So Dasha dykh’ja dro cyrko

Tixes Dasha pre skamejechka bestja

- Syg e daj avela – joj uzhakirdja

Daj phendja,

Koli joj lela

Tixes te beshes,

Joj la lela

Dro cyrko te dykhes.

Daj av’ja khere.

Dasha joj uridja

I dre cyrko

La lydzhija.

Javne. Baro o kher.

But manusha.

A upre xachjona

Lampy – chergenja.

E Dashasa daj bestja.

So javela – joj uzhakirdja.

I dykhela: obez’jankica tykny

Vygyja dro lole idja uridy.

Xasijam save dzhjuklore vygyne.

Duj parne i duj kale i zakhelde.

O baro slono dre krugo vygyja

I sheresa manushenge kerdja,

Xobotosa obez’jankica lyja

I pro pekiro dumo jov la thodja.

Duj gadje: parno i ryzho vygyne

Jekh pro kasht, vavir pre mjotla

Zakhelde,

Tol’ko nabut ryzha prokhelde

I upre gerenca ugyne.

Vyprastandyne graja. Tykne-

tykne

I palatune zakhelde.

Dasha dasa e sabnastyr zamyne.

Akana tykny chjaj vygyja

I upre pre provoloka kheldja.

Morzho syr xoljamo phuro

Pre kletka zabestja,

Dro kuduni zorales zamardja.

I dre konco ryzho vygyja

I pokojno rat phendja.

But marde syr jekh minutka

progyne.

Akana saro, mri chjaj,

Aven khere.

I khere to Dasha syr av’ja

So vash cyrko dasa rakirdja,

I syr tol’ko zasutja,

Obez’jankica tykny dre sune

dykh’ja.

Дата добавления: 2015-10-02