Припев: Сла́ва Тебе́, Бо́же наш, слава Тебе́.

Тропарь: И зря́дное тече́ние зря́ще/ волсви́ необы́чныя но́выя звезды́ новосия́ющия,/ Небеса́ просвеща́ющия, Христа́ Царя́ зна́менующия на земли́,// ро́ждшагося в Вифлее́ме на спасе́ние на́ше.

Припев: Сла́ва Тебе́, Бо́же наш, слава Тебе́.

Тропарь: Н оворожде́нное, – волхво́м, глаго́лющим, –/ Отроча́ Царь, Его́же звезда́ яви́, где есть?/ Тому́ бо поклони́тися приидо́хом./ Яря́ся, И́род смуща́шеся,// Христа́ уби́ти богобо́рец шата́яся.

Припев: Сла́ва Тебе́, Бо́же наш, слава Тебе́.

Тропарь: И спыта́ И́род вре́мя звезды́,/ ея́же вожде́нием волсви́ в Вифлее́ме покланя́хуся Христу́ с да́ры;/ е́юже, ко оте́честву наставля́еми,// лю́таго детоуби́йцу оста́виша пору́гана.

Второ́й кано́н пра́здника, глас 1:

Припев: Сла́ва Тебе́, Бо́же наш, слава Тебе́.

Тропа́рь: О́ бразы несве́тлы и се́ни приведе́ны,/ о Ма́ти Чи́стая, ви́девше Сло́ва,/ но́ва я́вльшагося от врат заключе́нных,// мня́щии же и́стинную све́тлость, досто́йно Твою́ благослови́м утро́бу.

Сла́ва Отцу́, и Сы́ну, и Свято́му Ду́ху.

Тропа́рь: О́ бразы несве́тлы и се́ни приведе́ны,/ о Ма́ти Чи́стая, ви́девше Сло́ва,/ но́ва я́вльшагося от врат заключе́нных,// мня́щии же и́стинную све́тлость, досто́йно Твою́ благослови́м утро́бу.

И ны́не и при́сно и во ве́ки веко́в, ами́нь.

Тропа́рь: Ж ела́ние получи́вше и Бо́жия прише́ствия христокра́снии лю́дие сподо́бльшеся,/ ны́не утеша́ются па́ки бытие́м:/ я́ко живоно́сну благода́ть дае́ши, Де́во Чи́стая,// поклони́тися сла́ве.

Катава́сия:

Хор: Та́инство стра́нное ви́жу и пресла́вное:/ Не́бо – верте́п, Престо́л Херуви́мский – Де́ву,/ я́сли – вмести́лище,/ в ни́хже возлеже́ Невмести́мый – Христо́с Бог,// Его́же, воспева́юще, велича́ем.

Ектения́ ма́лая:

Диа́кон: П а́ки и па́ки ми́ром Го́споду помо́лимся.

Хор: Г о́споди, поми́луй.

Диа́кон: З аступи́, спаси́, поми́луй и сохрани́ нас, Бо́же, Твое́ю благода́тию.

Хор: Г о́споди, помилуй.

Диа́кон: П ресвяту́ю, Пречи́стую, Преблагослове́нную, Сла́вную Влады́чицу на́шу Богоро́дицу и Присноде́ву Мари́ю, со все́ми святы́ми помя́нувше, са́ми себе́ и друг дру́га, и весь живо́т наш Христу́ Бо́гу предади́м.

Хор: Т ебе́, Го́споди.

Иере́й: Я́ко Тя хва́лят вся си́лы небе́сныя, и Тебе́ сла́ву воссыла́ем, Отцу́ и Сы́ну и Свято́му Ду́ху, ны́не и при́сно и во ве́ки веко́в.

Хор: А ми́нь.

Диа́кон: С вят Госпо́дь Бог наш.

Хор: С вят Госпо́дь Бог наш

Диа́кон: Я́ ко Свят Госпо́дь Бог наш.

Хор: С вят Госпо́дь Бог наш.

Диа́кон: Н ад все́ми людьми́ Бог наш.

Хор: С вят Госпо́дь Бог наш.

Ексапостила́рий воскре́сный деся́тый:

Т ивериа́дское мо́ре с детьми́ Зеведе́евыми,/ Нафана́ила с Петро́м же и со други́ма двема́ дре́вле,/ и Фому́ имя́ше на ло́ве,/ и́же Христо́вым повеле́нием одесну́ю вве́ргше,/ мно́жество извлеко́ша рыб:/ Его́же Петр позна́в, к Нему́ бродя́ше,/ и́мже тре́тие явле́йся,// и хлеб показа́, и ры́бу на у́глех.

Дата добавления: 2015-10-02