р топтың постер қорғау үстіндегі көріністері

Әр топ мұғалімдерінің қорғауынан кейін назарларын слайдқа аударып, Бағдарламаның түйінді идеяларымен таныстыра жөнелдім.Әрине нық, нақты, сауатты түсіндіруге бар ықыласымды салдым. І,ІІ,ІІІ деңгей курсын аяқтаған мұғалімдердің негізгі функциясына ерекше тоқталып өттім. Біздер яғни Біліктілігін арттыру курсынан өткен мұғалімдердің бірігіп кәсіби қоғамдастық тобын құрғанымыз жөнінен мәлімет бере келе, менің осы уақыт арылығында мектебімнің басымдықтары мен кедергілерін анықтау мақсатында мұғалімдер, оқушылар мен ата-аналардан сауалнама алып, оны диаграммаға салып, өзіміздің кәсіби қоғамдастығымыздың арасында талқылап, МДЖ тақырыбымен санаса отырып, 2014-2015 оқу жылында біздер, «Білімді тұлғаны қалыптастыруда заманауи әдіс-тәсілдердің тиімділігі» тақырыбын алып, осы Бағдарламаның әдіс-тәсілдерін пайдалана отырып мектептің дамуына өз үлестерімізді қоспақ екенімді хабарладым. Ұжымға 7 модуль жайында түсінік беріп өттім. Ұжымға Strongтің: Мектеп жұмысы мен оқушы жетістігін өрістетудегі негізгі тұлға –мұғалім екендігін айта келе, біздер жоғары білімі бар ұстаздармыз, біздің өз ұстанымымыз бар яғни ұстанымымыз бар болса біздің көзқарасымыз өзгере алады, көзқарасымыз өзгерер екен біздер шешім қабылдай аламыз, шешім қабылдай отырып біздер іс-әрекет ете аламыз! Өйткені біздер жаңалыққа жаны құмар жандармыз. Менің педагокикалық кеңестегі баяндамамның соңында өз ұсынысымды мектеп басшысына ұжым алдында жарияладым:

1. ХХІ ғасыр білімдегі жаңа өзгерістерді қажет ететіндігі ескеріліп, оқытудағы жаңалықтар, әдістер мен тәсілдер мұғалімдер тарапынан басты назарға алынсын.

2. Деңгейлік курсты аяқтаған мұғалімдерге 7 модульді сабаққа енгізу міндеттелсін.

Қатысқан мұғалімдерге, коучингтің не екенін қосымша түсіндіре кеттім, біздер деңгейлік курсты аяқтаған мұғалімдер(І,ІІ) кезекпен коучинг өткізіп тұратынымызды хабарлай келе,сол коучинг барысында біздер сіздерге Бағдарламадағы 7 модульді жете түсіндіре алатынымызды хабарладым, сонымен қоса кері байланыс алудан алдын ұжымға таратылып жатқан стикерлерге бүгінгі сабақтан не алғанын, нені тереңірек түсінгісі келетінін т.б. ойларында жүрген сұрақ, ұсыныс, тілектерін жазуын сұрадым.Стикерлер таратылып, жауаптар ала бастадым, ренішім, 70 мұғалім отырса сол мұғалімдердің жартысы ғана ойларын ұсынып отыр, қалған жартысы тыныш күйінде отыр. Менің бетпе-бет оқу барыысында ПШО басшысы: «Ертең сендерге өте, өте қиын болады, шыдаңдар, еңбектеніңдер, дәлелдеңдер, сендіріңдер сонда ғана арттарыңнан ұжымды ерте аласыңдар» деген сөзі құлағымда жаңғырып тұрды. Мен енді ғана бастадым емесп, алдымда мұндай керіліктің талайы болады, мен артыма жалтақтамауым керек деп, өзімді жігерлендіріп,қайрап қойдым.

Таратқан стикерлерім былай деп сайрап тұр: «ХХІ ғасыр дағдысын постер арқылы қорғағанымыз ұнады, І,ІІ,ІІІ деңгей мұғалімдерін ашып бергеніңіз дұрыс болды, мектеп басымдықтары мен кедергілеріне тоқталғаныңыз жақсы болды», «Гүлмира Қуандыққызы сзге үлкен рахмет, барлығы өте түсінікті, қызықты болды», «Өте жақсы, көп мағлұмат алдық, 21 ғасыр мұғалімі барлығымыздың бойымыздан табылса-ғой шіркін, нұр үстіне нұр болаар еді!», «Бұл дәріс маған өте ұнады», «Ақпарат алдым, коучингтің не екенін жаңа ұқтым, оң эмоциялар алдым, рахмет!», «7 модуль деген не? Мені тәлімгерлікке алыңызшы,сізге жеңіс, жеміс тілеймін!» т.б.

№2 қосымша кері байланыс алу кезіндегі көрініс:

Осы сияқты көңіліңді көтеретіндей жауап алдым, алып қана қоймай менің дайындығым өте жоғары болуы керектігін түсіндім, мұғалімдердің тең жартысы болса да маған сенім артып отыр, бізді өзгерте алады деп үміттеніп отыр, маған қиындық енді басталғандай артыма қарасам қоштайтындар бар, олардың сенімінен шығуым керек, енді мен аз ұйықтап, көп еңбектенуім керек, артымдағы ерген мұғалімдердің сенімін ақтауым керек, Шульман ағайымның 3 көмекшісін енді көмекке шақыруым керек! Өзіме күш, жігер тілеймін, тек қана алға! Мен бүгін өте қуаныштымын!

Дата добавления: 2015-08-17