Читайте также:
|
2, 4, 6 и 8 гласов
Воскрес из гроба и узы растерзал еси ада, разруши΄л еси осуждение смерти, Господи, вся от сетей врага избавивый; явивый же Себе апостолом Твоим, послал еси я на проповедь, и теми мир Твой подал еси вселенней, Едине Многомилостиве.
Если воскресенье совпадает с двунадесятым Господним праздником, а также 1 августа и в Неделю Крестопоклонную, поется тропарь празднику.
Если двунадесятые праздники, Господний или Богородичный, а также отдания их приходятся на седмичные дни, поется только тропарь празднику.
В седмичные дни, совпадающие с праздником святого (святых), сначала поется тропарь святому (святым), а затем на "Слава, и ныне" поется отпустительный Богородичен воскресный по гласу тропаря святому (отпустительный Богородичен содержится в Минее).
Диакон: Помилуй нас, Боже, по велицей милости Твоей, молим Ти ся, услыши и помилуй!
Хор: Господи, помилуй (трижды).
Диакон: Еще молимся о Великом Господине и Отце нашем Алексии, Святейшем Патриархе Московском и всея Руси, о Господине нашем Преосвященнейшем (митрополите или архиепископе или епископе имя рек) и всей во Христе братии нашей.
Хор: Господи, помилуй (трижды).
Диакон: Еще молимся о Богохранимей стране нашей, властех и воинстве ея, да тихое и безмолвное житие поживем во всяком благочестии и чистоте.
Хор: Господи, помилуй (трижды).
Диакон: Еще молимся о блаженных и приснопамятных создателех святаго храма сего (аще во обители: святыя обители сея), и о всех преждепочивших отцех и братиях, зде лежащих и повсюду, православных.
Хор: Господи, помилуй (трижды).
Диакон: Еще молимся о милости, жизни, мире, здравии, спасении, посещении, прощении и оставлении грехов рабов Божиих, братии святаго храма сего (аще во обители: святыя обители сея).
Хор: Господи, помилуй (трижды).
Диакон: Еще молимся о плодоносящих и добродеющих во святем и всечестнем храме сем, труждающихся, поющих и предстоящих людех, ожидающих от Тебе великия и богатыя милости.
Хор: Господи, помилуй (трижды).
Священник: Яко милостив и Человеколюбец Бог еси, и Тебе славу возсылаем, Отцу и Сыну и Святому Духу, ныне и присно и во веки веков.
Хор: Аминь.
Диакон: Исполним утреннюю молитву нашу Господеви.
Хор: Господи, помилуй.
Диакон: Заступи, спаси, помилуй и сохрани нас, Боже, Твоею благодатию.
Хор: Господи, помилуй.
Диакон: Дне всего совершенна, свята, мирна и безгрешна у Господа просим.
Хор: Подай, Господи. (То же повторяется после каждого прошения.)
Диакон: Ангела мирна, верна наставника, хранителя душ и телес наших, у Господа просим.
Прощения и оставления грехов и прегрешений наших у Господа просим.
Добрых и полезных душам нашим и мира мирови у Господа просим.
Прочее время живота нашего в мире и покаянии скончати у Господа просим.
Христианския кончины живота нашего безболезненны, непостыдны, мирны и добраго ответа на Страшнем судищи Христове просим.
Пресвятую, Пречистую, Преблагословенную, Славную Владычицу нашу Богородицу и Приснодеву Марию со всеми святыми помянувше, сами себе и друг друга и весь живот наш Христу Богу предадим.
Хор: Тебе, Господи.
Священник: Яко Бог милости и щедрот и человеколюбия еси, и Тебе славу возсылаем, Отцу и Сыну и Святому Духу, ныне и присно и во веки веков.
Хор: Аминь.
Священник: Мир всем.
Хор: И духови твоему.
Диакон: Главы наша Господеви приклоним.
Хор: Тебе, Господи.
Священник (тихо): Господи Святый, в вышних живый, и на смиренныя призираяй, и всевидящим оком Твоим призираяй на всю тварь; Тебе приклонихом выю сéрдца и телесé, и молимся Тебе: (Святе Святых) простри руку Твою невидимую от святаго жилища Твоего и благослови вся ны! И аще что согрешихом, волею или неволею, яко Благ и Человеколюбец Бог, прости, даруя нам мирная и премирная благая Твоя.
Священник: Твое бо есть, еже миловати и спасати ны, Боже наш, и Тебе славу возсылаем, Отцу и Сыну и Святому Духу, ныне и присно и во веки веков.
Хор: Аминь.
Диакон: Премудрость!
Хор: Благослови!
Священник: Сый благословен, Христос, Бог наш, всегда, ныне и присно и во веки веков.
Хор: Аминь. Утверди, Боже, святую православную веру, православных христиан во век века!
Священник: Пресвятая Богородице, спаси нас!
Хор: Честнейшую Херувим и славнейшую без сравнения Серафим, без истления Бога Слова рождшую, сущую Богородицу, Тя величаем!
Священник: Слава Тебе, Христе Боже, Упование наше, слава Тебе!
Хор: Слава Отцу и Сыну и Святому Духу, и ныне и присно и во веки веков, аминь. Господи, помилуй, Господи, помилуй, Господи, помилуй. Благослови.
Священник (творит отпуст в Неделю, стоя посреди святых врат и обратясь лицом к народу): Воскресый из мертвых, Христос, истинный Бог наш, молитвами Пречистыя Своея Матере, святых славных и всехвальных апостол, (святаго храма и дне), святых праведных богоотец Иоакима и Анны и всех святых помилует и спасет нас, яко Благ и Человеколюбец.
Хор (многолетие): Великаго Господина и Отца нашего Святейшаго Патриарха Московского и всея Руси Алексия, Богохранимую страну нашу и вся православныя христианы, Господи, сохрани их на многая лета.
К утрени присоединяется, завершая всенощное бдение, служба 1-го часа, как моление, соответствующее началу дня. Древнейшие утренние молитвы содержатся в псалмах 5-м, 89-м и 100-м.
При закрытых и задернутых завесою царских вратах, при погашенных многих светильниках, дабы верующие могли углубиться в себя, сосредоточиться и достойно воспринять службу, произносятся молитвы, исполненные благодарения Господу и упования на Него.
Чтец: Приидите, поклонимся... И псалмы: 5-й "Глаголы моя внуши, Господи...", 89-й "Господи, прибежище был еси нам в род и род..." и 100-й "Милость и суд воспою Тебе, Господи..."
От Фомина воскресенья до праздника Вознесения Господня вместо "Приидите, поклонимся..." читается тропарь Святой Пасхи "Христос воскресе из мертвых".
Чтец: "Слава, и ныне". "Аллилуиа, аллилуиа, аллилуиа, слава Тебе, Боже (трижды). Господи, помилуй (трижды). Слава Отцу и Сыну и Святому Духу" и тропарь празднику или святому: "И ныне": "Что Тя наречем..." Трисвятое по "Отче наш".
Священник: Яко Твое есть Царство, и сила, и слава...
Чтец: Аминь. Кондак празднику, Триоди или святому. Господи, помилуй (40 раз). Иже на всякое время и на всякий час... Господи, помилуй (трижды). Слава Отцу и Сыну и Святому Духу, и ныне и присно и во веки веков, аминь. Честнейшую Херувим и славнейшую без сравнения Серафим без истления Бога-Слова рождшую, сущую Богородицу, Тя величаем. Именем Господним, благослови, отче.
Священник: Боже, ущедри ны, благослови ны, просвети лице Твое на ны и помилуй ны.
Хор: Аминь.
Священник: Христе, Свете истинный, просвещаяй и освящаяй всякаго человека, грядущаго в мир, да знаменается на нас свет лица Твоего, да в нем узрим свет неприступный, и исправи стопы наша к деланию заповедей Твоих, молитвами Пречистыя Твоея Матере и всех Твоих святых.
Чтец: Аминь.
На практике поется кондак "Взбранной Воеводе" или празднику.
Священник: Слава Тебе, Христе Боже, Упование наше, слава Тебе.
Хор: Слава Отцу и Сыну и Святому Духу, и ныне и присно и во веки веков. Аминь. Господи, помилуй (трижды). Благослови.
Священник: Христос, истинный Бог наш, молитвами Пречистыя Своея Матере, преподобных и богоносных отец наших и всех святых, помилует и спасет нас, яко Благ и Человеколюбец.
Дата добавления: 2015-11-26; просмотров: 69 | Нарушение авторских прав