На 4. Стих: Хвали́те Его́ на си́лах Его́,/ хвали́те Его́ по мно́жеству вели́чествия Его́.

Стихира: Я ви́ся, Я́же от ве́ка на земли́/ пропове́даемая проро́ки в веща́ниих, Де́ва Богоро́дица,/ Ю́же патриа́рси му́дрии и пра́ведных собо́ри возвеща́ют,/ с ни́ми же сликовству́ет и жен благоле́пие:/ Са́рра, Реве́кка, Рахи́ль, и А́нна же,/ и сла́вная Мариа́м Моисе́ева ку́пно./ С си́ми сра́дуются и ми́ра концы́,/ вся тварь почита́ет,/ я́ко Зижди́тель всех и Бог прихо́дит пло́тию роди́тися// и дарова́ти нам ве́лию ми́лость.

Чтец: Стихи́ры предпра́зднства, глас 4:

Стих: Хвали́те Его́ во гла́се тру́бнем,/ хвали́те Его́ во псалти́ри и гу́слех.

Стихира: И са́ии глас исполня́ется:/ се бо Де́ва Необъя́тнаго,/ опису́емаго пло́тию,/ во утро́бе но́сит/ и пресла́вно роди́ти прихо́дит./ Богоприя́тный верте́пе, украси́ся,/ Вифлее́ме, угото́вися:/ Царь бо тя изво́ли во оби́телище./ Приими́те, я́сли,/ повива́ема Младе́нца Христа́,// хотя́ща реши́ти плени́цы согреше́ний челове́ков бла́гостию.

Стихи́ры пра́отцев, глас 2:

На 2. Стих: Хвали́те Его́ в тимпа́не и ли́це,/ хвали́те Его́ во стру́нах и орга́не.

Стихира: Н аписа́вся с рабы́ Влады́ка,/ прегреше́ний рукописа́ние раздра́ти хотя́/ и написа́ти вся в кни́зе живу́щих,/ умерщвле́нныя украде́нием зми́я./ Де́ва же но́сит Тя, вся нося́щаго,/ пло́тию ме́ртвенною обложе́на/ и всели́тися в ма́лый верте́п благоволи́вшаго./ Его́же, ро́ждшася,/ чи́ни Го́рнии А́нгельстии восхвали́ша с Боже́ственными па́стыри,// дивя́щеся держа́ве Твое́й.

Стих: Хвали́те Его́ в кимва́лех доброгла́сных, хвали́те Его́ в кимва́лех восклица́ния./ Вся́кое дыха́ние да хва́лит Го́спода.

Стихира: С ве́тлый же и одушевле́нный о́блак,/ дождь нося́щи Небе́сный,/ сей на зе́млю ны́не предгряде́т пролия́ти,/ я́ко да напои́т земли́ лице́./ Весна́ благода́ти,/ мы́сленная ла́стовица,/ внутрь во утро́бе держа́щи,/ неизглаго́ланным сло́вом ражда́ет,/ зи́му безбо́жную разоря́ющи,/ пала́та, чи́стая и нескве́рная,/ Царя́ в верте́п// привноша́ет воплоща́емаго.

Стихи́ра отцо́в, глас 8:

Дата добавления: 2015-10-02