Припев: Пресвята́я Богоро́дице, спаси́ нас.

Тропарь: О́ блак Тя ле́гкий нело́жно, Де́во, имену́ем,/ проро́ческим возсле́дующе рече́нием:/ прии́де бо на Тебе́ Госпо́дь/ низложи́ти еги́петския пре́лести рукотворе́ния,// и просвети́ти сим служа́щия.

Припев: Пресвята́я Богоро́дице, спаси́ нас.

Тропарь: Т я запеча́танный вои́стинну лик проро́ческий исто́чник,/ и заключе́нную дверь именова́, де́вства Твоего́, Всепе́тая,/ я́вственне зна́мения нам пи́шуще:// е́же сохрани́ла еси́ и по рождестве́.

Кано́н святи́теля Филаре́та, глас 6:

Припев: Святи́телю о́тче Филаре́те, моли́ Бо́га о нас.

Тропа́рь: Ф иларе́та Ми́лостиваго и́мя прие́мь, святи́телю Филаре́те,/ сосу́д доброде́телей твои́х ми́лостию украси́л еси́,// сего́ ра́ди я́ко оте́ц чадолюби́вый лю́дем росси́йским яви́лся еси́. (Два́жды)

Припев: Святи́телю о́тче Филаре́те, моли́ Бо́га о нас.

Тропарь: В о всем после́дуяй Боже́ственным отце́м,/ прему́дрость Бо́жию, я́ко наста́вницу, избра́л еси́, святи́телю,/ и Це́ркве Росси́йския до́брый па́стырь быв,// благоче́стию па́ству научи́л еси́. (Два́жды)

Сла́ва Отцу́, и Сы́ну, и Свято́му Ду́ху.

Тропа́рь: З латоу́сту сла́вному си́лою сло́ва подо́бяся,/ Бо́га Сло́ва вои́стину возсла́вил еси́, святи́телю Филаре́те,// те́мже слове́сными венцы́ тя велича́ем.

И ны́не и при́сно и во ве́ки веко́в, ами́нь.

Богоро́дичен: Н есть пречи́ста, я́ко Ты, Де́во,/ и не́сть гре́шен, я́ко аз, окая́нный,// те́мже, безнаде́жен сый, на Тя упова́ние мое́ возлага́ю.

Катава́сия, глас 4:

Хор: Твоя́ песносло́вцы, Богоро́дице,/ Живы́й и Незави́стный Исто́чниче,/ лик себе́ совоку́пльшия, духо́вно утверди́,/ в Боже́ственней Твое́й сла́ве// венце́в сла́вы сподо́би.

Ектения́ ма́лая:

Диа́кон: П а́ки и па́ки ми́ром Го́споду помо́лимся.

Хор: Г о́споди, поми́луй.

Диа́кон: З аступи́, спаси́, поми́луй и сохрани́ нас, Бо́же, Твое́ю благода́тию.

Хор: Г о́споди, поми́луй.

Диа́кон: П ресвяту́ю, Пречи́стую, Преблагослове́нную, Сла́вную Влады́чицу на́шу Богоро́дицу и Присноде́ву Мари́ю, со все́ми святы́ми помяну́вше, са́ми себе́ и друг дру́га, и весь живо́т наш Христу́ Бо́гу предади́м.

Хор: Т ебе́, Го́споди.

Иере́й: Я́ко Ты еси́ Бог наш, и Тебе́ сла́ву воссыла́ем, Отцу́ и Сы́ну и Свято́му Ду́ху, ны́не и при́сно и во ве́ки веко́в.

Хор: А ми́нь.

Конда́к святи́теля Филаре́та, глас 2:

Чтец: Я́ ко и́стинный подража́тель преподо́бнаго Се́ргия,/ доброде́тель измла́да возлюби́л еси́, богоблаже́нне Филаре́те./ Я́ко па́стырь пра́ведный и испове́дник непоро́чный,/ по святе́м преставле́нии от безбо́жных поруга́ние и поноше́ния прия́л еси́,/ Бог же зна́меньми и чудесы́ тя просла́ви// и засту́пника Це́ркве на́шея яви́.

И́кос:

А́ нгел па́ствы росси́йския яви́лся еси́ в житии́ твое́м, святи́телю Филаре́те,/ охраня́я и защища́я ю́ и боле́знуя се́рдцем о Оте́честве твое́м./ Ны́не же, с ли́ки Небе́сными совокупле́н,/ наипа́че мо́лишися за ны, усе́рдно прославля́ющих тя и зову́щих:/ ра́дуйся, святи́телей Моско́вских прее́мниче и в благода́ти им насле́дниче;/ ра́дуйся, я́ко Петр, град Москву́ возлюби́вый;/ ра́дуйся, я́ко Алекси́й, о нем усе́рдно моли́выйся;/ ра́дуйся, я́ко Ио́на, бо́дрственне град стреги́й;/ ра́дуйся, я́ко Мака́рий, ру́сских святы́х ре́вностно почита́вый;/ ра́дуйся, Фили́пповым по́двигом утвержда́выйся;/ ра́дуйся, И́овлеву благоче́стию подража́вый;/ ра́дуйся, Ермоге́новою любо́вию ко Оте́честву распала́емый;// ра́дуйся, святи́телю Филаре́те, ве́ры Правосла́вныя богому́дрый учи́телю.

Седа́лен святи́теля Филаре́та, глас 8:

Т ы еси́ па́стырь до́брый и учи́тель богому́дрый,/ святи́телю о́тче Филаре́те,/ тобо́ю Бог украси́ Це́рковь Свою́/ и те́ло твое́, многоле́тно сокрове́нное в земли́, нетле́нно яви́ лю́дем Свои́м./ Те́мже не преста́й моли́тися о хва́лящих тя/ и чту́щих па́мять твою́,// прося́ оставле́ния грехо́в и спасе́ния душа́м на́шим. (Два́жды)

Дата добавления: 2015-08-03