LIX. Об идолах, почитаемых язычниками за боroв

B книге Премудрости Соломоновой: вся идолы язычески вмениша в боги, имже ниже очес употребление к зрению, ниже ноздpи в привлечение аера, ниже уши слышати, ниже персты рук во осязание, и ноги их праздны к хождению. Человек бо сотвори их, и духа взаим взяв созда их. Ни един бо человек может себе подобна бога создати. Смертен же сый мертва делает pуками беззаконными: лучший бо есть идолов своих, яко сей убо поживе, оная же никогда (15, 15–17). И еще в той же книге: ни делом внемлюще познаша хитреца; но или огнь, или дух, или скор воздух, или кpуг звездный, или зелную воду, или cветила небесная строители миру боги быти возмнеша. Ихже аще убо красотою услаждающеся, сия боги возмнеша, да уведят, колико сих Владыка есть лучший;... аще же силе и действию удивишася, да уразумеют от них, колико сотворивый сия сильнейший есть (13, 1–4). Также в псалме 134 (ст. 15–18): идоли язык сребро и злато, дела рук человеческих; уста имут и не возглаголют, очи имут и не узрят, уши имут и не услышат, ниже бо есть дух во устех их. Подобни им да будут творящии я и вси надеющиися на ня. И в псалме 95 (ст. 5): вси бозе язык бесове; Господь же небеса сотвори. В книге Исхода: богов сребряных и богов златых не сотворите самым себе (20, 23). И опять: не сотвори себе кумира и всякаго подобия (20, 4). Также у Иеремии: сия глаголет Господь: по путем языков не учитеся и от знамений небесных не страшитеся, яко их боятся языцы; понеже законы языков суетни суть. Древо есть от леса изсеченое, дело тектонское и слияние; сребром и златом украшена суть, и млатами и гвоздьми утвердиша я, да не движутся (10, 2–4). Сребро извито от Фарсиса приходит, злато от Офаза (Моава) ... дела вся художников; в синету и багряницу одеют их (10, 9). Носими носятся, понеже ходити не возмогут. Не убойтеся их, яко не сотворят зла, и блага несть в них (10, 5). Тако рцыте им: бози, иже небесе и земли не сотвориша, да погибнут от земли и от сих, иже под небесем суть (10, 11). Ужасеся небо о сем и вострепета попремногу зело, глаголет Господь. Два бо зла сотвориша людие Мои: Мене оставиша источника воды живы, и ископаша себе кладенцы сокрушеныя, иже не возмогут воды содержати... Накажет тя отступление твое и злоба твоя обличит тя; и увеждь и виждь, яко зло и горько ти есть; еже оставити Мя, глаголет Господь Бог твой; и не благоволих о тебе, глаголет Господь Бог твой. Понеже от века сокрушил еси иго твое (мое) и растерзал еси узы твоя и рекл еси: не имам Тебе служити, но пойду на всякий холм высокий и под всяким древом лиственным тамо разлиюся в блуде моем... Древу рекоша, яко отец мой еси ты, и камени — ты мя родил еси; и обратиша ко мне хребты, а не лица своя (2, 12–13, 19–20, 27). У Исаии: паде Вил, сокрушися Дагон, быша ваяния их в звери и скоты; носите я связана яко бремя труждающемуся... и алчущу и немогущу вкупе (46, 1–2). И еще: кому Мя уподобисте? Видите, ухитрите заблуждающии: слагающии злато из меха и сребро весом поставляют в мериле и наемше златаря сотвориша рукотворенная и преклоншеся покланяются им; воздвижут я на рамех и ходят; аще же положат я на месте своем, ту лежат, ниже подвижутся; и иже аще возопиет к ним, не услышат, от бед не спасут его (46, 5–7). Опять у Иеремии: Господь сотворивый землю в силе Своей и устроивый вселенную в мудрости Своей и разумением Своим распростре небеса. Егда Он даст глас, умножатся воды на небеси, воздвигаяй облаки от конец земли, молнию в дождь сотвори, изводяй свет (ветры) от сокровищ Своих. Обуя всяк человек от разума, посрамися всяк слиятель от изваяний своих, яко ложная слияния его и несть духа в них; суетна суть дела и смеху достойна, в час посещения своего погибнут (51, 15–18). И в Апокалипсисе: и шестый Ангел воструби, и спышах глас един от четырех рогов олтаря златаго сущаго пред Богом, глаголющий шестому Ангелу имеющу трубу: разреши четыре Ангелы связаны при реце велицей Евфрат. И разрешени быша четыри Ангели уготовани на час и день, и месяц и лето, да избиют третию часть человек. И число воинов конных две тме тем; и слышах число их. И тако видех в видении кони, и седящыя на них имущыя броня огненны и вакинфовы и жупелны; и главы конем, яко главы львом, и из уст их исхождаше огнь и дым и жупел. И от триех язв сих погибе третия часть человеков, от огня и от дыма и от жупела, исходящих из уст их. Область бо коней во устех их бе, и ошиби их подобни змием, имуще главы и теми пакости деюще. И прочии от человек, иже не избиени быша язвами сими, ниже покаяшася от дел рук своих, да не поклонятся демоном, ни идолом златым и сребряным и медяным и каменным и древяным, иже ни видети могут, ни слышати, ни ходити; и не покаяшася от убийств своих (9, 13–21). И еще в другом месте: и третий Ангел вслед его иде, глаголя гласом великим: иже аще кто покланяется зверю и иконе его и приемлет начертание на челе своем или на руце своей, и той имать пити от вина ярости Божия... и будет мучен огнем и жупелом пред Ангелы святыми и пред Агнцем; и дым мучения их во веки веков восходит (14, 9–11).

Дата добавления: 2015-09-04