Пространная молитва о живыхъ

Помяни́, Го́споди Iисусе́ Хрiсте́, Бо́же на́шъ, Ми́лости и Щедро́ты Твоя́ отъ вѣ́ка су́щiя, и́хже ра́ди и вочеловѣ́чился еси́, и распя́тiе и смѣ́рть, спасе́нiя ра́ди Пра́во (т.е. Православно) въ Тя́ вѣ́рую­щихъ, претерпѣ́ти изво́лилъ еси́; и воскре́съ изъ ме́ртвыхъ, возне́слся еси́ на Небеса́ и сѣди́ши одесную́ Бо́га Отца́, и призира́еши на смире́нныя мольбы́ всѣ́мъ се́рдцемъ призыва́ющихъ Тя́; прик­лони́ Ухо Твое́, и услы́ши смире́нное моле́нiе мое́ непотре́бнаго раба́ Твоего́ въ во́ню благоуха́нiя духо́внаго, Тебѣ́ за вся́ лю́ди Твоя́ принося́щаго. И въ пе́рвыхъ помяни́ Це́р­ковь Твою́ Святу́ю, Собо́рную и Апо́столь­скую, ю́же снабдѣ́лъ еси́ Честно́ю Твое́ю Кро́вiю, и утверди́, и укрѣпи́, и разши́ри, умно́жи, умири́ и непреобори́му а́довыми враты́ во вѣ́ки сохрани́; раздира́нiя церкве́й ути́ши, шата́нiя язы́ческая угаси́, и е́ресей воста́нiе ско́ро разори́ и искорени́, и въ ничто́же Си́лою Свята́го Твоего́ Ду́ха обрати́.

Спаси́, Го́споди, и поми́луй Ревни́теля Хрiстiа́нскаго Благоче́стiя, Защи́тника и покрови́теля Хрiстовы Це́ркви: [гряду́щего] Благочести́вѣйшаго, Самодержа́внейшаго Вели́каго Госуда́ря и Отца́ всея́ Россíи, IМПЕРА­ТОРА на́шего (ЕГОЖЕ и́мя Го́споди, Ты, вѣси), ЕМУЖЕ вѣ́рностью обѣтова́лися во вся́ дни́ до сконча́нiя вѣ́ка. Огради́, Го́споди, ми́ромъ держа́ву хрiста́ Твоего́, и покори́ подъ но́зи ЕГО вся́каго врага́ и супоста́та; пода́ждь, ЕМУ, Го́споди, благоде́нственное и ми́рное житiе́, зра́вiе и спасе́нiе, во все́мъ благо́е поспѣше́нiе, на враги́ же побѣ́ду и одолѣ́нiе; да пове́ргнетъ у́бо Пома́занный Дави́дъ подъ Но́зи Твои́, Го́споди, всѣ́хъ враго́въ Твои́хъ, Зе́млю Ру́сскую объедини́тъ, вся́ е́реси, крамо́лы, раздо́ры и нестрое́ниiя удали́тъ. Правовѣ́рiе же, Благоче́стiе, ми́ръ, тишину́ и ро́гъ Правосла́вныхъ Хрiстiа́нъ по всѣ́й земли́ утверди́тъ и подъ Вла́сть Твою́ всѣ́хъ обрати́тъ; ца́рство анти́христа изничто́­житъ и Нѣве́сту Твою́: Еди́ну, Святу́ю, Собо́рную и Апо́с­тольскую Це́рковь ко Второ́му и Сла́вному Прише́ствiю Твоему́ приугото́витъ; да и мы́ подъ Самодержа́вной десни́цей хрiста́ Твоего́, ти́хое и безмо́лвное житiе́ поживе́мъ въ Правовѣ́рiи и во вся́комъ Благоче́стiи, и чистоте́.

Спаси́, Го́споди, и поми́луй Супру́гу ЕГО Благочестивѣйшую Госу­да́рыню Императрі́́цу (ея́же и́мя, Го́споди, Ты́ вѣ́си), Наслѣ́дника ЕГО Благовѣ́рнаго Госуда́ря Цесаре́вича и Вели́кого Кня́зя (его́же и́мя, Го́споди, Ты́ вѣ́си); и вся́ Благовѣ́рныя Цари́ и Цари́цы, Князи́ и Княги́ни. Препоя́ши и́хъ, Господи, Пра́вдою и Ми́ром, огради́ на всѣ́хъ путе́хъ Святы́ми Твои́ми Ангелы, да ничто́же успе́етъ лука́вый на ни́хъ и дiа́волъ не приложи́тъ обольсти́ти и́хъ, испо́лни и́хъ долгото́ю дне́й и кре́постію си́лъ, да соверша́тъ вся́ во сла́ву Твою́ и во бла́го люде́й Твои́хъ.

Спаси́, Го́споди, и поми́луй Святѣ́йшiй Всероссійский Прави́тельствующiй Сино́дъ, Митрополи́та на́шего (имярекъ)*, Святѣ́шiя Патрiа́рхи, и Преосвяще́нныя Митропо­лíты, Архiепíскопы и Епíскопы Правос­ла́вныя, Пресви́терство, во Христѣ́ дiа́конство и ве́сь при́четъ церко́вный, и́хже поста́вилъ еси́ пасти́ слове́сное Твое́ ста́до; еще́ мо́лимся о е́же досто́йныхъ дѣ́лателей на жа́тву Твою́ изведи́ти и до́брыхъ па́стырей Це́ркви Твое́й дарова́ти, отъ злы́хъ же виногра́дарей и волко́въ, Насле́дiе Твое́ [десни́цею хрiста Твоего] огради́ти; и соблюди́ и́хъ, Го́споди, я́коже прiе́мникъ Апо́́столовъ Твои́хъ пра́во пра́вящихъ Сло́во Твоя́ Истины; да́руй и́мъ Ре́вность Апо́стольс­кую и Огнь Свята́го Ду́ха въ сердца́ и́хъ, да всегда́ дерзнове́нно восста́нутъ проти́ву мно́гихъ ны́нѣ ересе́й и поро́ковъ; и не пощадя́тъ живота́ своего́ ра́ди спасе́нiя люде́й Твои́хъ; соде́лай и́хъ, Го́споди, сына́ми Свѣ́та и моли́твами и́хъ поми́луй и спаси́ мя́ грѣ́шнаго.

Спаси́, Го́споди, и поми́луй, ве́сь Мона́шескiй и И́ноческiй Чи́нъ, и́хже къ равноа́нгельскому житiю́ и моли́тве за всего́ Ада́ма призва́лъ еси́; сего́ ра́ди сподо́би и́хъ на духо́вной бра́ни дiа́вола побѣди́ти, за ве́сь мíръ пла́менно моли́ти, Ангелами во пло́ти на земли́ пожи́ти и въ у́мномъ дѣ́ланіи со Христо́мъ тисне́йшимъ сою́зомъ соедини́теся.

Спаси́, Го́споди, и поми́луй Богоизбра́н­ный и Богохрани́́мый Ца́рст­вующiй До́мъ Рома́новыхъ; Благовѣ́рныхъ Прави́те­льствующiй Синкли́тъ, военача́льни­ковъ, градонача́лниковъ, Хрiстолюби́вое во́инство, доброхо́ты и лю́дiе; и всѣ́хъ благоче́стно за Правосла́вную Вѣ́ру, Царя́ и Оте́чество подвиза́ющихся; препоя́­ши и́хъ, Го́споди, Си́лою Твое́ю на всѣ́хъ вра́гъ ви́димыхъ и неви́димыхъ, утверди́ ка́ждаго на благопотре́бномъ Пу́ти Служе́нiя Тѣбѣ́, да́руй и́мъ ре́в­ность по Сла́ве Имени Твоего́ необо­ри́мую, и вѣ́рность Пома́заннику Твоему́ непоколе­би́мую.

Спаси́, Го́споди, и поми́луй ненави́дящихъ и оби́дя­щихъ на́съ, и творя́щихъ на́мъ напа́сти, всѣ́хъ бли́ж­нихъ и сро́дниковъ непра́дно восстаю́щихъ на́съ, и не оста́ви поги́бнути душа́мъ и́хъ, но спаси́ всѣ́хъ, я́ко Бла́гъ и Человѣко­лю́бецъ.

Спаси́, Го́споди, и поми́луй благотворя́щихъ, упокоева́ющихъ, ми́лующихъ и пита́ющихъ на́съ, и запове́давшихъ на́мъ моли́теся о ни́хъ; всѣ́хъ плодонося́щихъ и добродѣ́ющихъ во Всечестны́хъ Хра́махъ и Святы́хъ Оби́теляхъ Твои́хъ, всѣ́хъ подвиза́ющихся, тружда́ющихся и пребывающи́хъ въ ни́хъ. Сотвори́ Го́споди Ми́лость Твою́ съ ни́ми и возда́й и́мъ за земна́я Небе́сными, за вре́менная ве́чными, за несоверше́нная соверше́нными и дaруй и́мъ вся́ я́же ко Спасéнію проше́нія и Жи́знь Вѣ́чную.

Спаси́, Го́споди, и поми́луй Гра́дъ се́й (если въ сельской местности: Ве́сь сiю́) въ ко́емъ живе́мъ, Святы́й Хра́мъ/Оби́тель (речь идет о Храме, прихожанами коего мы являемся) и Богохрани́мую Страну́ на́шу Россíйскую; сохрани́ Го́споди вся́кiй Хра́мъ, Оби́тель, гра́дъ, вѣ́сь, страну́, и спаси́ всѣ́хъ Вѣ́рою и Благоче́стиемъ живу́щихъ и пребыва́ющихъ въ ни́хъ.

Спаси́, Го́споди, и поми́луй всѣ́хъ ко́ихъ мы́ безу́міемъ свои́мъ соблазни́ли и отъ Пути́ Спаси́тельнаго отврати́ли, къ дѣло́мъ злы́мъ и непотре́бнымъ соврати́ли, изря́днее тѣ́хъ къ ко́му испы́тываемъ неприя́знь; си́хъ Го́споди, Боже́ственнымъ Про́мысломъ Твои́мъ на Пу́ть спасе́нiя па́ки возрати́, въ Истинѣ Твое́й непоколеби́мо утверди́, вся́ грѣхи́ и́хъ къ вя́щей Сла́ве Твое́й обрати́, сердца́ же на́ша теплото́ю Благода́ти Любве́ Твоея́ исцели́.

Спаси́, Го́споди, и поми́луй всѣ́хъ ста́рцевъ (пожилых людей) и ю́ныхъ (детей), ни́щихъ и убо́гихъ (калек), си́рыхъ (сирот) и вдо́выхъ, су́щихъ въ болѣ́знѣхъ же и въ печа́лѣхъ, бѣ́дахъ же и скорбе́хъ, обстоя́нiихъ (въ осаде) и плѣне́ніихъ, темни́цахъ же и заточе́­нiихъ; изря́днѣе же пла́вающихъ и путеше́ствующихъ отце́въ, и бра́тій, и се́стръ на́шихъ; всѣ́хъ су́щихъ въ гоне́нiихъ Тебе́ ра́ди: Вѣ́ры Правосла́вныя, Самодержа́вiя Ца́рскаго и Оте́чества на́шего отъ язы́къ безбо́ж­ныхъ, отъ отсту́пникъ и отъ еретiко́въ, су́щiя рабы́ Твоея́, и помяни́ я́ (их), Го́споди, посѣти́, просвѣти́, укрѣпи́, утѣ́ши, и вско́рѣ Си́лою Твое́ю смире́нiе, терпе́нiе, спасе́нiе и исцеле́нiе и́мъ пода́ждь.

Спаси́, Го́споди, и поми́луй всѣ́хъ отце́въ, и бра́тій, и се́стръ на́шихъ о ко́мъ не́кому помоли́тися, во мра́цѣ (мраке) невѣ́дѣнія Еди́наго Истиннаго Бо́га су́щихъ, отступи́вшихъ отъ Правосла́вныя Це́ркви и поги́­бельными е́ресями ослѣпле́нныхъ; разруши́, Го́споди, вся́ на ни́хъ ко́зни вра́жия и по Всемогу́ществу Безприкла́дныя Ми́лости Твоея́ Свѣ́томъ Богове́денiя Ду́щи и́хъ просвети́, Ба́ни па́ки Бытiя́ (т.е. Свята́го Крещенiя) сподо́би и сопричти́ и́хъ Еди́нѣй Твое́й Святѣ́й, Собо́рнѣй и Апо́стольстѣй Цѣ́ркви.

Спаси́, Го́споди, и поми́луй отца́ моего́ духо́внаго (имярекъ)**, и святы́ми его́ моли́твами прости́ вся́ моя́ согрѣше́нiя.

Спаси́, Го́споди, и поми́луй роди́тели моя́ (имярекъ), Богомда́нныя мнѣ́ ча́да (имярекъ)***, всю́ бра́тiю, и се́стры, и сро́дники моя́ по пло́ти, и вся́ бли́жнiя ро́да моего́, и дру́ги, и да́руй и́мъ ми́рная Твоя́ и преми́рная Блага́я.

Спаси́, Го́споди, и поми́луй рабъ Твоихъ (имярекъ)****, и всѣ́хъ бли́жнихъ и сро́дниковъ ны́нѣ здѣ́ помина́емыхъ, и всѣ́хъ отце́въ, бра́тiй, и се́стръ на́шихъ.

Ме́зкое и богоху́льное жидо́вское и́го и агаря́нское ца́рство вско́ре испрове́ржи и Помаѣ́заннику Своему́ преда́ждь, Зе́млю Ру́сскую собери́, вся́ е́реси, крамо́лы, раздо́ры и нестрое́нiя удали́; Правовѣ́рiе же, Благоче́стiе, ми́ръ, тишину́ утверди́ и воздви́гни ро́гъ Хрiстiа́нскiй, и низпосли́ на на́съ Ми́лости Твоея́ бога́тыя.

* Помяни своего епархиального Архиерея.

** Помяни Своего Духовного Отца (человека который привел тебя к Православной Вере) или Священника у коего духовно окормляешься.

*** Здесь также селдует поминать своих крестных детей. Не нужно забывать, что крестные родители – это тоже родители, крестники – в полном смысле их чада.

**** Открой синодик (в конце молитвослова) и помини своих ближних и сродственников. А также всех тех, коих Господь придет тебе на ум (кого вспомнишь) в сию минуту.

Дата добавления: 2015-07-12