Припев: Святи́телю о́тче Филаре́те, моли́ Бо́га о нас.

Тропа́рь: Р е́вностию по Бо́зе на высоту́ доброде́телей возше́д,/ сла́вы ми́ра сего́ удаля́лся еси́, свя́те,/ взыску́яй сла́вы токмо́ от Христа́,// Той бо есть еди́ный Царь ми́ра и Спас душ на́ших. (Два́жды)

Припев: Святи́телю о́тче Филаре́те, моли́ Бо́га о нас.

Тропарь: Е гда́ сверши́ся кончи́на свята́я твоя́,/ возскорбе́ша лю́дие росси́йстии, достохва́льне святи́телю,/ ты же не оста́вил еси́ их си́ры,// дерзнове́нно моля́ся еди́ному Царю́ ми́ра и Спа́су душ на́ших. (Два́жды)

Сла́ва Отцу́, и Сы́ну, и Свято́му Ду́ху.

Тропа́рь: Т оржеству́йте, лю́дие,/ святи́теля Филаре́та па́мять чту́ще,/ и́же служи́тель до́ма Богоро́дицы быв,// просла́ви Ту, я́ко в моли́твах неусыпа́ющую Засту́пницу.

И ны́не и при́сно и во ве́ки веко́в, ами́нь.

Богоро́дичен: Р усь Свята́я, лику́й ны́не,/ за тя бо мо́лит Сы́на Своего́// Пречи́стая Богоро́дица Де́ва с Филаре́том приснохва́льным и все́ми святы́ми твои́ми.

Катава́сия, глас 4:

Хор: Всяк земноро́дный/ да взыгра́ется, Ду́хом просвеща́емь,/ да торжеству́ет же Безпло́тных умо́в естество́,/ почита́ющее свяще́нное торжество́ Богома́тере,/ и да вопие́т:/ ра́дуйся, Всеблаже́нная,// Богоро́дице, Чи́стая Присноде́во.

Ектения́ ма́лая:

Диа́кон: П а́ки и па́ки ми́ром Го́споду помо́лимся.

Хор: Г о́споди, поми́луй.

Диа́кон: З аступи́, спаси́, поми́луй и сохрани́ нас, Бо́же, Твое́ю благода́тию.

Хор: Г о́споди, помилуй.

Диа́кон: П ресвяту́ю, Пречи́стую, Преблагослове́нную, Сла́вную Влады́чицу на́шу Богоро́дицу и Присноде́ву Мари́ю, со все́ми святы́ми помя́нувше, са́ми себе́ и друг дру́га, и весь живо́т наш Христу́ Бо́гу предади́м.

Хор: Т ебе́, Го́споди.

Иере́й: Я́ко Тя хва́лят вся си́лы небе́сныя, и Тебе́ сла́ву воссыла́ем, Отцу́ и Сы́ну и Свято́му Ду́ху, ны́не и при́сно и во ве́ки веко́в.

Хор: А ми́нь.

Диа́кон: С вят Госпо́дь Бог наш.

Хор: С вят Госпо́дь Бог наш

Диа́кон: Я́ ко Свят Госпо́дь Бог наш.

Хор: С вят Госпо́дь Бог наш.

Диа́кон: Н ад все́ми людьми́ Бог наш.

Хор: С вят Госпо́дь Бог наш.

Ексапостила́рий воскре́сный четве́ртый:

Д оброде́тельми блиста́вшеся,/ ви́дим предстоя́ща в живоно́снем гро́бе/ му́жа в блеща́щихся ри́зах:/ мироно́сицам прекло́ньшим ли́ца на зе́млю,/ небесы́ Влады́чествующаго воскресе́нию да научи́мся,/ и к Живота́ гро́бу с Петро́м притеце́м,/ и соде́янному уди́вльшеся,// пребу́дем Христа́ ви́дети.

Дата добавления: 2015-08-03