Припев: Пресвята́я Богоро́дице, спаси́ нас.

Тропарь: Я́ же все́ми влады́чествующи тварьми́,/ лю́дем Твои́м да́руй побе́дное одоле́ние,/ врага́ полага́ющи примири́тельна це́ркви:// да Тя, я́ко Богоро́дицу, велича́ем.

Кано́н му́чеников Ми́ны, Ермоге́на и Евгра́фа, глас 1:

Припев: Святи́и му́ченицы, моли́те Бо́га о нас.

Тропа́рь: С е светоза́рное торжество́ светови́дных му́чеников всем просия́,/ озаря́ющее вселе́нныя концы́ и душ слепоту́ отъе́млющее;// стеце́мся преусе́рдно, свяще́ние почерпе́м.

Припев: Святи́и му́ченицы, моли́те Бо́га о нас.

Тропа́рь: И́ хже благ получи́сте Небе́сныя сла́вы, ея́же сподо́бистеся,/ ве́рою све́тлую па́мять ва́шу чту́щим, я́ко Бо́гу предстоя́ще всегда́,// получи́ти моли́теся, великому́ченицы, мо́лимся.

Сла́ва Отцу́, и Сы́ну, и Свято́му Ду́ху.

Тропа́рь: В зя́тся, ко оби́телем вселяя́яся, светови́дный му́чеников лик Боже́ственный/ и предстои́т Отцу́, Сы́ну же и Ду́ху, наслажда́яся я́сно обоже́ния,// Ми́на со Ермоге́ном и Евгра́фом, Богому́дрии.

И ны́не и при́сно и во ве́ки веко́в, ами́нь.

Богоро́дичен: С ия́ние блиста́ния Рождества́ Твоего́ отри́нувшееся/ естество́ на́ше, Всенепоро́чная, ви́де/ и из но́щи неве́дения изба́вися и страсте́й те́мнаго смуще́ния.// Тем Тя я́ко вино́вну спасе́ния на́шего чтим.

Катава́сия:

Хор: Та́инство стра́нное ви́жу и пресла́вное:/ Не́бо – верте́п, Престо́л Херуви́мский – Де́ву,/ я́сли – вмести́лище,/ в ни́хже возлеже́ Невмести́мый – Христо́с Бог,// Его́же, воспева́юще, велича́ем.

Ектения́ ма́лая:

Диа́кон: П а́ки и па́ки ми́ром Го́споду помо́лимся.

Хор: Г о́споди, поми́луй.

Диа́кон: З аступи́, спаси́, поми́луй и сохрани́ нас, Бо́же, Твое́ю благода́тию.

Хор: Г о́споди, помилуй.

Диа́кон: П ресвяту́ю, Пречи́стую, Преблагослове́нную, Сла́вную Влады́чицу на́шу Богоро́дицу и Присноде́ву Мари́ю, со все́ми святы́ми помя́нувше, са́ми себе́ и друг дру́га, и весь живо́т наш Христу́ Бо́гу предади́м.

Хор: Т ебе́, Го́споди.

Иере́й: Я́ко Тя хва́лят вся си́лы небе́сныя, и Тебе́ сла́ву воссыла́ем, Отцу́ и Сы́ну и Свято́му Ду́ху, ны́не и при́сно и во ве́ки веко́в.

Хор: А ми́нь.

Диа́кон: С вят Госпо́дь Бог наш.

Хор: С вят Госпо́дь Бог наш

Диа́кон: Я́ ко Свят Госпо́дь Бог наш.

Хор: С вят Госпо́дь Бог наш.

Диа́кон: Н ад все́ми людьми́ Бог наш.

Хор: С вят Госпо́дь Бог наш.

Ексапостила́рий воскре́сный седьмо́й:

Я́ ко взя́ша Го́спода, Мари́и ре́кшей,/ на гроб теча́ста, Си́мон Петр,/ и други́й таи́нник Христо́в, его́же любля́ше:/ теча́ста же о́ба, и обрето́ста плащани́цы еди́ны внутрь лежа́ща,/ и главны́й же бе суда́рь кроме́ их./ Те́мже па́ки умолча́ста,// до́ндеже Христа́ ви́деста.

Дата добавления: 2015-10-02