Икос 11

Свете Мой Боже Предвечный и Творче всех тварей, Господи како терпеши страсти на Кресте. — Чистая Дево плачущи глаголаше о страшнем Твоем рождестве, Сын мой паче всех ма­терей возвеличена бых Аз, но увы Мне, ныне Тя видяще, распаляюся утробою. Мы же слезы проливая Тебе внимающе, во­пием Ти:

Радуйся, радости и веселия лишенная

Радуйся, вольная страдания Сына Своего на Кресте ви­девшая

Радуйся, чадо Свое возлюбленное уязвленным зревшая

Радуйся, Агнице зряща чадо Свое Агнца на заклание ве­дома

Радуйся, Избавителя язв душевных и телесных язвами по­крытая видевшая

Радуйся, Сына Своего воскресшаго из мертвых зревшая

Радуйся, Многоскорбная Мати Божия, печаль нашу в ра­дость претворяющая

Благодать подаждь нам, Спасе Всемилостивый на Кресте Дух Свой испустивый и согрешений наших рукописание раздравый. «Се свете Мой сладкий, надеждо и животе Мой Благий». Бог мой угасе на Кресте — Дево стеняюще глаголюще — потщися Иосиф к Пилату приступите и испросите сняти с древа Учителя Твоего уязвленная Тя видевше, без славы, нага на дре­ве. Чадо мое, душу мою пройде оружие, по речению праведного старца Симеона, провидя Мати Божия, вопияще Богу: Алли­луиа!

Икос 12

Поюще милосердие Твое, человеколюбие поклоняются бо­гатству милости Твоя, Владыко, создание Твое спасти хотя, смерть подъял еси — рече Пречистая — но воскресением Тво­им Спасе, помилуй всех нас. Мы же вопием Ти:

Радуйся, мертвого зряща без дыхания преблагаго Господа

Радуйся, лобызающая Тело Сына Своего возлюбленного

Радуйся, Света Своего сладкого нага и уязвленна зрела еси

Радуйся, Сына Своего гробу предавшая

Радуйся, плащаницею новою Тело Его обвившая

Радуйся, воскресшим Его видевшая

Радуйся многоскорбная Мати Божия печаль нашу в ра­дость претворяющая

Кондак 13

О, Всепетая Мати, изнемогавшая от скорби у креста Сына Своего и Бога! Внемли воздыханиям и слезам нашим, и избави от скорби болезней и вечныя смерти всех уповающих на неиз­реченное Твое милосердие и вопиющих Богу: Аллилуиа! Аллилуиа! Аллилуиа!

Сей кондак читать трижды.

Затем: икос 1 н кондак 1

Тропарь

Умягчи наша злыя сердца, Богородице и напасти ненавидя­щих нас угаси и всякую тесноту души нашея разреши на Твой бо Святый Образ взирающе Твоим страданием и милосердием о нас умиляемся и раны Твоя лобызаем. Стрел же наших Тя терзающих ужасаемся. Не даждь нам Мати благосердая в же­стокосердии нашем и от жестокосердия ближних погибнути. Ты бо еси, воистину злых сердец умягчение.

Дата добавления: 2015-07-14