Припев: Сла́ва Тебе, Бо́же наш, сла́ва Тебе́.

Тропарь: Ж езл из ко́рене Иессе́ова, Де́во, прозябла́ еси́,/ цвет процве́тшая неувяда́емый, всех Соде́теля,/ зе́млю цвета́ми всю я́ко Бо́га украша́ющаго, вопию́щую Ему́:// сла́ва си́ле Твое́й, Го́споди. (Два́жды)

Припев: Сла́ва Тебе, Бо́же наш, сла́ва Тебе́.

Тропарь: С не́дию мя окра́дена лука́вою/ и ра́зумом попо́лзшася и уподо́бльшася безслове́сным, Сло́ве Бо́жий, прише́л еси́, назида́я,/ Младе́нец быв и во я́слех безслове́сных возле́г:// сла́ва си́ле Твое́й, Го́споди. (Два́жды)

Сла́ва Отцу́, и Сы́ну, и Свято́му Ду́ху.

Богоро́дичен: И з горы́ приосене́нныя, Иису́се, Де́вы, Тя, воплоще́ннаго, Авваку́м прови́де,/ го́ры злы́я и хо́лмы сокруша́ющаго// и исчезнове́нию предаю́ща возноше́ния лука́ваго и де́монская возвыше́ния.

И ны́не и при́сно и во ве́ки веко́в, ами́нь.

Богоро́дичен: И з горы́ приосене́нныя, Иису́се, Де́вы, Тя, воплоще́ннаго, Авваку́м прови́де,/ го́ры злы́я и хо́лмы сокруша́ющаго// и исчезнове́нию предаю́ща возноше́ния лука́ваго и де́монская возвыше́ния.

Катава́сия:

Хор: Жезл из ко́рене Иессе́ева/ и цвет от него́, Христе́,/ от Де́вы прозя́бл еси́,/ из горы́, Хва́льный, приосене́нныя ча́щи,/ прише́л еси́, вопло́щся от Неискусому́жныя,/ Невеще́ственный и Бо́же:// сла́ва си́ле Твое́й, Го́споди.

Песнь 5:

Кано́н отцо́в, глас 6:

Хор:

Ирмо́с: Богоявле́ния Твоего́, Христе́,/ к нам ми́лостивно бы́вшаго,/ Исаия, Свет ви́дев Невече́рний,/ из но́щи у́треневав, взыва́ше:/ воскре́снут ме́ртвии,/ и воста́нут су́щии во гробе́х,// и вси земноро́днии возра́дуются. (Дважды)

Чтец:

Дата добавления: 2015-10-02