Выгорецкий чиновник 13 страница

Сего ради отселе сие безчинное вкупосмешение да не будет, но особныя келии или станы мужие, особныя же жены да имеют. Но и во трудах на нивах не без разбору и смешенне некако и безчинне, но женам купне особь, мужем же такожде особь на своей стране трудитися повелеваем.

К сим же всем и в жителствох домовных подобает всем келии особныя имети мужескому полу и женскому. Аще бо мирским не повелеся в церквах во едином припрате со женами стояти, суть же неции от мирских и в домех преграждения особная женам состраяют, кое прощение и милость или извет будет нам, от мира изшедшим и девственное и безженное гонящым житие, со женами же вкупе по мирскому безчинию безпреградне живущым! Сие бо безлепотное сожитие всякому греху и злобе дверь и всякому бла­голепию и целомудрию разорение.

Тем же повелеваем о Господе отселе ни быти, ниже именоватися единокелейному безпреградному со женами вкупожитию, но каж­дому полу особный предел состраяти.

К сим же сожителства соблазненная с зазорными лицы, пачеже юнных, и витания, схождения и собеседования, соблазн и позор творящая прочым, отсекати подобает, яко вреду и соблазну ходатайствена, и грехом и падениом родительна.⁶⁴⁷

⁶⁴⁸ С ия убо вкратце написавше не своя предложения, но святых отец запрещения, молим вашу любовь, боголюбивии, и бъдим и по­велеваем сим всем о всех соблюдатися неизменне, старейшим же и благоговейным братиам с благоревностным радением о сих всяко тщание и попечение о Господе показовати и всякое благочиние, пачеже написанное зде.

В о всей пустыне сей, во всех христианех уставити и укрепити, да написанная сия от словес Божественнаго писания делом возисполнятся в благоговейное украшение и благолепие христианства, в славу же и похвалу всесвятому имени Божию, от него же щедроты и милость изливается на хранящыя заповеди его по божественному гласу: «Славящаго Мя прославлю, а уничижающим Мя без чести будут!»

А ще кто непокорив и прекословен явится божественным отече­ским преданиям и сему о Господе благособранному совету, безчинне же и неблагоговейне начнет жительствовати, предобрая же отече­ская благочиния презирати и разоряти — о тех нужда нам исполнити апостольское оно слово, еже пишет в Послании к солуняном 2-м, глаголя:⁶⁴⁹ «П овелеваем же вам, братие, о имени Господа нашего Исус Христа, отлучитися вам от всякаго брата, безчинно ходяща, а не по преданию, еже прияша от нас». И паки: «Вы же, братие, ^(в)доброе творяще ^(а)не стужайте си».⁶⁵⁰ И паки: «Аще ли же кто не послушает словесе нашего — посланием сего сказуйте, и не примешайтеся с ним, да посрамится!»

И⁶⁵¹ в божественных правилех святых отец запрещению должно покарятися, глаголющему: «А ще ли неции неотступно держатся своих обычаев, к таковым ни едино нам общение, слы­шим бо от писания: спасаяи свою душю и блюди себе, неисправленым приобщаяся» М ир же Божий всяк ум преимеяй, да озарит сердца вашя и укрепит в содеяние исполнениа глаголемых в славу и хвалу и велелепие преславному и всепресвятому именю Его ныне и всегда в настоящем и грядущем веце. Аминь.⁶⁵²

В ас⁶⁵³ убо, о, возжеленнии единоумнии сынове кафолическия церкве, любезне молим стати крепце на камени благодатныя рев­ности, оставльшых⁶⁵⁴ песок человеческаго малодушиа. Подвигнитеся за благочестивая церковная заповедания, возблагоревнуйте о доброговейнем благочиннаго пребываниа жительстве, потщитеся святая отеческая благочиния в скиты вводити, безчинная же мирская пребывания, подзазорная сожития, схождения, витания, спутешествования и собеседования с зазорными лицы, их же ради бывают прелютая падения, за которая, по апостолу, «грядет гнев Божий на сыны противлениа» — сия от исполнениа верных искоренити попецитеся. Не ужасайтеся наветов, от ненаказанных бывающих, не бойтеся поношений, не устрашайтеся ненависти, глаголет бо пророк: «Страха человеческаго да не убоишися и устрашению его не у по­винуйся, якоже бо ухлебленныя овчата тако снедени будут⁶⁵⁵». Похвална убо есть вражда за ревность, яже по Бозе, паче мира от Бога разлучающаго!

Якову же ревность показа в ветсем блаженный он и присно поемый Финеес, людем всем во истление плоти скверною, во ист­ление же души идольскими жертвами низпадшым. Мечь гнева Божия за сие наострися, люта казнь наиде, всегубителный язвы вред всех без милости поядая, смерти предаяше и избавляяй не обреташеся. Увы, падениа, им же море устыдевся, нетлаченный путь со­твори к прехождению сих, скверна плоти в пустыне на суше телом во гневе ярости Господня умертвивши, души к вечней смерти препосла, бяше бо падших числом двадесят четыре тысящи. Что же Финеес? Возревнова по Бозе, возгореся рвением любве Божия, обрете согрешающа нека, прободе своим копием оба, наложи страх прочим сквернолюбцем, устави скверное греха разжжение страхом прободениа, устави же и гнев Божий, иже на Израиля, прият завет мирный от Господа! Отступи и всегубительная язва, казнящая люди Израилевы. Сего предобрую ревность похваляя и Богоотец поет: «И ста — рече — Финеес и угоди и преста сечь!» Сие ли приобрете ревностию, еже гнев Божий уставити токмо? Ни! Но и вменися [рече]⁶⁵⁶ ему в правду в род и род до века. Зри, елико ревность, яже по Бозе, вознесе оного мужа и всей вселенней даже до века славна и чюдна сотвори.

Подобну же сему ревность и прочии святии Ветхаго и Новаго завета за любовь Божия чествованиа показаша, и даже до смерти о заповедех его подвизашася и друг друга поощряху, наказоваху, обличав и в хранение закона Божия понуждаху. И нам всем Хри­стианом той же закон положиша. Слыши Иоанна Златоустаго от послания Павла апостола к ефесиом, нравоучение 18:⁶⁵⁷

«Услышите, молю вси, елицы не хощете туне ненавидими быти, похищает, и не обличаеши ли, но боишися ненависти — обличи брата, приими вражду любве ради, яже во Христа, любве ради, яже к нему, возбрани ему, в ров отходящему».⁶⁵⁸

Ниже: «... Но не исправляется, рече, но ты свое сотвори. И дал еси обет Богу — не скрый таланта. Сего ради слово имаши воздати, того ради язык и уста — да исправляеши ближняго». Ниже: «Видел ли еси враждующих — разреши их⁶⁵⁹, видел ли еси лихоимствующая — возбрани им, видел ли еси обидимыя — заступи их».

Тогожде от послания к евреом в нравоучении 30-м глаголет сице:

«А ще увидиши друга блудяща, рцы к нему: „Зла есть вещь, юже дееши, не срамляешилися, ниже чермнееши, зло се есть”. Той ли убо не весть, рече, яко зло есть? — „Ей, весть, но от похоти влеком есть, и недужнии бо ведят, яко студеное питие зло есть, но обаче⁶⁶⁰ требуют возбраняющих”».

«А ще гневлива увидиши, аще лихоимца — удержи, свяжи нака­занием — се есть дружество, тако брат от брата помогаем, аки град тверд будет. Не бо, еже ясти и пити творит дружество — таковое бо имут и разбойницы и мужеубийцы».

Выше:

«Рече убо некто от отец: „Аще увидиши брата согрешающа и не речещи, да познает грех свой — от рук твоих взыщется кровь его“».

И ⁶⁶¹ сия убо о свойственнем от братоспоболения творимем обли­чении Божия ради и братни любве, колико тщатися и вся презирати ненависти и клеветы повелевает.

О соборнем же и церковном божественный апостол к Тимофею пиша законополагает:⁶⁶² «Проповедуй слово, настои, понуди благо­временне и безвременне, обличи, запрети, умоли». И паки тойже:⁶⁶³ «Согрешающих пред всеми обличай, да и прочии страх имут». На сие же святый Златоуст толкуя глаголет:⁶⁶⁴ «Сиречь не скоро отсецай, но с многим опасением вся много испытуй. Егда убо увеси яве — зело казни, да инии уцеломудрятся, якоже бо еже просто осуждати вредно есть, сице еже не казнити явленныя грехи, путь есть подаяти иным, еже таяжде творити и дерзати. Обличай же, рече, являяй, яко не просто рече, но с отсечением. Тако бо и про­чии страх имети будут». И паки: «Якоже бо без томления прибывшым согрешающым мнози суть согрешающе, такожде мучимым — мнози исправляются». Июда же Иаковль глаголет: «Овех убо ми­луйте разсуждающе, овех же страхом спасайте от огня восхи­щающее».

С сими всеми апостольскими и отеческими наказании молим вашу пречестнейшую любовь о Господе, всечестнейшии отци и братие, чада единомысленная церковнаго исполнения, любве ради щедрот Божиих единокупно и единоумно возблагоревновати о святых отече­ских законех, и неблаголепная и душевредная бесчиния отсекати и прогоняти. Благополезныя же и душеспасителныя святыя обычаи вводити и уставляти во всех скитех и не давати дерзновениа востающым на благолепныя церковныя законы бесчинными пребыва­нии, но по апостолу умоляти, обличати, запрещати. Непокаряющыяжеся от церкве и сообщения христианскаго отсекати, яко гнил и не­потребен уд.

И же⁶⁶⁵ ли чрез божественных повелений попущают милостивне таковым или рещи потакают⁶⁶⁶, д а слышат Исаию велегласнаго, вещающа к ним от лица Божия:⁶⁶⁷ «Аз, рече, предам вы во оружие, и вси заколением падете, и чада ваша в глад и в плен предам, яко звах вас — и не отзвастеся, и глаголах — и ослушастеся, повеления моя отринусте и сотвористе злое предо мною, их же не хотех аз — вы возлюбисте. Сего ради тако глаголет Господь: „Се работающии ми ясти и пити имут, вы же взалчете и вжаждете. Се творящии волю мою возрадуются зело в веселии сердца, вы же восплачетеся и возрыдаете с болезнию сердца, яко остависте закон мой и исполнисте волю вашю“».

Ниже, лист 572. ⁶⁶⁸

Несть бо ино что, им же величие Божие верным бывает, якоже правила церковная крепко держати, егда убо святыя и божественыя церкви без пакости и немятежно в мире бывают, тогда нам вся бла­гая строения от Бога бывают подаема, мир и умножение плодом и врагом одоление, якоже в Левитице пишется:⁶⁶⁹ «Рече Господь к Моисеови: „Аще по заповедем моим ходите и повеления моя⁶⁷⁰ хра­ните — дам вам дождь во время свое, и земля даст плод свой, такоже и древо польное даст овощ свой, и дам мир земли вашей, и рать не пройдет сквозе ню, аще ли пройдет -- то падут пред вами смертию. И призрю на вы и благословлю вы, и поставлю сень мою в вас, еже есть ныняшняя церкви, и буду вам Бог, и вы будете ми люди изрядны.⁶⁷¹ Аще ли ослушаетеся, рече, заповедей моих, то наведу на вас меч, отмщающ суды моя и вбегнете во грады вашя, и послю глад и смерть на вы, и снесте плоть кождо искреняго своего, и предам вас в руце врагом вашим, и опустошю святая моя вас ради, и труд ваш инии снедят"».⁶⁷²

Видиши ли, яко преслушания ради божественых книг вся злая приходят на ны. Да аще убо в Ветсем законе толики казни, толика запрещения, то колми паче в благодати требе нам есть смотрение велико имети.

Убоимся⁶⁷³, возлюбленнии, и вострепещем, да не делом клятвы сия привлечем на ся от Бога, преслушающе повеления его, но да потщимся паче мира и благословения сподобитися от него послуша­нием словес закона и исполнением воли его святыя, в благочиннем пребывания житии.

Аминь.

В ы же, о, богособранный пустынный народе, обоего пола мужеска и женска, юноши и девы, мужие и жены! Подклоните выи ваши под ярем Божиих законов, возлюбите церковная святая законопо­ложения благочинным житием исполнят. Восхощите воли Божией святей, а не своей последовати, да и зде срама и поношениа и на­писанных клятв от Господа, в будущии же вечнаго томления, избавитеся.

А иже жестоковыйнии от вас и необрезаннии сердцы и ушесы, присно противляющиися церковным преданиям, и в своеволном ума скитании хотящии жити, и на наказующыя гневающиися! Почто убо зде в пустыне живете? Пространен мир, вмещаяй вы, широка все­ленная, приемлющая вы, по своему нраву прочее избирайте места! Что убо спастися хотящим соблазн подаваете? Чесо ради добре живущым вместо диавола бываете? Аще убо по месту не хощете жити — изберите место по житию вашему, и прочым спасающымся в претыкание и соблазн не бывайте, да и имя Божие святое и славное нашими бесчинии не хулится во языцех, но да паче свет преподобнаго благочиннаго пребываниа восияет пред человеки о самом Христе Бозе нашем, Ему же слава со Отцем и Святым Духом ныне и присно и во веки. Аминь.

Примечания

⁶³² На верхнем поле помета С<имеон> Д<енисов>. В слове Благочестивым ки­новарный инициал Б высотой на восемь строк украшен по­морским орнаментом.

⁶³³ Киноварный инициал Д высотой на шесть строк укра­шен поморским орнаментом.

⁶³⁴ Выделенный курсивом текст приписан после знака вставки на верхнем поле.

⁶³⁵ Далее зачеркнуто: свой.

⁶³⁶ Далее зачеркнуто: поприщ.

⁶³⁷ Далее зачеркнуто: и нестяжание исправление.

⁶³⁸ Далее зачеркнуто: и постнико.

⁶³⁹ Здесь стоит знак сноски, однако текст вставки на поле рядом вычищен.

⁶⁴⁰ Конец статьи в исправле­нии должен читаться так: пачеже, якода не прежде рыб­ною давления, немногим.

⁶⁴¹ Приписано на левом поле со знаком вставки.

⁶⁴² Далее зачеркнуто: И.

⁶⁴³ Далее между абзацами проставлен знак сноски — три точки внутри кружочка. Текст вставки, переписанной мелкой скорописью Симео­на Денисова, расположен на дополнительно подклеенном позднее полулисте 234.

⁶⁴⁴ Фраза приписана позднее между строк с выходом тек ста на поле справа.

⁶⁴⁵ Продолжение текста после вставки.

⁶⁴⁶ Далее зачеркнуто: тво­рит.

⁶⁴⁷ Абзац приписан позднее.

⁶⁴⁸ В правом верхнем углу листа помета: А<ндрей> Д<енисов>. Далее текст пе­реписан другой рукой двумя близкими между собою пере­межающимися почерками.

⁶⁴⁹ На поле приписано: За­чало 277.

⁶⁵⁰ После перестановки: Вы же, братие, не стужайте си, доброе творяще.

⁶⁵¹ Рядом на поле приписано: С<имеон> Д<енисов>. Номоканон. Учение о испо­ведании.

⁶⁵² Выделенный курсивом текст переписан рукой Симе­она Денисова.

⁶⁵³ Здесь буквица В украше­на орнаментом.

⁶⁵⁴ Исправлено, было: оставльшим.

Дата добавления: 2015-08-21