Rakiribe vash tyknin’kone chjavorenge

Marija Poljakova

SYR MASHA GYJA TE SYKLJOL

Rakiribe vash tyknin’kone chjavorenge

Centrizdato * Moskva 1930

Kham dro fenshtra zadykh’ja

Nastja sygydyr ushtja.

Syr shukir, tato pre gasa.

Joj kam’ja-b te poprastas.

Te dykhes dzhjukles Bibana,

Chirikle gilja bagana

I chjave dro vesh uzh dzhjana

Lole muri te skeden,

Kamne Nastja te kharen,

Ne e Nastja dumindja:

Joj vasta na vymordja,

O bala na prigandja

I danda na chistindja.

Adava nane shukir

Nastja na zabistyrdja,

So uchitjeljo phendja,

Sob shukar sykljakirdepe,

Syr ushtena – sob mordepe.

Chistyma amenge trebi,

Sob sare o ch’javore

Na avne by nasvale.

Kazhdo sob buty kerdja

I lachjo sykljakirdo lestyr vygyja.

Nastja adava dzhinela

Koli joj saro kerela,

So uchit’eljo phendja.

Pionerkasa joj avela.

- Nikarik me na udzhjava.

Syg sari buty kerava

I uroko proginava

Daj i dad buty kerena,

A koli khere avena

Me togda dro vesh udzhjava

Lole muri te skedav

I chjavenca te khelav.

-

A dro taboro isy - Masha:

Joj nane lachi.

Joj togda uzhe ushtja

Koli kham dur zagyja.

Joj vasta na vymordja

I bala na prigandja.

I rovela i koshela,

Chjavoren saren marela.

Melaly i pirangy

I sari rozriskirdy.

I dre shkola na gyja

I adjake rakirdja:

-Na kamam te sykljovav,

Fedyr lava te khelav.

La nikon na pokamne

I sare la tradyne.

Tran-ta-tano…

Tran-ta-tano, -

Khella gromko barabano

Masha sygydyr-gyja

Te dykhes, so adava.

I jakha vypuradja.

Piro drom but ch’javore

Dzhjana syr-by xelade:

Sare dro sinja gadore

I dro galstuchki lole,

Dro vasta o znamjo lende,

A pro znamjo o lava:

“Pionero, shun zavjeto – Jav angil pre strega vsegda”.

- Dykh! E Nastja vygyja

i dre truba zakheldja

Di Mashate zagyja

I joj godly zadyja:

- Nastja, len man ke tume…

Ne e Nastja rakirdja:

- Dykh, savi tu melaly

I sari rozriskirdy…

Dzhja, vymorpe tu khere

I avesa ke ame.

Masha sygydyr gyja,

Vasta, muj joj vymordja

I bala joj prigandja,

Lache idja uridja.

I bare – bare radasa

Ke ch’jave pale gyja.

Dro vesh jone khelde

E skvoreshniki kerde,

Len ko brezy prikerde,

Sob tykne e chirikle

Odoj gnjozdy by kerde.

Rakirdja ch’javo o lav.

“Pionero, jav pre strega

Te keres buty dro gav.»

Khere Masha prigyja

I e dake rosphendja:

Kaj joj sys i so shundja…

Ake dake so phendja:

-Lava me te sykljovav,

Saro lava te kerav.

Lava kana te moravpe

I na lava te koshavpe.

Atasja me syr ushtava

Sygydyr dre shkola dzhjava.

I daj la poshardja

E tvorozhnichko dyja.

Jav-ka, jav, sykljakirdy,

Tu, kormilica miri.

Masha ranin’ko ushtja

I dre shkola ugyja,

La dre shkola prilyne

I uroko zadyne.

- Masha ke ame jav’ja.

Joj ach’ja kana lachi,

Uridy i vymordy

I nane e xoljamy.

A dro lageri kol’ dzhjasa

I Masha pesa kharasa.

Nastja syr la udykh’ja

Dro cham’ja la chjamudja

-Shukir, Masha, tu kerdjan

So adarik av’jan

Vash saro tuke phenasa

I o knizhki lache dasa.

A koli shukar sykljosa

To sarenge me phenava

I dro budushjo e bersh

Dre pionerki zachinava

Дата добавления: 2015-10-02