Читайте также:
|
Листок первый,
Приглашение к торжеству. — Обет Богоотцов. — Его исполнение. — Радость Иоакима и Анны. — Беседа Анны с Захарией. — Святая святых. — Небесная пища. — Обращение к пророкам.
«Ангели, вхождение Пречистыя зряще, удивишася, како Дева вниде во Святая святых. Величай, душе моя, приведенную во храм Господень и благословенную руками иереевыми».
Возсия день радостен и праздник всечестен: днесь бо яже прежде рождества и по рождестве Дева пребывши, в храм Господень приводится: и радуется Захария старец, родитель Предтечев, и вопиет весело: приближися Предстательница скорбящих в храм святый, яко свята, освятитися во обителище (жилище) Всецаря. Да веселится Иоаким праотец и Анна да радуется, яко принесоша Богу непорочную Владычицу; матери, срадуйтеся; девы, взыграйте, и неплоды, ликовствуйте, яко отверзе нам Небесное Царство пронареченная (пророками предсказанная) Всецарица; радуйтеся, людие, и веселитеся! Днесь собори верных сошедшеся, духовне да торжествуим и благочестно восхвалим Богоотроковицу Деву и Богородицу, в храм Господень приводиму, предызбранную от всех родов во обителище всех Царя Христа и Бога: девы, свещи носяще, предыдите, чтуще честное происхождение (шествие во храм) Приснодевы; матери, печаль всю (всякую) отложивше, радостно споследствуйте Матери Бога бывающей и Ходатаице радости (для всего) мира; вси убо радостно еже радуйся со Ангелом возопиим Обрадованней (Благодатной), присно молящейся о душах наших.
Рождше паче надежды Пречистую Деву, Иоаким и Анна благочестно обещахуся принести (Ее) Богу, и исполняют (обет свой) днесь, дающе Рожденную от них яко жертву в дом Божий.
Празднуим, вернии, праздник духовный, Матерь Божию воспевающе благочестно: есть бо святейша небесных умов.
Как цветы различныя собравше от разумных цветников — Духа словес, похвальные венцы Деве радостно исплетем и празднственный дар Ей достойно принесем.
Стецемся днесь, Богородицу почитающе песньми, и торжествуим духовный праздник: в храм бо Богу (обещанный родителями) Дар приносится.
Начинайте, девы, и воспойте песни, руками держаще свещи, хваляще предшествие Чистыя Богородицы, ныне грядущия во храм Божий...
Девы — свещеносицы, ликовствуйте, начните (пение) днесь, и матери — воспойте Царице Матери, приходящей в храм Царя Христа.
Девы — Деву и матери — Матерь благочестно стецытеся с нами почтити Рождшуюся, яко непорочную жертву, и рождшую (Анну), Богу плодоносящую (приносящую плод своего чрева): вси убо светло празднуим.
Священницы Божии, облецытеся в правду благодатию, и срящите светло, входы подающе (открывая двери) Дщери Царя и Бога во Святая.
Песнями да воспоим славное предшествие Богородицы: к храму бо днесь, яко Храм Божий, приносится пророчески (будучи Сама, по слову пророков) дар многоценный.
Трилетствующая телом и многолетствующая духом, ширшая (пространнейшая) небес и горних Сил (небесных воинств Ангельских) превысшая, да восхвалится песньми Богоневестная.
Дверь славная, помыслы непроходимая (умом непостижимая), отверзши двери храма Божия, ныне повелевает нам совшедшим (войдя с Нею) — Божественных Ея чудес насладитися.
Днесь одушевленный Храм Святыя Славы Христа Бога нашего, Едина в женах Благословенная Чистая, приводится в храм законный (ветхозаветный) жити во святых: и радуются с Нею Иоаким и Анна духом, и девственнии лицы Господеви поют, псаломски воспевающе и чтуще Матерь Его.
Приводящи иногда Пречистый Храм (свою Дщерь) в дом Божий, Анна вопиющи с верою рече священнику: приими ныне Чадо, от Бога данное мне, введи во храм Зиждителя твоего, и радуяся пой Ему...
Видев духом иногда, Захария рече Анне: Жизни Матерь вво-диши истинную, Юже светло пророцы Божии Богородицу проповедаша, и како храм вместит Ю?
Раба Божия бых аз, отвеща Анна ему, призывающи (приглашая тебя) верою и молитвою прияти моея болезни Плод, по приятии же Рожденную привести Давшему Ю.
Законное воистину дело есть, священник рече ей, странну же весьма вещь (непонятное дело) поразумеваю, зря приводимую в дом Божий, преславно превосходящую Святая (самое Святая святых) благо датию...
Возмогаю (ободряюсь), рече Анна ему, знающи яже глаголеши, разумееши бо сия Духом Божиим, яже (что касается) Девы — ясно проповедал еси; приими убо Пречистую в храм Создателя Твоего.
Светоносна нам возжеся свеща (возопи священник), радость величайшую светящи во храме; души пророческия да срадуются мне, яко зряще преславная, совершаемая в дому Божии...
Устами светлыми Анна возопи в храме Божии: Тебе, о Владыко, привозлагаю юже мне дал еси Отроковицу, из Неяже, за милосердие неизглаголанное, Плотоносец явився, спасеши мир, егоже создал еси, возвеличив Ю, яко Матерь Твою.
Анна непорочная радовашеся матерински (как мать), яко дар многоценен Богу приносящи в храм; Иоаким же с нею торжествует светло.
Во Святая-святых Святая и Непорочная Святым Духом вводится и святым Ангелом питается, сущи святейший Храм Святаго Бога нашего, всяческая (все) освятившаго входом Ея и обожившаго естество земных отпадшееся (падшее).
Приемлющи пищу небесную (Святая Дева) преспеваше мудростию и благодатию, бывши Мати по плоти Христа Бога.
И телом и духом радовашеся Мария непорочная, пребывающи во храме Божии, как сосуд священнейший.
Сказати хотя языком (народам) Свое спасение, Господь неискусобрачную (безмужную) ныне от человек прият, (как) знамение примирения и обновления.
Из неяже (от нее, то есть от жены) преступление произыде древле роду человеческому, из тоя исправление и нетление процветше — Богородица, днесь приводимая в дом Божий.
Радовахуся Ангелов чини, веселяхуся праведных души, яко Божия Мати во Святая приводится.
Иоакиме и Анна, веселитеся ныне, во храм Господень приво-дяще будущую Чистую Матерь Бога Христа Всецаря, от вас же рождшуюся.
Да дароносят днесь всяческая (все создания) Царице Матери Божии, небо и земля, Ангелов чини, и человеков множество, и да вопиют: во храм вводится Радость и Избавление.
Восхвалите девы, матери празднуйте, людие Славословите, священницы благословите Пречистую Матерь Божию: плотию бо младенствущи прежде, во храм принесеся, яко храм Божий святейший, Темже праздник духовный совершающе, воспоим Ю, яко Предстательницу рода человеческаго.
Вся земля да видит преславныя, странныя же и дивныя вещи, како Дева от Ангела пищу приемлющи образы строения носит (являет на Себе знаки домостроительства Божия).
Давиде, предыди во храм Божий, и радуяся приими Царицу нашу и Той возопий: вниди, Госпоже, в храм Царев, вниди, Еяже слава покровенна разумеется, из Нея же хощет источитися нам всем Свет Христов.
Пророче Исаие, прорцы нам, кто есть Дева, имущая во чреве? —"Яже из Иудина корене прозябши и рождшися из Давида Царя, Семене святаго плод благославный".
Пророцы, апостоли и мученицы Христовы, Ангелов чини и вси земнороднии, почтим песнями Деву Чистую, яко благословенную Матерь Высочайшаго.
Приидите, вси вернии, Едину Непорочную восхвалим, от пророков проповеданную и в храм приведенную, прежде век пронареченную Матерь, и в последняя лета явившуюся Богородицу. Господи, молитвами Ея, мир Твой подаждь нам и велию милость".
Дата добавления: 2015-08-10; просмотров: 49 | Нарушение авторских прав
| <== предыдущая страница | | | следующая страница ==> |
| Счастье родителей | | | Как помочь нашему общерусскому горю? |