Молитвы 9-ти Ангельскимъ Чинамъ

Огнепла́менніи Серафи́ми, Любве́ Бо­́жія пода́тели и Во́ли Творца́ преско́рые исполни́тели! Умоли́те Го́спода, да да́ру­етъ на́мъ Се́рдце Свое́ пла́менно люби́ти Бо́га и бли́жнего своего́; во всѣ́мъ твори­́ти Всеблагу́ю Во́лю Его́ и непреста́нно воспева́ти Всесвято́е Имя Его́.

Многоочи́тіи Херуви́ми, Свѣ́томъ Боговѣ́денія сіяю́щіе и глубино́ю Пре­му́д­рос­ти Бо́жія просвѣща́еміи! Испро­си́те на́мъ Умъ позна́ти Влады́ку Бо́га Своего́ и неп­реста́нно пребыва́ти во прису́тствіи Сла́вы Его́.

Богоно́сніи Престо́ли, Могу́щества и Сла́вы Бо́жія носи́тели! Умоли́те Творца́, сердца́ на́ша престо́ломъ Хріста́ Царя́ сотвори́ти и носи́телями Сла́вы Бо́жіей на́съ яви́ти.

Могу́щественніи Госпо́дствія*, Образа Бо́жія въ мі́рѣ блюсти́тели и діа́волихъ ко́зней побѣди́тели! Умоли́те Творца́ во всѣ́мъ подо́бными на́съ Влады́ке Хрісту́ сотвори́ти и вла́сть побѣжда́ти зло́ у Го́спода на́мъ испроси́те.

Чудотворя́щіе Крѣ́постію Го́спода Си́лы, да́рующіе Благода́ть чудотво­ре́ній, си́ло не́мощныхъ и смире́ніе озло́блен­ныхъ! Моли́твами ва́шими Си́лой Хрiсто́вой на́съ облеци́те, во и́стиннѣмъ смире́ніи утверди́те и необори́му вѣ́рность Хрiсту́ Царю́ у Го́спода на́мъ испроси́те.

Противобо́рцы бѣсо́встіи, Святі́и Вла́сти**, Влады́чества Бо́жія во вселе́н­ной устано­ви́тели, діа́вола и навѣ́товъ его́ побѣди́тели! Моли́твою свое́й Влады́­чество Хріста́ Царя́ въ душа́хъ на́шихъ утверди́тѣ и побѣ́ду на́дъ ду́хами зло́бы у Го́спода на́мъ испроси́те.

Во́ли Бо́жіей во вселе́нной устано­ви́тели, Святі́и Нача́ла, стра́нъ и ца́рствъ влады́ки! Засту́пничествомъ ва́шимъ на Пу́ть Истины вси́ наро́ды наста́вте и на́шу жи́знь по Стезя́мъ Госпо́днимъ упра́вте.

Святі́́и Арха́нгели***, Вѣ́ры Правосла́в­ныя укрепи́тели и Та́инствъ Хрісто́вы Це́ркви человѣ́камъ открыва́тели! Моли́т­вою свое́ю на ка́мене Вѣ́ры Правосла́вной непоко­леби́мо на́съ утверди́те и во мра́цѣ невѣ́денія су́щихъ къ Свѣ́ту Хрісто́вой Истины обрати́те.

Святі́и Ангелы, ме́ньшихъ Та́йнъ Бо́жі­ихъ возвести́тели, добродѣ́телей наста́в­ницы и человѣ́ковъ храни́тели, отъ вся́каго зла́ соблюди́те на́съ. Ами́нь.

* Господства помогают людям владеть собой. Их нужно призывать всякому, кто хочет освободиться от какой-либо страсти, худой привычки, или немощи, но не может сделать этого, по причине слабой воли: Госпо́дствія Святíи укрепи́те мою́ сла́бую во́лю на борьбу́ с грѣхо́мъ, помози́ти мнѣ́ возгоспо́дствовать на́дъ страстя́ми мои́ми. Ами́нь!

** Мучимым от диавола (бесноватым, припадочным, кликушам, порченым) и терзаемым бесом уныния нужно молится Властям. Власти не замедлят прийти на помощь и прогонят беса: Вла́сти Святíи, вла́стiю отъ Бо́га ва́мъ да́нною, отгони́те отъ раба́ (-ы) Бо́жiя (-ией) (имяре́къ) бе́са, его́ (ее) му́чащего (-ую)!

*** При колебаниях, когда не знаешь, как исполнить Волю Божию, нужно молится Архангелам: "Арха́нгели Бо́жій, Сами́мъ Бо́гомъ определе́нные для науче́нія на́шего, вразуми́те, научи́те меня́, ка́ко мнѣ́ вы́брать пу́ть, во́ньже пойду́, да Го́споду Бо́гу моему́ благоугожду́!"

Дата добавления: 2015-07-12