Татар милли киемендәге асылташлар

Борынгы әби-бабаларыбыздан киемне тәнне каплау, җылыту чарасы итеп кенә карамаганнар. Кием килешле, уңайлы булырга тиеш булган. ә бизәнү әйберләре матурлык өчен генә түгел, ә сәламәтлек һәм көч чыганагы булып хезмәт иткән.

Асылташларны куллануның нигезендә тирән белеем ята. Киемгә ташлар кешеләрнең холыкларына карап сайланган. Кирәкле урынга тиешле таш яки метал куелган.

Болгар илендә хатын-кызлар кигән ак калфак диңгез энҗесе белән бизәлгән. баштагы ак кием ул – башта явыз уй юклыгын белдерә. Энҗе бума зәхмәтеннән (эпилепсия), акыл саташканнан (шизофрения), склероздан һ.б. төрле авырулардан саклаган. Калфакны башның ал өлешенә, ягъни минең уйлый торган – чәчсез өлешенә кигәннәр. Ирләр кыйммәтле ташлар белән бизәлгән түбәтәй кигәннәр. Ул башның артын һәм чигә тамырларын артык салкыннан һәм эсседән саклаган. Татар ирләре чәчләрен кырып алганнар. Бу түбәтәйдәге ташлар чәч белән бәйләнешкә кермәсен һәм ташларның йогынтысы ныграк булсын өчен эшләнгән.

Ташлар күп авыруга дәва. Кызыл һәм зәңгәр якут канн басымын төшерә, колак авыртуны баса. Зөбәрҗәт таш тамак авыртуны баса, буын сызлауны кисәтә. Ташлар куркакларга – батырлык, юашларга – кыюлык, әрсезләргә - тыйнаклык бирә һәм күз тиюдән саклый дип саналган.

Түбәтәй һәм калфакларны гади тукымадан теккәннәр. Алар биоэнергиянең таралуын һәм чит биоэнергиянең керүен тоткарлаган. Татар хатын-кызының чәче озын һәм ике толымга чулпы белән үрелгән булган. Чулпыдагы көмешләр нәкъ бөер турында торган. Ташлар бөерне төрле авырулардан саклаган. Камзулдагы энҗе, якут һ.б. ташлар ике яклап алга тезелгән. алар ашказаны, бөер, бавырны саклаган.

Хатын-кызлар колакка көмеш алка кигәннәр. Алтын кию мөселманда «дөрес түгел» дип исәпләнә. алка колакның нәкъ күз күрүен яхшырта торган ноктасына киелә. Ике кулга киелгән көмеш беләзек канн тамырларына, йөрәккә уңай тәэсир итә, кан басымын төшерә, беләккә ныклык бирә.

Дата добавления: 2015-08-20