на яйца разрешение. А в Потребнице, выходу 147 лета, на листе 405 на обороте в строце 3, напечатано сице: в Троицы славимаго Бога и пречестную его Богоматерь, еже безместно, ибо не всея Троицы есть матерь Богородица, но единаго Бога Сына. В том же, на листе 302 на обороте, в строце 9, напечатася велми богохулно, якоже и воспомянути ужасно. И иная зело многая подобная сим погрешения в неисправленных книгах напечаташася. Что премудрейшим си разумом усмотрел благочестивый великий государь царь и великий князь Алексей Михаилович, всея великия и малыя и белыя России самодержец, ревностью поревнова, да плевелы исторгнутся из чистыя пшеницы. Тем же повеле бывшему патриарху имрк собрати собор книжнаго ради исправления и иных дел нужд церковных. И бысть собор, иже согласно суди книги исправляти и з греческих переводов и з старых русских писанных харатийных, что руками си подписаша вси архиереи и прочие власти, якоже являет соборное деяние, еже во книзе Скрижали и во Служебнице новоисправленном печатном выходу 1-го. Но завистники спасения нашего и присный враг церкве Христовы диавол возбуди своя угодники, сосуды лсти и лукавствия, еже книжное исправление обхуждати и раскол великий о церкви деяти, иже аки во овчих кожах во одеждах смирения, овии во вретищех, овии во иноческих худейших одеяниях, инии инако, вси же не по обычаю, лукаво одеянии, с притворством благочестия приходяще, яко лютии волцы души неискусных от единства церкве хищати начаша, учаще новоисправленных книг не приимати, паче же презирати. Сами окаяннии всяческиневежды и никоего учения причастницы суще, но токмо по святому апостолу Иуде: облацы безводнии и ветры преносимии, древеса осенная безплодная, дважды умершая искорененная, волны свирепыя моря воспеняющая.



Своя стыдения, звезды прелестные суще, им же мрак тмы во веки соблюдеся. Вси сицевии неблагочестия ищут, но овии нехотяще великаго государя службы служити, инии холопства избывающе, инии ленящеся работати, инии нехотяще подначально в монастырех жити, скитаются по лесом и вертепом, и оттуду тайно, яко тати, и сынове тмы во ограды и веси входят и простыя люди прелщают. Обретошаже себе поборники, некия от священник и диаконов, имиже способвуеми, продерзивее яд свой в теле церкве распущают, таковых лесцев правила святых отец терпети во градех возбраняют, правило 23 вселенскаго собора повелевает из града изгоняти и в монастырех держати безчинныя люди и тунеятцы. Сицевии прелстителие наипаче умножишася, егда бывший патриарх имрк оставив престол свой, и разсеяша злобное си учение в людех малоумных, еже книг новоисправленных не приимати. То лукавое их начинание хотя благочестивый самодержец истребити, паки повеле собору быти и новопечатныя книги свидетельствовати. Бысть убо собор и книгам досмотрение, в них же ничтоже противно и развращено, но вся согласна и православна обретше; вси единогласно книжное исправление утвердиша и руками своими подписаша. Противники же, обхуждающие то исправление и раскол деющия многа, от тела церкве яко гнилыя уды[80] отсекоша и анафем предаша в то святаго собора время, и нашу мерность возведе Божия десница на престол патриарший. И мы убо вся видяще праведна и благочестна быти любезне, купно со братиею нашию, со святейшим кир Паисием александрийским и со святейшим кир Макарием антиохийским патриархами прияхом, лобзахом и рук наших подписанием утвердихом, и книгу Жезл правления, тогда сооруженную, яко православную и по святой церкве поборяющую, в мир пустихом. Но Божиим попущением нитако мятежницы укротишася, аще бо и доселе жестокосердии и горции не покоряются святей церкви, но борют ю лживыми клеветами, забывше окаяннии, яко и адова врата не одолеют ей. Лают, яко пси, на Жезл, и церкви не церкви, архиереи не архиереи быти именуют; триех перстов во крестнаго знамения во ображении сложение обхуждают, крест четвероконечный хухнают, не видяще безумнии, яко вся таинства и действа церковная с четвероконечнаго креста знамением бывают; над всими сими – о горе, о люте, - пречистыя тайны тела и крове Христовы скверными си устами не чисты быти блядословят, и иныя хулы, едва самым диаволом вымыслимыя, их же помянути писанием недостоит, мерзскими си гортанми отрицают. В толикоже безумие приидоша; яко сами им неведети, что баснословят. Уже бо антихристи в Москве родитися имуща глаголют, инии же рожденна быти проповедуют, забывше несмысленнии, яко в книгах древних , их же сами они не отмещут, пишется антихристово рождение не на Москве, но во Вавилоне быти. Сия лестми и иными сим подобными премногими баснословии, яко мечи душегубными, простых людей души убивают окаяннии мятежницы; зубы их оружия и стрелы, и язык их меч остр. Сей меч мы видяще, ходящ между вами, се вострубляем от стражницы церковныя, се глас даем вам увещательный; сна бдите от меча сего, изостриша мятежницы яко оружие языки своя, еже состреляти в тайных непорочна, тайно ходят яко татие и разбойницы, тако убивают души неповинных. Блюдитеся убо сих, изгоните из домов ваших и яко тлю… из одежды истрясите. А святой соборной и апостольстей церкви повинующеся, работайте Господеви со страхом и радуйтеся ему со трепетом, да благословени будуте и спасение получите душам вашим. Аще же кто за неопаство си от сего меча лукавых учителей язву страждет, молим именем Божиим да, всякого обиновения кроме, приидет к нам и явит совершенно свое уязвление, и мы, по Божией благодати, уподобишеся самарянину, потщимся любовно пластырем истиннаго учения исцелити. Присем всем благопокоривым благословение, благодать и мир от Христа Бога буди.

Загрузка...

 

Каптерев Н.Ф. Патриарх Никон и царь Алексей Михайлович. – М.,1996. – Т.2. – С.XV-XIX

 


Дата добавления: 2015-08-03; просмотров: 195 | Нарушение авторских прав


Читайте в этой же книге: Я.Рейтенфельс[9] о царе Алексее Михайловиче | Призывная грамота Крапивенскому воеводе Василию Астафьеву о присылке в Москву выборных людей (1651 г., января 31) | Грамота в Соль Вычегодскую о сыске тяглых людей, ушедших с посадов (1619 г., июля 27) | Изложение челобитной посадских людей (1648 г., октября 30, из Переписной Книги сыскных дел) | Соборное Уложение 1649 года (извлечения) | Из сочинения Г.Котошихина | Челобитная русских торговых людей царю Алексею Михайловичу (1646 г., извлечения) | Соборное Уложение 1649 года (извлечения) | Извет старца Серапиона царю Алексею Михайловичу на вязниковских пустынников (1666 г.) | Документы Посольского приказа о раскольниках (1657 г.) |
<== предыдущая страница | следующая страница ==>
Выпись из расспросных речей Силы Богданова в Ростове| Воззвание патриарха Иосафа и освященного собора к царю Алексею Михайловичу

mybiblioteka.su - 2015-2020 год. (0.016 сек.)