Припев: Пресвята́я Богоро́дице, спаси́ нас.

Тропарь: К у́ю Ти досто́йную песнь на́ше принесе́т неможе́ние?/ то́чию обра́довательную,/ е́йже нас Гаврии́л та́йно научи́л есть:// ра́дуйся, Богоро́дице Де́во, Ма́ти Неневе́стная.

Припев: Пресвята́я Богоро́дице, спаси́ нас.

Тропарь: П рисноде́ве и Ма́тери Царя́ вы́шних сил,/ от чисте́йша се́рдца, ве́рнии, духо́вне возопии́м:// ра́дуйся, Богоро́дице Де́во, Ма́ти Неневе́стная.

Кано́н святи́теля Филаре́та, глас 6:

Припев: Святи́телю о́тче Филаре́те, моли́ Бо́га о нас.

Тропа́рь: В семи́лостиве Го́споди,/ да́ждь мне мы́сль бла́гу и наста́ви се́рдце мое́,/ во е́же прославити дивнаго во святителех Филарета прехвальнаго. (Два́жды)

Припев: Святи́телю о́тче Филаре́те, моли́ Бо́га о нас.

Тропарь: Я́ ко плодоно́сная ве́твь, от благочести́ваго ко́рене и свяще́нническаго дре́ва произше́д, свя́те Филаре́те,/ благода́ть архиере́йства досто́йно восприя́л еси́./ Сего́ ра́ди благода́рне псало́мски вопие́м:// род пра́вых благослови́тся. (Два́жды)

Сла́ва Отцу́, и Сы́ну, и Свято́му Ду́ху.

Тропа́рь: Ю́ н ра́зум к Боже́ственным уче́нием напра́вив, прему́дре Филаре́те,/ да́же до честны́х седи́н в зако́не Госпо́дни поуча́лся еси́ день и нощь,// сего́ ра́ди плод стори́чный Бо́гу прине́сл еси́.

И ны́не и при́сно и во ве́ки веко́в, ами́нь.

Богоро́дичен: Б огоро́дице Де́во,/ я́коже во успе́нии Твое́м ми́ра не оста́вила еси́,// бу́ди и нам Путеводи́тельница во Ца́рствие Сы́на Твоего́ и Бо́га на́шего.

Катава́сия, глас 4:

Хор: Отве́рзу уста́ моя́,/ и напо́лнятся Ду́ха,/ и сло́во отры́гну Цари́це Ма́тери,/ и явлю́ся, све́тло торжеству́я,// и воспою́, ра́дуяся, Тоя́ чудеса́.

Песнь 3:

Кано́н воскре́сный, глас 1:

Хор:

Ирмо́с: Еди́не ве́дый челове́ческаго существа́ не́мощь/ и ми́лостивно в не вообра́жся,/ препоя́ши мя с высоты́ си́лою,/ е́же вопи́ти Тебе́, Святы́й,// одушевле́нный хра́ме неизрече́нныя сла́вы Твоея́, Человеколю́бче.

Чтец:

Дата добавления: 2015-08-03