Кондак 6

Хотяй явити любовь Свою к роду человеческому Господь Наш, Иисус Христос на Тайной вечере благословив и преломив хлеб, даде святым ученикам и апостолам рек: «Приимите, ядите сие есть Тело Мое». И прием и хвалу воздав, даде им глаголя: «Пиите от нея вси, сия есть Кровь Моя, Нового Завета, яже за вы и за многая изливаемая во оставление грехов». Благодаряще Милостивого Бога за милосердие Его к нам неизреченное, поем: Аллилуиа!

Икос 6

Новое знамение милости Своея яви Господь учеником Сво­им, егда обеща послати им Утешителя Духа Истины яже ет Отца исходит и будет свидетельствовать о Нем. Тебе же, Ма­тери Божией, дважды освященной Святым Духом вопием:

Радуйся, Духа Святого обиталище

Радуйся, чертоже всесветлый

Радуйся, пространное селение Бога Слова

Радуйся, бисер Божественный произведшая

Радуйся, рождеством Твоим райския двери нам отверза­ющая

Радуйся, знамение Милости Божией нам Собою явившая

Радуйся, многоскорбная Мати Божия, печаль нашу в ра­дость претворяющая

Кондак 7

Странно и прискорбно нам слышати яко лобзанием предаде Учителя Своего и Господа Иуда Искариотский. Спнра же и тысячник и слуги иудейския яша Иисуса и связаше Его и ведоша к первосвященнику Анне первее, посему же и Каиафа архиеревы. Мати же Божия смертого совета Сына Своего возлюблен­ного ожидая, вопияла Богу: Аллилуиа!

Икос 7

Иудеи ведоша Иисуса от Каиафы в претор к Пилату глаголюша Его злодеем. Пилат же вопросивше Его, глагола им яко ни единыя вины обрете в Нем. Мы же вопием Ти:

Радуйся, сердце горем истерзанное имевшая

Радуйся, слезы о Сыне Своем проливавшая

Радуйся, все претерпевшая без ропота яко раба Господня

Радуйся, стенящая и рыдающая

Радуйся, Царица Небеси и земли приемлющая молитвы раб Своих

Радуйся, многоскорбная Мати Божия, печаль нашу в ра­дость претворяющая

Кондак8

Страны неведомой и чудесной в нюже грядут все человецы по смерти трепещут. Тем же молю Тя Владычице, Богородице, призри милостивым оком на окаянную душу мою одержимую тяготою греховно и готовую быть предану огню от Праведнаго Судии, но Твоими молитвами человеколюбивая Дево, благопри­ятно сотвори Твоего Сына и всех Бога хотящего мя обличити пред Ангелом от лукавых помышлений и деяний моих, да Тебя бо послушает Человеколюбец Бог наш, Ему же поют: Аллилуиа!

Икос 8

Весь еси пучина греха. Судия же приближается, при дверях конец, бодруйствуй душе из глубины сердца, возопи Матери Бога Нашего: избави мя страшных мук. И вместе со всеми Свя­тыми Владычице вопию Ти:

Радуйся, яко вси верою к Тебе приходящий спасаются Радуйся, яко Тобою скорбящий утешение, болящий исцеле­ние бедствующе благовременную помощь приемлют Радуйся, Споручнице грешников покаявшихся Радуйся, взыскание погибших Радуйся, грешных с Богом примирение Радуйся, Одигятрие по пути спасения нас ведущая Радуйся, многоскорбная Мати Божия, печаль нашу в ра­дость претворяющая

Кондак 9

Вси роди блажат Тя, Честнейшую Херувим и Славнейшую без сравнения Серафим Владычицу и Мати Избавителя Нашего рождеством Своим радость всему миру принесшую, последи же скорбь велию имевшую видяще Сына Своего Возлюбленного на поругание, биение и смерти преданного. Мы же умиленное пе­ние приносим Ти Пречистая вопияше Всемогущему Богу: Ал­лилуиа!

Икос 9

Ветия многовещанныя не возмогут изреши всех страданий Тобою принесенных Спасе наш, егда воины сплетши венец из. терния на главу Твою и в ризу багряну облекоша глаголашу: «Радуйся Царю Иудейский!» и бияху Тебя по ланитам. Мы же Мати Божия страдания Твоя познавая вопием Ти:

Радуйся, Его же млеком Своим питала еси, терзаемого ви­девшая

Радуйся, багряницею и терновым венцем одеянного зревшая

Радуйся, страданиям Его спострадавшая

Радуйся, всеми учениками Его оставленного видевшая

Радуйся, неправедными судиями Его осужденного зревшая

Радуйся, Многоскорбная Мати Божия, печаль нашу в ра­дость претворяющая

Дата добавления: 2015-07-14