Орытынды. “Астана су арнасы” мемлекеттік коммуналдық кәсіпорнының басқарушысы –

“Астана су арнасы” мемлекеттік коммуналдық кәсіпорнының басқарушысы – Жаңбыршы Нүркенов. Егемен еліміздің елордасы – Астана қаласын сумен қамта­масыз ететін “Астана су арнасы” кәсіпорнының басқарушысы Жаң­быр­шы Нүркеновтің күнде­лік­ті қар­баласқа толы әдеттегі жұ­мыс кү­ні Астана қаласын сумен қамтамасыз ету. Су – тіршілік көзі. Ірі қаланың өрмекшінің торындай сансыз құбырлары арқылы су жүргізіп, үздіксіз өмір нәрін беріп тұрудың қаншалықты жауапты міндет екендігін айтып жатудың өзі артық болар. Дегенмен, су құбырларын қала өмірін қамтамасыз ететін қан тамырларына теңесек, “Астана су арнасы” сол қан тамырларына нәр беретін жүрек сияқты. Ал 700 мыңға тарта тұрғыны, жүз­деген өндірісі, мыңдаған ма­ңызды мекемелері бар Астана қаласының қан тамырларына нәр беріп тұрған маңызды өнді­ріс орны бастығының “әдеттегі жұмыс күнінің” айрықша жауап­кершілікке толы екендігі осы­дан-ақ түсінікті. Күнделікті тіршілік күйбеңіне толы өмірімізде пәтерлеріміздің крандарынан тоқтаусыз ағып тұр­ған судың баға жетпес бай­лық екенін ескере бермейміз. Сансыз құбырлармен сарылдап ағып жатқан өмір нәрі – су бір сәт тоқтап қалса, қалыпты тір­шілігіміздің сәні де, мәні де жойы­лар еді. Қаладағы су жүр­гізетін бір насос істен шығатын болса, жүздеген пәтерлер сусыз қалады. Ал краннан су ақпаса, көпқабатты үйлердегі қалыпты тіршілік дағдарысқа тіреледі. Сон­дықтан барлық саналы ғұ­мырын су шаруашылығымен са­бақтас­тыра өткізген трест бас­тығы мұн­дайда кеңседе көсіліп отырмай, ақау шыққан жерден табылады.

Дата добавления: 2015-09-04