З “польських справ” московського посольського приказу (колишнього архива министерства закордонних справ, тепер московського древлехранилища) 1). 1 страница

І. Реліґійна діскусія варшавська 1650 року ²). назад...

ДЂянія мимошедшей справы варшавской на сеймЂ о поставлении благочестія съ преосвященным отцемъ митрополитом и съ духовными.

Выєхавши ис Києва мца декабря в 2 день ³) и приЂхали в Варшаву мЂсяца генваря в 2 день ³). И какъ приЂхали, скоро от розных панов рЂчи были о благочестии до отца митрополита от ксонза бискупа гнЂзненского, и ксіонза ⁴) бискупа виленского, и пана канцлЂра ⁵) и пана воєводы Троцкого и прочих.

В понедЂлок ⁶) по литоргии митрополит києвскій совЂт сотворив съ духовными своими, и росказал им, для чего приЂхал. А было с ним духовных: епп. лвовский, нареченный епископъ витепскій, архимандрит печерскій, архимандрит жидичинскій, отецъ старшій виленскій, игумен купятицкій, и прочія. Которыя съЂхали ся съвЂщевались ⁷) о єдинном хотЂніи и воли съ митрополитом, и єсли бы митрополит инако хотЂл сотворити как обЂщал ся, над сіє что имЂлъ договариватис(ь) о разореніи уни(и), то бы свидЂтельствован от них был какъ обЂщалис(ь).

Во вторникъ митрополит з духовными своими был у пана Киселя, воєводы києвскаго, єму ж совЂтъ свой открывши день той преиде.

В среду митрополит был у пана канцлЂра коруннаго, которой немощен в той час был, и прияв их честно обЂщал ся им, аще бы и при смерти былъ, казал бы себя нести до короля, и причинятис(ь), дабы дЂла наши были вскорЂ отправлены, и чтобы корол(ь) сам их видЂлъ поутру.

В четверток ⁸) рано присылал панъ подкоморный корунный, даючи вЂсть митрополиту, что в десятом часу корол(ь) повелЂлъ быти у себя. А как митрополитъ з духовными в десятом часу до замку приЂхалъ, тогда панъ подкоморный пред остатним покоєм кролевским встрЂтил митрополита, и поздравивши єму провадил до короля со всЂми духовными, их же было зъ 20. Корол(ь) же стоячи при(й)мал их честно и так низко наклонил шапку, что перо едино, которых имЂл два, из шапки выпало. Котороє о(те)цъ митрополит і (сам кроль наклонился аж до земли)1) поднял. Потом давал руку целоват(ь) митрополиту и всЂмъ духовнымъ, стоячи так долго открывши голову, дондеже вси целовали.

Здравствовал митрополит королю сими словесы вкратцЂ:

"Померче солнце въ очах ваших, егда блаженныя памяти пресвЂтлый корол(ь) панъ, родный твой брат, пред тобою царствовавший, изволением божіїм1). По смерти єго велія темность в нас бысть, єгда богъ потоки кровавыя грЂх ради наших излияти попустилъ. Твоє ж кролевскоє величество удержати сия изволил, упокоивши яко князь мира бытиєм своим помЂшаный и непокойный мысли воинов. А какъ блаженныя памяти крол(ь) Владислав четвертый, такъ и твоє кролевскоє величество желаючи во днех своих мира и тишины, єгда будучи под Зборовом все греческоє благочестіє, от коликих уже лЂт неимЂющеє покоя, на нынЂшнем сеиму упокоити обЂщал ся. За то вашему кролевскому величеству поклоненіє и благодареніє аки вЂрныя и подданныя моля г(оспо)да бога, дабы на том престолЂ кролевском долголЂтне и благополучнЂ кролевствовати даровал”. -

И прочая єму изреклъ здравственная.

Кроль же єму отвЂщал тако: “За сию ко мнЂ приносимую вЂрность зЂло вас благодарю. Которую моєю милостию исполняти должен буду, обЂщавая во всем на нынЂшнем сеймЂ волю вашу исполнити”.

Потом отецъ митрополит пред кролем вкратцЂ обявил вины приЂзда своєго, прося дабы не откладывал вдаль.

Єму ж кроль паки обЂщал, что на нынЂшнем сеймЂ неотложно упокоеніа будет. И тако митрополит отиде.

Того ж дня митрополит был у ксендза бискупа виленскаго со отцем владыкою лвовъским, прося о ходатайст†до короля, дабы єгда той сеймъ до совершенія придетъ, в справах наших исполнило ся.

Того ж бискупа просил, дабы вопросил ксендза орцыбискупа лвовскаго, чемъ он власт(ь) имЂлъ в справах над подданными нашего владыки лвовскаго. Бискуп же виленскій послал скоро до арцыбискупа Львовскаго, а митрополиту велЂлъ быти у себя рано. А какъ спытаєт у арцыбискупа лвовскаго, обЂщал ся єму сказат(ь).

В пятокъ же рано посылал бискуп виленскій пана Негребецкого, которому арцыбискупъ лвовский отповЂдал, что права и грамот съ собою не имЂю, мене бо до сего времени никто ж о том не пытал; а понеж отецъ митрополит нынЂ хощетъ вЂдати и видЂти право моє, на будущем сеймЂ ¹¹) обЂщаю.

Того ж дня посылал митрополит до пана канцлЂра прося, дабы справа наших вещей во отклад не шла. Пан же канцлЂръ удивив ся о том, что до того часу не было совЂта, обЂщал на утро конечнЂ.

Того ж дня присылал ксондзъ бискуп виленскій прося митрополита на утро к себЂ въ осмомъ часу на седЂніє со всЂми духовними.

В с у б о т у ¹²) рано в восмом часу паки ксондзъ бискуп Виленский присылал дая знат(ь), что уже час сЂдЂнію. Митрополит же з духовными своими приЂхалъ до ксондза бискупа виленскаго, у него ж застал пана воєводу києвскаго. Там же ждали мало яко начал(ь)наго до той справы ксондза бискупа познанского, который єгда приЂхал, а мы уже собралис(ь) купно-благочестивии униаты с нами. Из униятов же былъ ксонзъ первый Оранский владыка пинскій, ксондзъ Злотый владыка смоленскій, ксондзъ Дубовский, архимандрит виленский, ксондзъ Суша, ксондзъ Ложовитский.

Тамъ же на том седЂнии почалася такая рЂчь.

В первыхъ напред панъ києвский воєвода начал говорити: “Поставленє под Зборовомъ, имянно что до поставленія благочестія трои договоры, которых испросили нуждею казаки, нас отвсюду оступивши войском.-Первый договор от казаковъ, чтобы ни єдинаго костела римскаго и ни єдинаго закона их духовнаго в КиєвЂ и по всей УкраинЂ не было. Уния дабы тотчас разорена была. Церкви и имЂния церковная дабы отдано было. А для отбирания сих церквей, чтобы вражды не было от униатов, полковники казаки з дворянином королевским дабы отбирали. В КраковЂ, в Варша†дабы церковь наша была. А то все, потребовали, чтобы кроль с панами сенаторами и съ седЂниєм послов(ъ) козацких в предбудущем сеймЂ присягъ,-понеж о поставленіи благочестія в вЂнчані своєго королевства не присягал.

Тоє постановленє панъ воєвода києвский умысливши не допустил кроля до присяги-для испрошения козацкого, чтобы в КиєвЂ не быти костелом и по УкраинЂ. И взявши ту справу на себе, хотя казаковъ не допустити, по волк их написал и послал казаком. А поставлениє воєводы києвскаго таково умышлено, дабы в КиєвЂ костелы были и законы их, которыя суть издавна,-такожде и по УкраинЂ; а єзуиты яко в КиєвЂ так и по всей УкраинЂ не были и не учили. А о униатах яко отцем митрополитом на будущем сеймЂ поставленно будет, обЂщаєм сотворити, дабы каждый во своих волностях утЂшал ся.

То поставленє прияли козаки, но размысливши ся сего не захотЂли, и испросили подписания руки кролевской и многих сенаторов на томъ съЂзде- такъ поправили.

Третіє поставленє от казаков поправленноє разорил, дабы в КиєвЂ костелы и законы, которыє издавна были, а єзувіты ¹³) дабы в КиєвЂ и по УкраинЂ не были. А тЂ всЂ справы и поставленія дабы на будущем сеймЂ утверждены были.

Что все позволив крол(ь) подписал. Подписало ся и сенаторовъ колико там было и урядниковъ розныхъ и пановъ немало. И корол(ь) хотЂлъ присягнути, но я сущую предложивши вЂру козаком сиє удержал.

Сиє постановивши крол(ь) ¹⁴) отъЂхал от ¹⁵) Зборова с войском, а Хмел(ь)ницкий прияв такоє обЂщаніє, возврати(л)ся на Украину с казаками, имЂя подписаніє, что по обЂщанію кроля уния разорена будет. Я хотя то как нибуд(ь) умирити, с великимъ страхом єще чрез текущую кров(ь) и заваленую трупами дорогу Ђхал на Украину; приЂхал там до мене и Хмел(ь)ницкий, и жили єсмы три недЂли. Тщал ся и много совЂтовал дабы такоє вожделЂніє тяжкоє на РЂчъ Посполитую изволил отложити, а о разореніи унии не до конца настояти, и всяким ухищрениєм о томъ съ самым митрополитом и духовными размовлялъ. ОбрЂл их удобных и готовыхъ ко своєму совЂту, дабы запаленый огонь угасити и на будущий сеймъ отложити, а нынЂ так свирЂпо и нагло о том ся не домовляти. Но єгда мнЂ пришло на сидЂнии съ митроплитом и казаками остатнеє у Хмел(ь)ницкого умышленіє слышати, так єму рек, что я при обЂщаніи кроля стоячи не уступлю в том постановленіи о благочестіи, но дабы уния в конецъ разорена была, писат(ь) до короля буду и всЂ вины извЂстити готовъ. Понеж я єму совЂтовал и разсуждал иж то тяжесть велика на вол(ь)ную РЂчь Посполитую неволити кого какъ имат(ь) вЂрити, и как нам тяжестно, что нас нехотящих неволят к вЂре своєй, такъ и имъ тяжесть велика єгда мы до нашей вЂры поневолити хощем. ПовЂдал и то, что унию разорити єсть то противно начал(ь)ству римскаго костела уже соєдиненую часть тЂла от нево отсЂкати; и єст(ь) то противо римскаго папежа от послушенства єго неволею отлучати. И колико моглъ имЂти реченія, совЂтовал дабы то предложеніє своє променили, но немного справил. Хмел(ь)ницкий на сіє тако рек: добре ¹⁶) неподобно дЂло и тяжко, єгда не хотящих до вЂры своєй кто притягаєт и в вол(ь)номъ кролевст†изневоляти, какъ и хто хощет вЂрити. Чего мы от колико лЂтъ до сих времен(ъ) знаєм. А бол(ь)ши же сего не хощем быти тяжкими унитом. Да вЂруютъ они как хотят, понеж(е) кролевскоє величество розных вЂръ людей в своєм кролевст†имЂєтъ. Но да нам вся сокровища церковныя не унитом сотворенныя, отдревле наши, насил(ь)ствовам от нас отятыя да возвратят ся. А ты, отче митрополите, єсли в тЂх наших рЂчех заданныхъ не будеш стоят(ь) на Ляхов, и аще бы инако помыслил нашь совЂтъ пременити и на что новоє изволити над нашу волю, то конечнЂ будеш в ДнепрЂ. И ты, воєводо, аще обЂщанія нам королевскаго нЂкакою измЂною ¹⁷), безчестнЂ згинешь, а мы войною бити ся за своє готовы.

Воєвода рек до панства: совЂтуйте о сем вси, как бы народ руский утолит(ь) и утЂшити; аще ли не так, почнется паки война. А я вам так совЂтую: или поступить) костел римский какъ хощет, или как церковь грецкая, или какъ усовЂтуєт Реч(ь) Посполитая; аще по римску-было бы то церкви грецкой тяжесно, аще ли бы по грецку-то костелу безчестно. Моим обаче совЂтом, яко сенатор на то избранный и присяглый, поступит(ь) бы в том как хощет право и вол(ь)ность отчизны нашей, дабы мир успокоєнный был всему рускому народу. Єсли инако, то истинно глаголю как сенатор присяглый: толикими бедами утружденную отчизну уморимъ, а в томъ как хощете совЂтуйте.

Ксондзъ бискуп познанский на то так отвЂщал: Потреба народ руски въскорЂ успокоити, а толиких многих справъ в сиє малоє время исправити невозможно; но совЂтую вам, дабы сіє малоє время отдали отчизнЂ на упокоєніє и установленє мира и до бол(ь)шаго совЂта с королем отложили.

Ксондзъ бискуп виленский також повЂдал: Впрям то великая и потребная справа о умиреніи народа рускаго смятеннаго великаго времени требуєт, а так скоро без размышлен(ь)я упокоити невозможно. И я вам совЂтую, да бысте до большаго совЂта съ королем отложили.

На сіє воєвода отвЂщал: Уж того отлагати немощно, ибо здравіє наше нанити. Єслибы мы не исполнивши обЂщаніє казаком роз(ъ)Ђхали ся, то снову готовую подимем войну. Єще вооруженна до сих времен стоит Украйна.

На сіє ксонзъ виленскій отвЂщал: єсли бы Русь озлобленную утЂшили и хотЂніє довол(ь)но духовным с митрополитом учинили, дабы ты, воєводо, был краєугол(ь)ным каменем соєдиняючи стЂны обоих странъ.

На то воєвода рек: Христос Господь камен(ь) угол(ь)ный да соєдинит стЂны биющия ся, а потом митрополита услышим совЂтъ.

Митрополит рекъ: Довол(ь)но воєвода изрекъ, и хотЂніє Хмел(ь)ницкого и наше объяснил. И я с духовными о семъ кроля молим: ни о чем о ином, только что униты от давных лЂт наше отняли, то бы все нам возвратили, со всЂми церковными вещми, єще от Владимера Святого созданныя, також и прочая, что народу рускому належит благочестія, возвратили, какъ еще изперва по приятии крещенія от константинопол(ь)ського патриарха имЂєм и от насъ отнято, и потом от униятов все бы нам отдано.

Лятскій ксонзъ бискуп познанский рекъ: Чему вы при королЂ Владисла†на коронации ¹⁸) о сих молчали, єгда васъ раздЂлил со униятами, кому чЂмъ владЂти, и отдЂленною частію только тЂшилися? Для чего нынЂ всего просите- а сами тогда пред ним униятом признали за их власноє, а нынЂ своимъ называєте?

На сіє митрополит отвЂщал: Правда что тогда часть нЂкая дана нам, а мы мусили прияти яко подданыє за неволю и тому радовали ся; но и то намъ не дано во одержаніє послЂ, а молили тогда прилЂжно, також яко и нынЂ своєго потребуєм.

На то ксонзъ Оранскій, владыка пинскій уният отвЂщал, на мЂсте своєго митрополита сидячи, которого в то время чортъ давил и бил. Явно се всЂм, панове мои, єгда голова наша болит, то и всЂ члЂны дряхлуютъ; єгда митрополит нашъ уж при смерти, и мы яко составы изнемогаем. Болит он не токмо тЂломъ, но и сердцем и душею, же в том съЂздЂ быти не может; умЂлъ бъ он лутче вещь свою предложити ¹⁹) и себя оборонити, выводил бы вЂру свою не от Владимира, но от Христа и Петра святого, на кото(ро)м костел основанный наш. УмЂлъ бы отвЂщавати паче мене, имЂючи бол(ь)шую вЂдомост(ь), что они не правой рЂчи договаривают. Ибо єсли мы за своє, а они також за своє почитаєм, потреба тут кролевскоє издавна право сказати, но краткост(ь) времени сему не помогаєт, а сим вяще, что над надежду нашу поставленіє Хмел(ь)ницского от нас вытягая оскорбляєт, и совсЂмъ наше владЂємоє отнимаєт. А панъ Хмел(ь) постановленіє о благочестии положил тако: абы каждый с своих вол(ь)ностей радовал ся, то єсть аки реклъ: дабы християне и униятове и римляне утЂшали ся. Почто ж сами хощете от своих вол(ь)ностей тЂшити ся, а у нас отлучаєте волност(ь)? Добре прежде воєвода повЂдал, что тут потреба аки нам волным в вол(ь)ной отчизнЂ приналежит, а то неволя первая-вЂру нашу сносити, и от послушенства римскаго нас и костел нашъ с козаками и добра наши насил(ь)ством хотят отнимати. Лучше бы на обнищалую РЂчь нашу Посполитую смотрЂти, а такъ сурово на ню и на нас не наступовати. А то впрям вам отвЂщаваєм, что взяти того, чего желаете, у нас дЂло невозможно, ибо за гнЂв свой посягаєте на нас, что отнимаєте, хотя и не ваше.

Єму ж воєвода Кисел(ь) отвЂщал: Непотреба ту, мост. отче епискупе, выводити право, чьи бы то добра были и которой Руси належит. Я межи ими в том тщался и выговаривал єще на избирании кроля пана умершаго, что тая вся благодЂйства ²⁰) Руси, не (в) унЂи єще будущей належит, ибо той Руси ктора была, а нe той которая єще не была, яко то вы унЂяци. А то что о святомъ Владимиру реклъ єси, от которого не вЂру выводим, но вол(ь)ности от него данныя нам, о чем выше реч(ь) была.

На сіє отец митрополит: а понеже все благодЂяніє намъ, старой Руси, а не будущим єще униятом приналежатъ, дабы все намъ отдано было-просимъ.

На то ксонсъ Злотый, владыка смоленскій уніят рекъ: Яким правом хощете от нас отбрати: правом или лЂвом, hoc est: миром или войною? Аще удержати вол(ь)ности не можем, то прежде нашу пременити жизнь, потом добра наши отняти имЂєте.

На то от митро.: Уж мы мовили о том дово(л)ьно, якой ²¹) то Руси тоє добро належит, и основаниє которой построєнноє; а єсли нам-старой Руси належит, того мы и просим.

На то владыка пинский: Раз†нас заневолит(ь) кто может, до чего єще за кролевским панованіем ceгo не приходит, и за божію помощію не придет; в то раз†время все от нас отъято будет, когда кроля нашего не будет.

На то воєвода: Я тут вижу, что все жестоко меж вами, однЂ ²²) хотят все взяти а другия ничего не хотят дати. Аще ли в том спорЂ будете стояти, згоды между вами и ни покою в Речи Посполитой не будет, инако поки война открыєт ся. А си трудности яки суть кровавы, кто не терпЂл, тот не вЂдаєт, мнЂ яко немощному-дали ся знать.

На то кс. бискуп ²³) виленский: Дабы не спирати ся много, но от обоих стран рассудити и между собою згожати ся, а такъ и мир будет; чтобы одна Рус(ь) была, взяти на разсужденіє, а вЂдаю-обЂ страны несут(ь) тяжкия дозгоды, єгда изыщем ²⁴) права умершаго кроля.

На то отецъ митр.: Мы о тых правах не вси вЂдаєм ани их примовати, ани над ними сидети можем сами. Треба отым особного сейму, чего нам неудобност(ь) времени возбраняєт, бо о том о вЂре нашей и вашего костела много єсть разсуждати.

На ciє кс. бискуб виленский и ксонзъ Словиковский каноник краковский: Не треба тут о уставах грецких и римских разсуждати, понеж єдина вера и єдин богъ, и сейму другово отомъ ненадобет.

Потом воєвода взяв тая постановленія и читати тихо начал: О исхожденіи Святаго Духа глаголет: Мы так вЂримъ, что Духъ Святый Отцевский и Сыновский, и доволно єст(ь), а какъ походит-школьноє о том дЂло, а не наше; О третиєм мЂстЂ ²²), єсли тамъ огнь или иноє терпЂніє, о том не треба спирати ся; тол(ь)ко что бол(ь)ше признаваєм, что треба полезноє сотворити церкви. О папе ж тако признаваєм, что первый мЂстом, и что имЂл святый Петръ, тЂмъ владЂєт. Но мы, дабы для того от святаго отца патриарха констян. хотЂли ся отторвати и от послушанія отпадати и от вЂры ся отлучати, которую мы єдиною приявши, и крещеніємъ святым посвятили ся ²⁵). Аще бы мнЂ колико корон пол(ь)ских давано было, или под мечь ити велЂно,-изволил бы погинути, нежели инако вЂрити; и аще бы на то вси позволили, я бы єдин остал. НЂсть в нашей вЂре, как и сами знаєте, никакой єреси, в том в чим разньствуєм с вами, вси нас єретики с римлянами имянуют єретиками, по что ж мы называли бы ся сами єретиками?

Ксонзъ Словиковский: Мы вас єретиками не называєм, а ни єдиной єреси в вЂре вашей видимы. Великий споръ о похожденіи Св. Духа єсть меж нами, но якъ воєвода повЂдал, школ(ь)ная та вещь. И в том словеси токмо, а не вещію разньствуєм. Греки глаголют: Саusаm, ми: principium Spiritus sancti; они per, ми ex, etc.

Митрополит тоєй розмовы зъ болЂзнію слухал, ани до єдиных речей не приступал, ани позволял на сіє, говорил ²⁶): Мы не истязуємъ ани изстязовати мыслим о вЂре, ани задаєм ²⁷), какъ кто вЂрит, ани отвЂщаєм. Єсли нас кто испытати хощет, какъ вЂримъ, уж не тайно всЂмъ сїє. Справил то С. духъ отцы святыми на вселенских соборЂхъ; а здЂ в Варша†неради истязанїя, но умирения сеймъ поставленный. А єсли для того сеймъ, не истязуемъ вЂры, но что было церковное издавна, и нынЂ да будет отдано.

На то ксонзъ бискуб виленский: Аще нынЂ нелзЂ, но на будущій сеймъ отлагаем истязаніє о ДусЂ СвятЂмъ. Понеж сіє не ново, но всегда мы о том спор имЂли, и єще обЂщаем при судиях имЂти истязанія.

На сіє отець м.: НигдЂ ж не писано дабы Духъ С. походил от сына.

Ксонзъ бискуп: ОбрЂтаєм на соборЂ Флоренском.

Отецъ м.: Той не єсть собором, и не называєм єго правым.

Пан воєвода: Нетреба тутъ спиратися о вЂре, только тоє постановленіє либо прияти либо отложити. Понеж молим ся в церкви на всякъ день о соєдиненіи вЂры, а вышедши из церкви о згодЂ рещи не хощем, и любо за прошеніє наше даєт богъ соєдиненіє, мы не приємлем.

На сиє митрополит: Не о соєдинении нынЂ з'Ђздъ, но о добра нам належащия; вЂры учити ся у васъ не помышляєм; до истязанія такожде приступати не изволяєм, и до конца єсли не одержим с ласки короля и васъ всЂх панов всего что наше, и о чем просимъ, не позволимъ ни на что, и ни єдинаго согласия не хощем. Аще бо инако, не потреба уж и в Києв возвратити ся нам, тамъ бы раз†в Днепру напивати ся воды имЂли. С тЂм нас и козаки поневоли сюда послали.

Ксонзъ бискуп познанский: Дивная вещъ, же святительству твоєму тых повелЂвают, которыя бы повелЂнія вашего слушати должни. Oves vocem pastoris audiunt; аще ли сут(ь) овцы святител(ь)ства, твоєго, имЂли бы слухати пастыря.

Митрополит: Долженъ бы и рабъ и подданый пана слухати, но нынЂ не слушают, и намъ не токмо яко овцы, но яко подданыя паном своим повелЂвают.

Такожде и панъ воєвода: єгда бы, пане бискупе, встали Мазурове, єще бы с ними горшая была справа! Ярит ся всегда той, кто кого побЂдит, уж то истинно глаголю многажды, яко присяглый санатор, что будет война, и митрополит съ духовными будут в Днепру. А козаки снову закличут: ад арма ад арма, тоесть до оружія, до оружия.

На что бискуп познанский: Почтож насъ в вол(ь)ной отчизнЂ изневоляют? Ей, любо нас богъ казнил, но еще живет на небЂ, и не до конца разгнЂва са на нас! А по козацку в Речи Посполитой и у короля пана того чего вы хощете, получити вам невозможно.

На что воєвода: Не стою я здЂ ани по римску ниж по казацску, стою аки санатор присяглый, тоє глаголя: Кто не хощет смирити ся, сей виною будет войны новой! ты, отче митрополита хощеш все взяти, а унияты ничего не хотят дати; блажени хотящи мира, сотворите мир для бога.

На что от. митр: Уж я обЂщал ся до согласія приступити, но тол(ь)ко своє впрям просим, да учинят мои духовныя совЂт, аще ли со мною совЂт(ни).

На що єпископъ Лвовский православный; отецъ архимандрин печарский, отецъ игуменъ михайловский повЂдали: Мы со отцем митрополитомъ єдиной воли и хотЂния; инако-аще бы отецъ митр., восхотЂл премЂнити предложеніє, а приступити к согласію их, мы свидЂтел(ь)ствуемъ на отца митр. Да идут панове униты или до костела римского, или куды хотят, а намъ от всЂхъ церквей со всЂмъ сокровищем отступят.

На что бискуб виленский: Вижю, здЂ вам уж не о благочестии, но о держаніи панства идет! Тщета обаче ярити ся, но на права и на вол(ь)ности Речи Посполитой поглядати!

Пан воєвода: В великом спору идете. Имам страх здЂ страхом моимъ повЂдати, тяжестно бо кому будет, что возглаголю. Вы отцове униты аще будете в своємъ споре стояти, погубите отчизну не хотя ничего уступити для упокоєнія всей Речи Посполитой. А ты, отче митрополито и вси духовныя, изволите вЂдати о семъ, открыю вам остатний совЂтъ. Уже на прощеніи с паном гетманом запороским, совЂтуючи с ним о мирЂ, и онъ приказал наибол(ь)шее имЂти попеченіе о благочестии и о разореніи унии-“А инако мы или паки до войны, или до короля пошлем просячи, абы намъ Зборовскоє постановленіє подтвердилъ, и милость свою о разорении унии оказал. Прочая тебЂ, пане воєводо, вручаємъ, дабы покой совершеный и упокоеніє мира створил, во ином же сам познаєшь как творити”.

Отецъ митрополит не разсуждая гетманскаго приказанія стал притом неотступно, же мы о всем просим. На то ксондз бискуп познанскій съ гнЂвом повЂдал: В неволю бо толику нас не введете, а я до короля Ђду, и извЂщу тоє совЂтованіє. И такъ ничего не совершивше раз'Ђхали ся.

В нeдЂлю ²⁸) на службу божію приЂхал к нам воєвода и пан киовскій с прочими панами обывателями. По службЂ божієйс сЂли ²⁹) з духовенствомъ панъ воєвода и панъ киовскій, моля отца митрополита, что умыслил в той справЂ. На что отецъ митрополит отвЂщал, что аз вчера предолжил пред всЂми бискупами и пред (ва)ми сенаторами, же никако своєго унитом не попущу, но зело короля пана и вас всЂхъ пановъ о сиє просим.

На что воєвода: “Преосвященный отче митрополите, и вы отцы честнии, не надЂйтеся на князя ни на сыны человЂческія, в них же нЂсть спасенія, изыдет дух єго и возвратится в землю свою, в той день погибнут вся помышленія єго. Нетреба благочестія нашего на силу козацкую полагати, благочестіє бо когда оружиєм въстанет, оружиєм и падет. Потреба при разсужденіи Речи Посполитой вся творити, и како пришла бы вещ(ь) до войны великой, побЂдили бы Поляки, мы бы згинули, побЂдили бы козаки, вы по старому бы слуги слугъ своихъ были бысте. Я так совЂтую: пер›-дабы самы сеймъ не разрушили, за которым разрушеніємъ вол(ь)ности войска Запороскаго, которых они єще утверженных не имЂютъ, а вправду у нихъ милость и вЂрность погубим, вЂдаєм бо добре, какіє у них нравы єгда сеймъ ради нашего благочестія разрушит ся, то внезапную войну сотворим, и навЂки зломышленіе на благочестіє наше от Ляхов будетъ; побЂдят ли Ляхи ино мы погибли, побЂдятъ казаки, мы по старому в служенїи имъ. А потом єгда панства ани рядити ани удержати сами возмогутъ, достанем ся в чии третіи руки. Втретіє, начнем о Зборовских правах, на которых все стало, и изволим паки на сеймъ о разрушеніи уніи, аще ли съЂздъ будет, но нынЂ ничего не получим, что смы взяли кровію, и паки будет война, и при ком побЂда будет, той и право писати будет. И какъ то зло єст(ь) ни с чем отсюду от'Ђхати, так зло (єсть) споромъ своимъ сеймъ разрушити, и вол(ь)ности войску Запороскому не утвердити, и войну наглую и страшную сотворити. Но лучше с потЂхою до краєв своих и съ святым миром, и до войска Запорозскаго с вол(ь)ностями Ђхати, и до тЂх убогих християнъ с волею, которіи в плененіи нынЂ живут.

“Опрочь всего что єсть в Лит†обиды святой церкви чрез право умершаго короля, дабы сіє за универсалом нынЂшняго короля скоро привернено было, и праздный монастирь Лещь зовомый дабы был отданый православнымъ; Купятицкій дабы был привращенный: в Смоленску дабы братиям нашим по хотЂніи их збыло.

“В КоронЂ ж церковь Любел(ь)ская, владыцство Хелмскоє пражднующеє чтобы были отданы; владыцство Премысльскоє дабы привращенно, а Жыдычинъ дабы был привращенъ до митрополії; владыцство Хелмскоє, Белъскоє, Красноставскоє, Премысльскоє дабы нам даны; токмо владыцство Володимерскоє останет в КоронЂ, Лвовскоє же смятеніє дабы успокоєно было. То аще бы мы сїє прияли, довольно бы нам; прочая на будущїй сеймъ отлагаєм. А єгда будемъ в такой же власти, ино как умрет владыка, который униат, у которых в животЂ отбирать) невозможно, то и силою отняти возможно будет; и вскорЂ помощию божією уния исчезнет, а благочестіє процвЂтет. Инако ж кто разумЂет, и речет. А коли сила наша ослабЂєтъ. Удобно что и одержим-погибнетъ. Все бо идет за силою; писахом права и присягано нам, все сіє измЂну взяло. Что ни єст(ь) нынЂ одержати можем, ciє и приимемъ, а покою сейму не разараймо, в том бо здравіє и погібел(ь) наша.

На сіє наши: Яко мы обЂщалис(ь), в том стояти будем и же на такой подЂл добръ наших сущих не попустим, но о всем договаривати ся будем. Не разрушим тЂмъ сейму ниж разорвем мир, что нашего дововариваєм ся; той бол(ь)ше рветъ сеймъ и покой, кто чужаго отдати не хощеть.

“О утверженіи постановленія под Зборовом, о волностях козацких не договариваєм ся, ани прилагаєм ся до того, но на их крЂпости и силЂ никто ж может основатис(ь). Мы нашу обиду предлагая упокоєнія просим, на будущій сеймъ справ наших духовных не отлагаемъ, нынЂ вяшще не съ смЂхомъ да отвЂщаютъ намъ панове и ксондзы.

“А при сем аще бы смы и над козацкоє хотЂніє, котороє корол(ь) обЂщалъ, что противо сотворили, сами бы єсмы от них возвративши ся погибли, яко ты пане воєводо их обьявленє в КиєвЂ слышал. Лучше нам ни с чим до Києва Ђхати, а так не наша вина будет, но тЂх которіи противу отвЂщают, нежели с тым что ани народу Рускаго, ани казаков увеселит, и что уж они приказали дабы смы инак не позволяли, о сем зело вас молим.

На что воєвода: Неудоб взяти у короля, и Речи Посполитой не можем повелЂти. Мы просим, они не дают, неподобно бо просим; лучше просить, дабы и онЂ позволили.

На то митрополит: Кто хощет, да приступаєт к согласію их, азъ же яко духовенство вчера глаголало противо мене, инако сотворит(ь) не могу.

Настоял многажды воєвода о согласіи скором, но мы на разсужденіє взявши, уступихом во ину храмину, и тамъ на обЂ страны уговорившись так воєводЂ говорили: Любо и нам небезпечально и тщета церкви божієи, и с неутЂшениєм тЂх, котории в надеждЂ остают кролевской милости и РЂчи Посполитой, обЂщаючи себЂ отданїя всЂхъ добръ, которыми без правды унїяты владЂютъ,-но мы, смотрячи на трудности Речи Посполитой, дабы договором своим бол(ь)ши не трудити их, надЂяся себЂ болшей кролевской милости, смотрящи и на высокую честь в той справЂ, и совЂтъ таков усовЂтовали, и вам изъясняєм: дабы нам панове уніяти посредство всЂх добръ, всЂх престолов, и всЂх церквей уступили, а сами дабы ся боле не множили. По их же скончанїи дабы намъ вси добра во владЂніє отданы были.

Слышав сіє воєвода, с жалостію повЂдал: Всує вижу мой и труд, всує моє и тщаніе, вещи наклоненныя убращают ся в горшеє, аз и руки умываю, и бол(ь)ши истязоватис(ь) не хощу. Вы аще можете, сами справляйте. Подобно ли то, дабы ровная нам шляхта далась поддати нам в неволю? или на сіє изволити может ли крол(ь), дабы привилея єго от нас обезсчещены быт(ь) могли? О неудобных вещах молим. Не лучши ли то до отобранія всЂх наших вещей не будучи досадными Речи Посполитой и королю, пождати мало. А по скончаніи живущих униатов, гдЂ-нибудь покажется умерый, дабы униатом не давано, но нам да будет возвращенно, а инде и силою отимем, а так все своє обрящем. Или не говорих с послами козацкими о том, но єгда им совЂтъ той предложу, который полагаю пред вами, чаю, что и онЂ на сіє изволят, на что вы не изволяєте.

Призвано тогда послов козацкихъ к тому сидЂнію, которым воєвода свой совЂтъ ухищренно с ыными розговоры обявил: о пол(ь)зЂ покоя, и не о пол(ь)зЂ войны.-"На что бы вы панове молодцы восхотЂли изволити либо нынЂ договариваючись всЂ добра от унитов хощете побрати, а волности свои и права зборовскіє имЂти не утверженыє, сеймъ разрушит(ь), и паки непокой сотворивши отчизну воєвать(ь)? Или обЂщаніє от короля такоє имЂти, по смерти ж нынЂшных обладателей унїатских всЂм добром их владЂти, и вол(ь)ности свои и права Зборовскіє и покой имЂти утверженный, и ни с чЂмъ отсюду от(ъ)Ђхати, и сейму не разоряти. О чем меня пан гетман просил, дабы прилЂжно о том тщал ся”.

ОтповЂдал нЂкто єдинъ от казаковъ, Иванъ Крековенский ³⁰): Пане воєводо, трудно нам насилством что взяти у короля и РЂчи Посполитой. Любо повинни єсмы договаривати ся обЂщанія под зборовского, что уния до конца разорена имЂла быти, и добра их возвращены нам; аж но нынЂ не все возвращают, лутче взяти чтонибудь, а по обЂщаніи вашем дабы по смерти нынЂшниє унЂятов нам возвращало ся-нежели ничего не взяти, и сеймъ розорвати. Обаче ³¹) и унЂяти но во многоє время почасти, такожде и мы от них помалу отнимаючи будем отбирати.

Ciє слышав воєвода порадовался. Тутъ єще спомнили архиєпископию Полотцскую, которую владЂєт Силава уният з митрополиєю,-и тоє обЂщал воєвода извЂстити королю. И такъ розЂхали ся воєвода и послы козацкія на пир до арцибискупа.

Дата добавления: 2015-07-18