Казанда Татарстан китап нәшрияте 1986 нчы елда “ Габдерәхим Утыз Имәни әл-Болгари ” дигән китап бастыра. (Юлга-юл тәрҗемәләрне эшләүче филология фәннәре кандидаты Әнвәр Шарипов. Фәнни редакторы һәм махсус мәкалә авторы – тарих фәннәре докторы, профессор Миркасыйм Госманов. Нәшрият редакторы Рәис Даутов.)
Китапның 186 нчы битендә “ Тышкы күренешләре дини булган бидгатьләрне сөйләүче бүлек ” дип аталган шигырь дә бар. Бу шигырьдә бик күп бидгатьләр хакында язылган, теләгән кеше китапханәдән яисә китап кибетеннән сатып алып укый ала. Анда 3 се, 7се, 40 гы һәм елы хакындагы шигырь бар:
- Өченче кабәхәтлек не дә эшләп
- Наданлыктан тагын яман юлга китәләр.
- Анысы шундый: ислам кешесе күмелсә
- Аның рухына кунаклар җыеп ашаталар.
- Елы, кырыгы, җидесе һәм өчендә
- Кунак сыйлыйлар көчләре җиткәнчә.
- Бу эшләрне васыять итсә, булмас,
- Әгәр кылса аны, һич ишетелмәс.
- Сәләфләрдә безгә риваять бардыр
- Бу эшләрдә тырышлык күрсәтү яманлык ул.
- Әгәр фәкыйрьләр өчен аш-су әзерләнсә
- Садака итеп, өйләренә җибәрелсә, -
- Әйттеләр: бу ярый, монда начарлык юк.
- Әгәр өйгә чакырсаң бу кабәхатьлек тер – ди.
Аңлатма. Габдерәхим Утыз Имәни шигырь белән 3се, 7се, 40гы, елын үткәрүләрне кабәхатьлек” – дип атаган һәм кемдә-кем бу эшләрдә тырышса ул яманлыкка, начарлыкка ярдәм итешкән кеше була дип аңлаткан. Әгәр бер фәкыйрь кешенең өеннән мәет чыкса, киресенчә ул кешенең гаиләсенә аш пешереп илтү хәерле эш. Кайгы-югалту килгән кешенең өенә аш-су әзерләп ашату Аллаһыга якынайта торган изге гамәл дип санаган шагыйрь дә. Әгәр халыкны өйгә чакырып ашатсаң ул кешенең эше кабәхатьлек дип аталган.
Дата добавления: 2015-10-02; просмотров: 340 | Нарушение авторских прав
| <== предыдущая страница | | | следующая страница ==> |
| Гаепсезне гаепләү килешми | | | Шиһабетдин Мәрҗани васыяте |