|
Читайте также: |
Біздің бақытымыздың оннан тоғызы денсаулығымызға байланысты. Адамға өмір бірақ рет беріледі. Бұл ретте оның денсаулығы мықты, рухы күшті болғаны абзал! Жаңа ғасыр азаматы – дені сау, рухани бай адам!
2. Мәтіннен есімшелерді теріп жазыңыз.
Үлгі: іздегенше, ауырмайтын...
3. Мәтінді төмендегі жоспар бойынша баяндаңыз.
1. Халық денсаулығының ел болашағына қатысы неде?
2. «Ауырып ем іздегенше, ауырмайтын жол ізде» дегенді қалай түсінесіз?
3. «Денсаулық жылы» қашан жарияланды?
4. Денсаулыққа зиян келтіретін нәрселерге не жатады?
5. «Сау дене, азат ақыл, адал көңіл, Үшеуімен бақытты болады өмір» деген жолдардың мағынасын анықтаңыз.
3. Мәтінді оқып, орыс тіліне аударыңыз.
Салауатты өмір сүрудің ережелерін білмейтін жан кемде-кем. Қазір жасы сексеннен асқан, әйгілі кардиохирург, академик Н.М.Амосов өзінің "Раздумья о здоровье" деген кітабында денсаулық жайында мынадай тоғыз қағида ұсынады.
1. Аурулардың болуына көбінесе табиғат та, коғам да кінәлі емес, тек адамның өзі ғана кінәлі. Оған себеп - жалқаулық, қомағайлық, немесе қисынсыз әдеттер.
2. Дені сау болу үшін адамның өзі ұдайы және айтарлықтай күш жұмсауы керек. Адамның қазір жетілгендігі сонша, ол денсаулығын әрқашан дерлік өзі-ақ қалпына келтіре алады.
3. Денсаулық мықты болу үшін адамға мынадай төрт шартты бүлжытпай орындау қажет: дене еңбегі, тамақ ішуді, уақытты дүрыс пайдалану, шынығу және демала білу. Оның бесінші шарты - бақытты өмір сүру!
4. Адам өзін тамақ ішуде шектеуі керек. Салмағыңызды бір қалыпты сақтаңыз.
5. М інез-құлықтың да салмақты болғаны дүрыс.
Сонымен, денсаулық үшін күресу керек пе, жоқ па? Ойланыңыздаршы?!!
Жастар үшін тағы бір арнайы айта кететін нәрсе бар. Әрине, сіздің қазірше деніңіз сау. Дегенмен уақыт тез өтеді... Осыны есте ұстаңыз!
4. Сұхбатты толықтырыңыз.
- Абзал, мына мәтінде не туралы айтылады?
- ______________________________________.
- Аурудың болуына себепкер болатын не?
- _______________________________________.
- «Күш жұмсау» дегенді қалай түсінесің?
- ______________________________________.
- Денсаулық жақсы болу үшін қандай шарттарды орынджау керек?
- _______________________________________________________.
- Тамақтанудың, мінез-құлықтың денсаулыққа қатысы бар ма?
- ____________________________________________________.
5. Сұхбатты, сөйлемдерді толықтырып оқыңыз. Жаңа сөздерді есте сақтаңыз.
- Адам денсаулығы көбінесе неге байланысты?
- Адам денсаулығы көбіне ______________ байланысты.
- Сіз қайда жұмыс істейсіз?
- Мен ______________ жұмыс істеймін.
- Ауруханаларда адам шығыны ________ ме?
- Иә, адам шығыны 50-... 410-... көбейді.
- Өкпе, құрт аурулары... жайы қалай?
- Өкпе, құрт аурулары да 3-5 есе... өскен.
- Әйелдер көбінесе қандай ауру... ауырады?
- Әйелдер... қаны аз, бүйрек ауруы... ауырады.
- Босану үстінде әйелдер... қиындық туа ма?
- Иә, жыл сайын босану үстінде 200 әйел қаза бол....
- Балалар... денсаулығы қандай?
- Балалар ауруы 5 миллион... асып кеткен.
| Есімше – зат есім, сын есім, сан есімдердің орнына жүретін сһөз табы. Есімшенің жұрнақтары: -ған, -ген, -қан, -кен; -тын, -тін, -атын, -етін, -қалы, -келі, -ғалы, - гелі. |
6. Сөйлемдерді есімшелермен толықтырыңыз.
1. Біздің туыстарымыз «Семей полигоны» деп атал... аймақтан көшіп келді.
2. Денсаулықтың жақсы бол... қандай жақсы!
3. Өсіп келе жат... ұрпақ өз денсаулығын ойлауы керек.
4. Жаңа өмірді жалғастыр... – дені сау жас ұрпақ.
5. Өмірге бақытты болып кел... соң, сол өмірді мәнді етіп сүру керек.
6. Салауатты өмір салтын ұстан... азамат әрдайым бақытты болады.
7. Сұрақтардағы етістіктерді есімше қалпына келтіріп, өзара сұхбаттасыңыздар.
Мына вареньелерді анаңыз (қайнату) ба?
Анаңыз дәрігерлік мамандықты (оқу) ба?
Ол кісі қайда (жұмыс істеу)?
Бұл жұмысқа қашан (орналасу)?
Ол бақша жұмыстарына (үйрену) бе?
Оған өзінің жұмысы (ұнау) ма?
Құлпынайға қант көп (қосылу) ба?
8. Сөздікті пайдаланып, денсаулыққа байланысты сөз тіркестерін тауып, олармен сөйлемдер құраңыз.
Ғасыр азаматы, мықты денсаулық, салауатты өмір, адал көңіл, азаматтық борыш, ашық аспан, нашақорлықтың зияны, адам ағзасы, тәннің амандығы, елдің болашағы.
9. Суретке қарап, көрсетілген жоспар бойынша мәтін құрыңыз (жазбаша).
Сіздің біліміңіз қандай?
Сіз қай мамандықтың иесісіз?
Сіз қайда жұмыс істейсіз?
Сіз кім болып жұмыс істейсіз?
Сіздің еңбек өтіліңіз неше жыл?
Сізге өз мамандығыңыз ұнай ма?
«Тіс бүлінді дегенше, іш бүлінді десеңші» деген мақалды қалай түсінесіз?
Сау тіс пен денсаулықтың арасында қандай байланыс бар?
Үшінші сабақ (1 сағат)
1. Cұхбатты оқыңыз.
Ас – адамның арқауы
- Сәлеметсіз бе, менің атым – Мұхтар. Сіздің атыңыз кім?
- Амансыз ба, менің атым – Ғалымжан.
- «Ас – адамның арқауы» тақырыбы бойынша бірнеше сұрақ қойсам бола ма?
- Әрине, сұраңыз.
- Сіз уақытымен тамақтанасыз ба, әлде тәбетіңіз болған кезде тамақтана бересіз бе?
- Мен күніне төрт-бес рет тек уақтылы ғана тамақтануға тырысамын.
- Оның себебін қалай түсіндіресіз?
- Кез келген уақытта көңіл сүйген тамақты іше беру дұрыс емес, оның көп ретте денеде май қатпарларын молайтуға алып келуі мүмкін.
- Қандай тағамдар ішу керек?
- Калориялы тағамдар, ақуыздар мен көмірқышқылдар қабылдаған тағамдардың 80 пайызы болу керек. Қалған 20 пайызы десертке арналғаны жөн.
- Сусындардан не ішкен жөн?
- Табиғи шырындар мен шай, мүмкіндік болса, қымызды да алып тұру керек.
«Ас – адамның арқауы» деп бекер айтпаса керек. Ендеше дұрыс тамақтанудың адам денсаулығы үшін пайдасы көп екені рас қой.
- Сұхбатыңыз үшін рахмет! Сау болыңыз!
2. Сұрақтарға жауап беріңіз.
3. Мақалдар мен мәтелдерді еске сақтаңыз.
«Дені сау кедей – ауру корольден бақытты»
Шопенгауер
Дені сау азаматтар - мемлекеттің ең бағалы капиталы.
(В.Комат)
Ас тұрған жерде дерт тұрмайды.
Халық мақалы
Ауру кісі күлкі сүймес,
Ауыр жүкті жылқы сүймес.
Халық мақалы
Тазалық – денсаулық кепілі.
Халық мақалы
4. Үлгі бойыншасөйлем құраңыз.
- Айдар, бізге бүгін келесің бе?
- Жоқ. Мен сенбіде, сенің туған күніңде келемін.
а) Лаура – дүйсенбі – ауруханадан шығамын;
ә) Маржан – келесі апта – анасына келеді;
б) Ермек – сәрсенбі – інісі диплом алатын күні келеді.
5. Мәтінді оқып, мағынасын ұғып алыңыз.
Қымыз
Қымыз – қазақ халқының ежелден келе жатқан қасиетті сусыны. Қымызды қазақтар сусын ретінде де, өкпе ауруына ем ретінде де қолданған. Қымыз расында да өкпе ауруының алғаш басталған кезінде, сондай-ақ операциядан соң ауру қалдықтары толық жойылу үшін де қолданылған. Кейде науқастардың жағдайы жақсарған соң дәрі қабылдағысы келмейді. Сондай жағдайда ауруды қайта қоздырмау үшін де қымыз ішу аса пайдалы болады.
Қымыз өндірісі соңғы жылдары ауылды жерлерде, мал өсіретін шаруашылықтарда жақсы дамып келеді. Қымыз әбден өңделіп, санитарлық тексерістерден өткеннен соң ғана сатылады.
Жаңа сөздермен таныс болыңыз.
ежелден – издавна
ауру қалдықтары – остаточные явления заболевания
толық жойылу – полное уничтожение
өңделу, өңдеу – обработать
мал өсіретін шаруашылықтар – животноводческие хозяйства
6. Сұрақтарға жауап беріңіз.
1.Қымыз қандай сусын?
2.Қымызды қандай жағдайда қолданады?
3.Тұмауды қоздыратын қандай вирустар?
4.Тұмау басқа адамдарға қалай жұғады?
5.Тұмаумен кімдер көп ауырады?
7. Төмендегі есімшелі сөз тіркестерін пайдаланып, сұхбат құрыңыз.
Бірінші келген, соңында тұрған, бірінші тапсырған, емделетін, жақсы қарайтын, көрер (көретін) көз, жазар (жазатын) сөз.
Үлгі: Ол рентгенге түсуге бірінші келген.
8. Берілген сөздерді дұрыс орналастырып, сөйлем құраңыз.
1. Қоздырғыштар, тұмау, ауру, арқылы, вирусты, пайда болатын, бірнеше.
2. Бөлінеді, үш, вирустары, түрге, тұмаудың.
3. Нашарлап, құсуы, кейде, айнуы,адамның, тәбеті, жүрек, мүмкін.
4. Душар етеді, асқынған, тұмау, кезде, өкпе, ауруына.
5. Болады, суыққа, шалдыққаннан, көбіне, тұмау.
9.Төмендегі қанатты сөздер мен мақалдарды оқып, мағынасын түсіндіріңіз.
| v Таза бол, аурудан ада бол. v Көзің ауырса, қолыңды тый, Ішің ауырса, аузыңды тый. |
10. Тест тапсырмаларын орындаңыз.
1. Өкпе ауруы жайлы нақты мәлімет беретін аппарат?
А. термометр; Б. рентген аппараттары;
Ә. барометр; В. танометр.
2. Қазақ халқының ұлттық сусыны
А. қымыз; Б. шырын;
Ә. шай; В. су.
3. Мақалды аяқтаңыз...
Дені сау адам –... адам.
А. арманшыл; Б. бақытты;
Ә. ырысты; В. дәулетті.
4. Есімдікті көрсетіңіз.
А. анау; Б. тарс-тұрс;
Ә. жұлдыз; В. ербеңдеу.
БӨЖ тапсырмалары
«Дені саудың – жаны сау» деген тақырыпқа эссе жазыңыз.
Пайдаланылатын әдебиеттер:
1.М.Әлімбаев, С.Сұбханбердин Денсаулығыңды ойласаң... Алматы: «Қазақстан», 1974. – 160 б.
2.Ғасырдың өлім тұзақтары. Құраст.: Б.Кенджи; Ауд.: А.Алмағанбетова. Алматы: «КАТЕV Халықаралық қоғамдық қоры», 2007.
СЕГІЗІНШІ АПТА (3 сағат)
Бірінші сабақ. «Менің Отаным - Қазақстан» (1 сағат)
Лексикалық тақырып: Менің Отаным – Қазақстан
Грамматикалық тақырып: Жалпы және жалқы есім
Сөздік
құрлық – материк
ежелгі – древний
аумақ – территория
сілемдері – хребты
түбек – полуостров
өркениет – цивилизация
маңынан – возле
қымбат – ценный
барлық тұсында – на всех уголках
мемлекет қорғауына – под защиту
государства
жаңғырта отырып – возрождая
нысан – объект
келісім – согласие
молдығы – множество
қор – запас
тұрақтылығы – устойчивость
айталық – скажем
ЖАЛПЫ ЖӘНЕ ЖАЛҚЫ ЕСІМ
Собственные имена существительные — это названия отдельных лиц, единичных предметов. К собственным именам существительным относятся: 1) имена, фамилии (Айман, Жандос, Жарасулы, Бейсенбаев); 2) географические названия (Алатау, Алматы, Каспий); 3) астрономические названия (Юпитер, Венера, Сатурн); 4) названия праздников (Наурыз, День Независимости, День учителя); 5) названия газет, журналов, художественных произведений, предприятий (газета «Литер», роман «Путь Абая», издательство «Сардар») идр.
Нарицательные имена существительные называют однородные предметы, которые имеют что-то общее, одинаковое, какое-то сходство (человек, птица, книга).
Лексика-грамматикалық тапсырмалар
1-тапсырма. Тірек сөздер мен сөз тіркестерін есте сақтаңыз.
Құрлық, қазақ жері, географиялық ерекшеліктер, өркениет, мәдениет, өнер, экономика, қазба байлықтар, ішкі және сыртқы саясат, тұрақтылық, халықаралық бедел.
2-тапсырма. Берілген сөздерді шығыс, көмектес септіктеріне қойып, орыс тіліне аударыңыз.
Аумақ, жер, құрлық, байлық, мұнай, орталық, сарай, нысан, қала, тау, даму, келісім, қор, бедел, деңгей.
3– тапсырма. Мына деректерді есте сақтаңыз.
1. Қазақстан жеріне бес Франция сыйып кетеді.
2. Қазақстанда ТМД елдеріндегі хромның 97 %, қорғасынның 70 %, уранның 40 % өндіріледі.
3. Дүние жүзінде вольфрам өндіруден Қазақстан бірінші орын алады.
4. Жан басына шаққандағы егістік көлемі жағынан дүние жүзінде Қазақстан бірінші орынға ие.
5. Адамзат баласы космосқа ең алғаш қазақ жерінен ұшқан.
6. Қазақстан жерінде Менделеев таблицасындағы барлық элементтер кездеседі.
7. Қазақстанда 48 мың көл бар.
4- тапсырма. «Қазақстан қандай мемлекет» деген сұраққа сын есімдерді тауып, сөйлем құрыңыз.
Экономикасы дамыған құқықтық
бай
гүлденген
егеменді көп ұлтты
өркениетті
бейбітшілік сүйгіш тәуелсіз демократиялық
5-тапсырма. Сұхбатты толықтырыңыз.
- Еркеғали, сен Қазақстанның қандай облыстарында болдың?
- ––––––––––––––––––––––––––––––––––––––––––––––––.
- Солардың ішінде қайсысы ерекше әсер қалдырды?
- –––––––––––––––––––––––––––––––––––––––––––––––––.
- Сен саяхатқа қай мезгілде шыққанды ұнатасың?
- –––––––––––––––––––––––––––––––––––––––––––––––––.
- Алматыда болғаныңда театрларға бардың ба?
- –––––––––––––––––––––––––––––––––––––––––––––––.
- Университет бітірген соң Қазақстанның қай қаласында жұмыс істемек ойың бар?
- –––––––––––––––––––––––––––––––––––––––––––––––––––.
6-тапсырма. Сөйлемдерді қазақ тіліне аударыңыз. Септік жалғауларды тауып, түрлерін ажыратыңыз.
Наше отечество – независимый Казахстан. Бескрайная степь зовет тебя в будущее. Высокие горы, глубокие озера и реки, чистые пруды, хрустальные родники не только богатство нашей земли, они придают красоту местности. Казахстан богат полезными испокаемыми. На юге республики выращивают хлопок, овощи, фрукты, сахарную свеклу. На севере республики растет пшеница.
Екінші сабақ (1 сағат)
Менің Отаным – Қазақстан
Бізде бір ғана Отан бар.
Ол – тәуелсіз Қазақстан!
ұрсұлтан Назарбаев
Азия мен Еуропа құрлықтарының ортасында орналасқан ежелгі қазақ жері – қазіргі Қазақстан Республикасы үлкен аумақты алып жатыр. Ол дүние жүзіндегі екі жүзден астам мемлекеттің ішінде жер көлемі жағынан тоғызыншы орынды алады. Қазақстанның жері қандай үлкен болса, оның географиялық ерекшеліктері де әр алуан. Оңтүстігінде – Тянь-Шань тауларының Іле Алатауы сілемдері, солтүстігінде – Сібірдің мәңгі жасыл ормандары, шығысында – Алтай тауы, батысында – Каспий теңізі мен Орал таулары орналасқан.
Қазақстан жерінде көне өркениеттің ескерткіштері көптеп саналады. Айталық, Ұлы Жібек жолының бойында орналасқан Отырар, Сауран, Сығанақ, Шымкент, Тараз, Түркістан сияқты қалалар мәдениет пен ғылымның орталықтары болған. Қазіргі кезде ғалымдар Арал теңізі маңынан, Маңғыстау түбегінен, Астана жанынан көне қалалардың орындарын табуда. Еліміздің ең қымбат тарихи жәдігері – «Алтын адам». Алматы маңындағы Есік обасынан табылған «Алтын адам» көне дәуірлерде Қазақстан жерінде жоғары өркениеттің болғандығын көрсетеді. Осындай «Алтын адамдар» еліміздің Шығысынан да, Батысынан да, Орталығынан да табылды. Яғни, қазақ жерінің барлық тұсында ежелгі мәдениеттің дамығандығын аңғартады. Көне дәуірлерден біздің заманымызға жеткен мәдени жәдігерлер қазіргі кезде мемлекет қорғауына алынған.
Қазіргі Қазақстан мәдениеті – сол ертедегі дәстүрлерді жаңғырта отырып, жаңа заманға сай мәдениет пен өнер қалыптастырған. Қазақстан мәдениетінің басты ошағы – Алматы қаласы. Мұнда Абай атындағы опера және балет театры, М.Әуезов атындағы қазақ драма театры, цирк және орыс, неміс, ұйғыр, корей театрлары жұмыс істейді. Әлемге белгілі «Медеу» мұз айдыны – еліміздің мақтанышы.
Тәуелсіз Қазақстанның бүгінгі мәдени, экономикалық дамуында Астана қаласының орны айрықша. Қалада қазіргі заманға сай көптеген ғимараттар салынуда. Әсіресе, Есілдің сол жағалауына салынған жаңа қала ерекше сәулетімен көзге түседі. Қаланың бұл бөлігінде мемлекет басшысының резиденциясы «Ақорда», сенат, парламент, министрліктер үйлерімен бірге «Бәйтерек», Ислам орталығы, Тәуелсіздік, Бейбітшілік пен келісім, Оқушылар сарайлары сияқты аса көрікті нысандар көз тартады.
Қазақстан Республикасы экономикасы қарқынды дамуына – ондағы қазба байлықтардың молдығы ықпал етіп отыр. Елдің орталығында қара және түсті металургия, батысында мұнай және газ, шығысында алтын, күміс қорлары мол. Сонымен бірге, Қазақстан бидай өндіруден әлемдегі алдыңғы қатарлы елдердің қатарында.
Елдің ішкі және сыртқы саясатының тұрақтылығы – оны үлкен халықаралық бедел деңгейіне жеткізіп отыр.
1-тапсырма. Есте сақтаңыз.
Территориясы – 2724,9 мың шаршы км
Халқы – 16,5 млн адам
Елордасы – Астана.
Мемлекеттік тілі – қазақ тілі.
Ұлттық ақшасы – теңге.
Діні: мұсылмандар – 75%-ға жуық
Ұлттық мерекесі – 16 желтоқсан Тәуелсіздік күні.
2-тапсырма. Қазіргі таңдағы қазақстандық қандай белгілі қоғам қайраткерлерін,саясаткерлерді, ғалымдарды, жазушыларды, ақындарды, әншілерді білесіз?
| Қоғам қайраткері | саясаткер | ғалым | жазушы | ақын | әнші |
3-тапсырма. Көп нүктенің орнына тиісті сөздерді қойып көшіріңіз.
Бүгінде Қазақстан дүние... 145 мемлекетпен...... операцияларын жүргізуде. Экспорттық жеткізілімдер әлемнің 122... жүзеге асырылуда,... тауарлар 115 мемлекеттен жеткізілуде.
Қазіргі... Қазақстанның сыртқы рынокқа... 200-ден... түрі шығарылады.
Республиканың экспорттық... маңызды тобын агроөнеркәсіп... өнімі: талшықты мақта,жүн,... дақылдары, былғары шикізаты, ет... құрайды. Қазақстан сыртқы өнімдерінің ішінде мұнай, газ, металургия... үлкен үлеске ие.
Керекті сөздер: жүзіндегі, сыртқы сауда, еліне, тауарлардың, кешенінің, импорттық, дәнді,консервілері, салалары, кезде, астам, тауарларының.
4-тапсырма. Мәтінде берілген жалпы және жалқы есімдерді тауып, жазыңыз.
5-тапсырма. Төмендегі өлең шумағын жаттап алыңыз. Мәтіндегі асты сызылған сөздердің мағынасын ашыңыз.
Қазақстан
Қазақстан дейтін менің бар елім,
Жатыр алып жарты дүние әлемін!
Бұл даланы анам жаспен суарған,
Бұл далада атам қолға ту алған,
Бұл далаға жылап келіп уанғам,
Бұл даланы көріп алғаш қуанғам,
Бұд далада өскен жанда жоқ арман!
Қ.Аманжолов
Сегізінші сабақ (3-сағат)
1-тапсырма. Мәтінді оқыңыз.
Қазақ Автономиялық Кеңестік Социалистік Республикасы 1920 жылы 26 тамызда құрылды және алғашқы кезде Қырғыз АССР-і деп аталып, РСФСР-дің құрамына кірді. 1936 жылы 5 желтоқсанда одақтас республикаға айналды. 1990 жылдың 25 қазанында Қазақ Советтік Социалистік Республикасының мемлекеттік егемендігі туралы Декларация қабылданды. Еліміз егеменді мемлекет болып жарияланды.
Дата добавления: 2015-09-04; просмотров: 126 | Нарушение авторских прав
| <== предыдущая страница | | | следующая страница ==> |
| Танысу. 5 страница | | | Танысу. 7 страница |