|
Читайте также: |
«Аз» Адама естества сущий, тебе, — обоего пола естества Адамова, советую: смирен буди. Адамова естества сущий, мирен буди, памятствуя слово праведного осуждения, ибо было говорено: «яко земля еси, и в землю отыдеши».
«Буки»: Бога познавай, благодеяния Его разумей, в заповедях Его ходи, да будеши тогда наследник вечных благ.
«Веди»: Веруй в Бога, веруй Богу, воздержание всегда во всем имей, присно памятствуй о смерти и о всех вещей изменении (непостоянстве), и ни единым чем ят будеши (ничем не будешь прельщен) в мире.
«Глагол»: Греха от мала даже и до велика блюдися, грех твой пред очима своими всегда имей, тогда на всяк день усерднее будеши прилежать к покаянию.
День ото дня к горе «добро»детелей восходи, усердие ко усердию непрестанно на всяк день прилагай, да управиши тогда себя во все стези правые.
«Есть» бо всякому труду и подвигу вечный покой и веселие, и в грядущем веке возмездие (воздаяние).
«Жизнь» вечную и грядущие блага присно да поминаеши, яко да к сим всегда взимается (возносится твое) сердце.
«Зело» усерднее в твоем звании буди, яко да не всуе изнуряеши (проводиши) твою жизнь.
Зря тварь, чудися (удивляйся), и Творцу твари славословие приноси; не к твари прилагай твои чувства, но к Богу, Творцу всех, сердце и душу возводи.
Иже о благом (к доброму) имеет усердие, дастся ему; а иже не имеет и еже мнится, что имеет, то возьмется от него.
Истину люби, всякой лжи блюдися, да убежиши тогда пророческого речения: «погубиши (Господь) всякого, глаголющего ложь».
К Богу всегда ум твой и душу непрестанно возводи, яко да всегда с Ним соединен будеши.
Любити Бога от всего сердца твоего и от всея крепости твоея потщися, ибо тогда да известен (благонадежен) о спасении твоем будеши и от всякого пристрастия земного свободишися.
Молитве непрестанно прилежи, ибо то есть некрадомое сокровище, и еюже удобь, яко лествицею, к Богу взыдеши.
Не прилагай сердца твоего к земным, но к Богу единому сердце и душу твою пригвожденными имей, яко да неподвижим в любви Его пребудеши.
Он есть един Господь, источник всех благ и вечной жизни податель.
Памятствуй о Господе выну, в сердце и во устех твоих да пребывает имя Его всегда. Покаянию присно прилежи, и на всяк день теплыми слезами омывай душу твою, да убелишися паче снега и явишься пред Господом с непосрамленным лицом.
Руце твои к Богу наичаще в молитве воздевай усерднее, оттуда помощи всегда взыскуя, да победиши мысленного Амалика, сиречь диавола.
Смерть памятствуя, скупости блюдися, да не затвориши к себе милосердия Божия двери.
Тих, безтщеславен и кроток ко всем бывай, яко да истинен Христов подражатель и ученик без порока явишься.
Уныния и лености зело хранися, аще хочеши снискати вскоре вечное сокровище.
Усерден и тепл к Богу присно буди, да причастник будеши вечныя жизни.
Фараона мысленного в воде слезной потопити тщися, да не всегда ратью своею будет он гнать тебя.
Христа единого взыскуй, да с Ним пребудеши во веки. Взыскующие бо Его, обрящут велию милость и не лишатся всякого блага.
Отца и матерь, други и сродники от Бога быти себе знай. Он бо есть жизни начало и конец всем бесконечный.
Цель твоя и пристанище — Господь един да будет, надежда же и упование — пресвятая Его Любовь.
Чистоту и целомудрие истинно возлюби, да прилепишься чистый к чистому; и час от часа покаяние не отлагай, да не погубиши время исправления всуе (не проведешь в суете).
Шестокрылые добродетели водружены в душе твоей всегда да будут, сиречь: усердие, друголюбие, терпение, образ благий, рассуждение и любовь, имиже удобь на небо возвысишися.
Щедр и милостив ко всем буди, да милостивого и благоутробного Господа в день Страшного Суда душе твоей обрящеши. Едино се в памяти своей имей выну, да Богу единому всегда угождаеши и к Нему любовью присно да(восходиши.
Юностное похотное плотское безумие от себя отметай, премудрости же духовной о Бозе всегда поучайся всеусердно.
Ярости, гнева и злословия зело блюдися, да не помрачится сердечное око.
Объедения и пианства зело блюдися, да не во вся злая всегда впадаеши.
Отеческого духовного наказания не преобижай (не пренебрегай), да не преткнешься в стезях твоих.
Псалмами и песньми Бога беспрестанно славослови, да присно сие имаши себе же во утешение.
Фарисейского тщеславного лицемерия зело блюдися, да не восприимша мзду твоих благ (за твои добрые дела) себе тщеславно зде.
(Из творений святителя Димитрия, митрополита Ростовского)
Дата добавления: 2015-08-10; просмотров: 49 | Нарушение авторских прав
| <== предыдущая страница | | | следующая страница ==> |
| Так ли мы любим согрешающих? | | | Причащение в пустыне |