|
Читайте также: |
Аще убо Павел патриарх, якоже в вышшем ответе рехом, отъиде в монастырь, не на священнодейство, но на покаяние: то убо почто несообразная своим иереем приводити усилуешися? Понеже ваши иереи приходят к вам и от вас определяются на священнодейство, а не в раскаяние полученнаго себе неправильнаго иерейства. Но церковь православная может быти по нужде и кроме архиереев и священников, если сих православно-рукоположенных и благочестно мудрствующих нигде не обретается. А еже тогда глаголеши в Царе-граде не быти православному епископу, но аще во оном и не бяше тогда православный (последи же вскоре и православен Тарасий патриарх от благочестивых поставлен бысть), обаче вокруг сего царствующаго града, не точию епископии, но и митрополии, подлежащия сему престолу, с правоверно пасящими архипастыри быша, их же сице показуем:
В то время бяше святый Феофилакт исповедник, архиепископ Никомидийский, правоверен и свят муж. Минея Март. 8.
В то время бяше святый Козма епископ Халкидонский, зело близ Царя-града паству свою благочестно управляя. Апр. 18.
В то время бяше святый Иосиф епископ Фессалонитский, брат Феодору Студиту, православно архиерействуяй. Генв. 26.
В то время бяше Михаил Синадский. Чти маия 23.
В то время благочестивая епископия в Катанех, Львом епископом правящаяся. Чти февр. 20.
В то время в Суренти епископами благочестивыми людие правяхуся.
В то время такожде в Хазарии людие благочестивыми епископами пасяхуся.
В то время в Сугдании благочестивии епископи бяху.
В то время за Еллеспонскою пучиною, во острове Лимнос, благочестивии епископи бяху.
В то время в Милитине благочестивии митрополити быша [На поле: Митрополия Царю-граду, прилеже: 6 всел. собор. пр. 39 ].
В то же время бяше Иоанн епископ Готфский, к самой царице Ирине поучательными словесы о благочестии святых икон часто входяше, увещеваючи. Чти июня 26.
Но что много приводити? И сам Павел, бывый патриарх (якоже в житии Тарасия патриарха извествуется), собору собравшемуся с царицею Ириною, о благочестия содержателех сия словеса изрече: что многия под рукою державы царствия их, тоя же земли, правило веры неизменно держаще, удаляются иконоборных церквей. Чти о сем в Тарасиеве житии.
От сего убо полка многих митрополитов, архиепископов и епископов, благочестие неизменно хранящих, якоже мощно Павлу патриарху от иконоборства обратившуся прияту быти: тако и Тарасию от тех благоверне рукоположитися. Но убо Павел (якоже Пролог марта 8-го извествует) не ради приятия благодати в священнодейство от иконоборства отвратися и в монастырь отъиде, но ради покаяния, яко ко иконоборству подписася и от них хиротонию прия; и сего ради недостойна себе в священнодейство быти осудив, прия схиму на себе, показующую, яко оттоле никако же коснетея архипастырству подлежащих дел.
Убо втуне ваше к Павлову действу вторично приступление показася: везде бо вашей неправости в благочестно содержателех места найти невозможно, никогда бо тьма светом не может возблистати.
Дата добавления: 2015-07-12; просмотров: 74 | Нарушение авторских прав
| <== предыдущая страница | | | следующая страница ==> |
| Ответ, 311. | | | Ответ, 320. |