Аповесці Я.Брыля “У Забалоцці днее” і “На Быстранцы” у кантэксце л-ры свайго часу.

«У Забалоцці днее» (1949-1952): станаўленне калгаснага ладу і традыцыі вызваленчага руху ў Зах.Беларусі, класавая барацьба, ідэйна-маральная пераарыентацыя людзей, аптымістычны погляд у будучыню абноўленай вёскі. Героі дакладна размеркаваны паводле сацыяльнага прынцыпу: актывісты — камуністы і камсамольцы; новая вясковая інтэлігенцыя; «хісткія сераднякі»; ворагі — кулакі, рэлігійныя цемрашалы, дыверсанты з іх замежнымі гаспадарамі. Абавязковы набор пэўных эпізодаў: прыезд у Забалоцце старшыні калгаса Васіля Сурмака, сход і падача заяў у калгас, раскулачванне, будаўніцтва, дыверсіі, калгас.свята — утварае досыць напружаны падзейны сюжэт. У творы пануе мажорны пафас, падкрэсленая ідэйная тэндэнцыйнасць. Ахоўнікі «канонаў» сацыялістычнага рэалізму падштурхоўвалі Я.Брыля да таго, каб не «пісаць жыццё», а «прыдумваць».

Стварэнне цыклаў апавяданняў цікавіла Я.Брыля не толькі як новы мастацкі эксперымент, але і як яшчэ адзін шлях да асваення буйной празаіч.формы. Разам з тым на працягу 50-х гадоў піс-к плённа працаваў у жанры аповесці. Усе аповесці 50-х гадоў былі аператыўнымі водгукамі аўтара на падзеі бягучага дня. Асабліва гэта датычыцца аповесці «На Быстранцы», дзе адлюстраваны першыя паслясталінскія гады, прагрэсіўныя змены ў аграрнай палітыцы, увогуле ў дух.жыцці савец.грамадства. Аднак Я. Брыль, верны сабе, закранае агульначалав.праблемы. У аповесці «На Быстранцы» Я.Брыль канцэнтруе ўвагу на моладзі. Яна пераадолела ваенныя выпрабаванні, а зараз атрымала ці атрымлівае адукацыю і шукае свайго месца ў жыцці. Аспірант лесатэхнічнага інстытута Максім Нагорны, яго сястра, маладая настаўніца Люда, студэнт літар. аддзялення унів-та Толя Клімёнак маюць побач выдатных, мудрых настаўнікаў (Антось, Нагорны, Сяргей Аржанец). Аднак Я.Брыль добра ведае: «Ты пачынаешся тады, калі ты застаешся адзін, калі ніхто і нішто не памагае табе быць добрым ці дрэнным, калі ты робіш выбар сам».

Дата добавления: 2015-08-02