Припев: Пресвята́я Тро́ице, Бо́же наш, сла́ва Тебе́.

Тро́ичен: Р ече́нием Боже́ственным после́дующе, сла́вим Еди́но Божество́,/ я́ко в Трие́х Све́тех Неслия́нно, Непресеко́мо,/ пла́мень ве́чный просвеща́ющий всю тварь, зову́щую:// Бо́же, благослове́н еси́.

Кано́н Богоро́дицы, глас 4:

Припев: Пресвята́я Богоро́дице, спаси́ нас.

Тропарь: П ривлачи́т мя к пе́нию любо́вь де́вственная огнь,/ и́же в се́рдцы, вопи́ти Ма́тери и Де́ве:// Благослове́нная, Госпо́дь си́лам с Тобо́ю.

Припев: Пресвята́я Богоро́дице, спаси́ нас.

Тропарь: П ревы́шши тва́ри яви́лася еси́,/ я́ко Творца́ ро́ждши и Го́спода./ Те́мже Ти вопию́, Богоро́дице:// Благослове́нная, Госпо́дь си́лам с Тобо́ю.

Припев: Пресвята́я Тро́ице, Бо́же наш, сла́ва Тебе́.

Тро́ичен: Г оспо́дьство Тя Еди́но чтый,/ в Трие́х Свяще́ниих Неразде́льно,/ воспева́ю Триипоста́сное Естество́,/ Благослове́нная, взыва́я Тебе́,// Я́же вся управля́ющая.

Кано́н му́чеников Ми́ны, Ермоге́на и Евгра́фа, глас 1:

Припев: Святи́и му́ченицы, моли́те Бо́га о нас.

Тропа́рь: Г лас пра́зднующих чи́сте, иде́же и шум слы́шится,/ ра́достною душе́ю, страда́льцы, всели́стеся,/ весе́лия исполня́еми и пою́ще:// отце́в Бо́же, благослове́н еси́.

Припев: Святи́и му́ченицы, моли́те Бо́га о нас.

Тропа́рь: С ладка́ мне, вопия́ше Ермоге́н, е́юже умира́ю, сме́рть:/ мне е́же жи́ти есть Христо́с,/ е́же умре́ти же – приобре́тение безме́рно;/ да отсеку́тся мои́ у́ды, любо́вию пою́щу:// отце́в Бо́же, благослове́н еси́.

Дата добавления: 2015-10-02