Ин тропарь равноапостольного великого князя Владимира. Глас 8

Правоверия наставниче/ и всея Руси просветителю,/ благочестивый великий княже Владимире,/ святым Крещением всех просветил еси/ и церкви многи славны украсил еси,/ о премудре Василие,/ Христа Бога моли спастися душам нашим.

Паремии праздника. 1 Четвертая книга Царств: Ста Соломон пред лицеем жертвенника Господня, пред всем собором израилевым и воздев руце свои на небо, и рече: Господи Боже Израилев, яко несть Бог, якоже ты на небеси горе, и на земли доле. Аще бо небо и небо небеси не довлеют Ти (не достаточны для Тебя), како дом сей, егоже создах имени Твоему; обаче и призриши на молитву мою, Господи Боже Израилев, услышиши моления и молитву, еюже раб твой молится пред Тобою, к тебе днесь. Да будут очи Твои отверсты на дом сей день и нощь, на место сие, о немже глаголал еси: будет имя Мое тамо, еже услышати молитву, еюже молится раб Твой на месте сем, во дни и нощи: И послушати раба Твоего, и людей Твоих Израиля. И елика аще помолится к Тебе на месте сем, и ты услышиши на месте жилища Твоего на небеси и сотвориши и милостив будеши им.

2. Книга пророка Исаии: Да возрадуется душа моя о Гссподе, облече бо мя в ризу спасения и одеждею веселия одея мя: якоже жениху возложи на мя венец и яко невесту украси мя красотою, яко невесту украси мя красотою, и яко земля растящая цвет свой, и яко вертоград семена сво прозябает, тако возсияет Господь правду,и радость пред всеми языки. Сиона ради не умолкну и Иерусалима ради не попущу, дондеже убо изыдет яко свет правда моя, спасение же моя яко свеща разжжется и узрят языцы правду Твою, и вси царие земстии славу Твою, и нарекутся именем Твоим новым, еже Господь именует е и будеши венец доброты в руце Господни, и диадима царствия в руце Господа твоего. И ктому не наречешися оставлена, и земля ктому не наречется пуста: тебе бо наречется воля моя, и земля твоя Вселенная, яко благоволи Господь о тебе и земля твоя населится, и якоже живый яноша с девою, тако поживут сынове твои с тобою, имже образом возвеселится жених о невесте, тако возрадуется Господь о тебе.

3. Пророчества Исаиина чтение. [Гл. 60, ст. 1 – 16] Светися, светися, Иерусалиме, прииде бо твой свет, и слава Господня на тебе возсия. Се тьма покрыет землю, и мрак на языки, на тебе же явится Господь, и слава Его на тебе узрится. И пойдут царие светом твоим, и языцы светлостию твоею. Возведи окрест очи твои, и виждь собранная чада твоя: се приидоша вси сынове твои издалеча, и дщери твоя на рамех возмутся. Тогда узриши, и возрадуешися, и убоишися, и ужаснешися сердцем, яко преложится к тебе богатство морское и языков и людей. И приидут к тебе стада вельблюд, и покрыют тя вельблюди Мадиамстии и Гефарстии: вси от Савы приидут, носяще злато, и ливан принесут, и камень честен, и спасение Господне благовозвестят. И вся овцы Кидарския соберутся тебе, и овни Навеофстии приидут к тебе, и вознесутся приятная на жертвенник Мой, и дом молитвы Моея прославится. Кии суть, иже яко облацы летят, и яко голуби со птенцы ко Мне? Мене острови ждаша, и корабли Фарсийстии в первых, привести чада твоя издалеча, и сребро и злато их с ними, имене ради Господня Святаго, и за еже Святому Израилеву славну быти. И созиждут сынове инороднии стены твоя, и царие их предстояти будут тебе: за гнев бо Мой поразих тя, и за милость Мою возлюбих тя. И отверзутся врата твоя присно, день и нощь не затворятся, ввести к тебе силу язык и цари их ведомыя. Языцы бо и царие, иже не поработают ти, погибнут, и язьщы запустением запустеют. И слава Ливанова к тебе приидет, кипарисом и певгом и кедром вкупе, прославити место святое Мое, и место ног Моих прославлю. И пойдут к тебе боящеся сынове смиривших тя и раздраживших тя, и поклонятся следом ног твоих вси прогневавшии тя: и наречешися град Господень, Сион Святаго Израилева. За сие, яко был еси оставлен и возненавйден, и не бе помогающаго ти, положу тя в радость вечную, веселие родом родов. И изссеши млеко языков, и богатство царей снеси, и уразумееши, яко Аз Господь спасаяй тя и избавляяй тя Бог Израилев.

Дата добавления: 2015-08-10