Читайте также:
|
Листок второй.
Пастыри в долине Вифлеемской. — Явление им Ангелов. — Их поклонение Богомладенцу Спасителю. — Прибытие волхвов с Востока. — Встреча их Богоматерью. — Дары волхвов. — Таинственное знаменование этих даров. — Волхвы — начало верующих из язычников. — Смущение Ирода. — Его замыслы. — Бегство Святого Семейства в Египет. — Избиение младенцев. — Чудесное сокрытие младенца Предтечи. — Младенцы-мученики.
Пастырие свиряюще (бодрствовавшие на поле) ужасно светоявление получиша (удостоились чудного явления света); слава бо Господня облиста их, и Ангел, воспойте, вопия, яко родися Христос. Внезапу с словом Ангеловым небесная воинства "слава" вопияху, "в вышних Богу, и на земли мир, в человецех благоволение: Христос возсия, отцев Бог благословенный!"
Что (означает) сей глагол? рекоша пастырие: прешедше увидим бывшее, Божественнаго Христа. Вифлеема же дошедше, с Рождшею (с Матерью Его) покланяхуся, воспевающе: отцев Боже, благословен еси.
В Вифлеем стекошася пастырие, истиннаго возвещающе Пастыря, седящаго на Херувимех и возлежащаго в яслех, Младенца зрак (вид) восприимшаго нас ради.
Господа ведяще Тя, небеса поведают Твою славу, Спасе, звездою (призывающе) волхвы ныне с дары к познанию Твоему и Божественному поклонению.
Дары Тебе приносяще, Сыне (вещала Дева Матерь), царие приидоша восточнии, Царя Тя уведевше родитися, ливан и смирну и злато: и се стоят пред дверьми. Сим повели видети Тя Младенца, на руку Моею держима, древняго Адама старейша.
Чистая, услышавши волхвов пред вертепом купно предстоящих, к ним рече: кого ищете вы? яко вижду бо, от инодальныя страны приидосте, персский образ (наружность персов) и мудрование имуще. Странен исход и шествие сотвористе (необычное путешествие предприняли вы), и к Странствовавшему свыше (с неба) и странно (чудесно) в Мя Всельшемуся, яко весть, со тщанием приидосте Тому поклонитися, дарующему миру велию милость.
Приидите, внидите со тщанием, Дева рече древле волхвом: и видите Невидимаго — видите явлынагося, и Младенца бывша. Они же со усердием внидоша,и поклонишася, и дары принесоша, пророчество Божественное исполнивше.
Волхвы перситстии царие, познавше яве на земли рождшагося Царя Небеснаго, от светлыя звезды водими, достигоша в Вифлеем, дары носяще избранныя, злато и ливан и смирну, и падше поклонишася: видеша бо в вертепе Младенца лежаща Безлетнаго.
Господу Иисусу рождшуся в Вифлееме Иудейском, от восток пришедше волхвы, поклонишася Богу вочеловечшуся, и сокровищи своя усердно отверзше, дары честныя приношаху — искушено (чистое) злато, яко Царю веков, и ливан, яко Богу всех, яко тридневному же мертвецу — смирну, Бессмертному. Вси языцы, приидите поклонимся Рождшемуся спасти душы наша.
Смирною смерть, златом царскую державу, Ливаном же Божества преимущество проявляют царие языков, начатки дароносяще Тебе, в вертепе рожденному Вифлеемстем, из неискусомужныя Матере.
Ученики волхва Валаама, волхвы зовет к разуму (к познанию) звездою Христос; облаки же небо одеваяй пеленами повивается; и в яслех возлежит, Егоже трепещут Херувими; в вертепе же вмещается Исполняяй вся.
Тайноводяще волхвы, Божия мудрость созывает начаток от языков; безсловесныя прежде напитати таинственно (желая таинственно напитать уподобившихся безсловесным), в безсловесных яслех Трапеза лежит тайная, к Нейже тщатся с дарами путешествующе, звезде предсияющей.
Тебе Младенцу лежащему во яслех, небо принесе (привело) начаток языков (начаток верующих из язычников), Тебе звездою волхвы призывая, яже и ужасаху (которых приводили в изумление) не скипетры и престоли, но последняя (крайняя) нищета: что бо худшее вертепа? Что же смиреншее пелен, в нихже просия Божества Твоего богатство? Господи, слава Тебе!
Языки Богу наследие Сын приносит, подая тамо неизреченную благодать, идеже множайший процвете грех.
Горним и дольним ныне вкупе веселящимся (в то время, когда и небо и земля ликовали) во явлении всех Царя, Ирод сам (один) токмо с пророкоубийцы Иудеи сболезнует. Лепо бо самем им токмо (так и подобало только им одним) рьщати, не бо отныне царствовати имут (ибо отныне они не будут более царствовать); но Царство Господне и еще державствовати имать, дерзости врагов отражающее, и множество верных созывающее, с честными младенцы взирати, Иже во яслех Младенца лежаща.
О чудес новых (небывалых)! о благостыни! о неизреченнаго терпения! Се бо яко Младенец вменяется в вышних Живый, и волею бегает Бог — Ирода.
В страннем Твоем рождестве болезней избегши преестественно (вещала Богоматерь), ублажихся, безначальне Сыне! Ныне же Тя зрящи Ирода бегающа, оружием печали смущаюся душею, взывающи: спасай Тебе почитающия!
Зрите, друзи, и не бойтеся, безумный бо Ирод всуе шатается Зиждителя убити рождшагося: но Той, яко жизнь и смерть содержай, живет и спасает мир, яко Человеколюбец.
Удивися, увидав Ирод царь лютый, яростию противу боря Рождшемуся на земли Царю юному, Христу, и боязнию и страхом многим содержимь, посылает воинство убити с яростию дети в Вифлееме младенствующия, купно с ними убити покушаяся Создателя.
О слепотнаго скверноубийства, вседерзостне! имже забвение получил еси (ты забыл, ослепленный злобой), яко Бога никтоже, ем (взяв) руками, убиет: преразжегся же яростию, свирепо младенцы закалаеши, Ироде!
Ирод пребеззаконный, видя звезду паче всея твари светлейшую, смущашеся и млекопитаемыя младенцы из объятий матерних восхищаше. Елисавет же, вземши Иоанна, камень (каменную гору) моляше, глаголющи: приими матерь с чадом. Гора прият Предтечу; ясли же храняху сокровище, Егоже звезда возвести, и волсви поклонишася: Господи, слава Тебе!
О слепотнаго неразумия дерзости! Емуже бо иноплеменницы (волхвы), яко избавителю Христу, поклонишася,.с дары почествовавше, — домашнии же (свои соплеменники) неистовне искаху убити Рожденнаго. Пощади душы наша, Христе Боже, и спаси нас!
Иисусу рождшуся в Вифлееме Иудейстем, Иудейская держава упразднися: да играют младенцы, за Христа закалаемии; Иудея да рыдает: младенцы бо избив, Ирод пребеззаконный исполняше Писание, Иудею насыщая неповинныя крове, и земля убо червленяшеся (обагрялась) кровьми младенцев, от язык же (из язычников) Церковь таинственно очищается и в красоту одеяется.
Пречистому Твоему рождеству, Христе Боже, первая жертва бысть младенцы: Ирод бо, яти Тя неятаго восхотев, не позна, мученический приводя Тебе лик.
Царя Безлетнаго, под летом бывша, царь пребеззаконный взыска, и не обрет убити Его, младенцев пожат неискусозлобное (невинное) множество, яже содела мученики, яко не мняше (о чем и не думал), и гражданы вышняго царствия, того во веки пребезумие обличающия.
Детоубийца, но не Христоубийца явися Ирод лютый: аще бо и младенцы пожат горько яко траву, но Класа жизни не возможе удержати и умертвити: Жизни бо сый Податель, утаися гонителя, яко Бог, Божественною силою".
Дата добавления: 2015-08-10; просмотров: 28 | Нарушение авторских прав
| <== предыдущая страница | | | следующая страница ==> |
| Чему учат нас пастыри Вифлеемские | | | Черниговская икона Богоматери |