Припев: Сла́ва Тебе́, Бо́же наш, слава Тебе́.

Тропарь: С е Де́ва, я́коже дре́вле рече́,/ во чре́ве прие́мши, родила́ есть Бо́га вочелове́чшася и пребыва́ет Де́ва./ Ея́же ра́ди примири́вшеся Бо́гу, гре́шнии,// Богоро́дицу су́щую вои́стинну, ве́рнии, воспои́м.

Второ́й кано́н пра́здника, глас 1:

Припев: Сла́ва Тебе́, Бо́же наш, слава Тебе́.

Тропа́рь: Л ю́тую вражду́, ю́же к нам Влады́ка отсека́я па́ки плотски́м прише́ствием,/ да держа́щаго разруши́т душетле́ющаго,/ мир сочета́я с невеще́ственными существы́,// положи́в присту́пна, Ро́ждшаго, тва́ри.

Сла́ва Отцу́, и Сы́ну, и Свято́му Ду́ху.

Тропа́рь: Л ю́тую вражду́, ю́же к нам Влады́ка отсека́я па́ки плотски́м прише́ствием,/ да держа́щаго разруши́т душетле́ющаго,/ мир сочета́я с невеще́ственными существы́,// положи́в присту́пна, Ро́ждшаго, тва́ри.

И ны́не и при́сно и во ве́ки веко́в, ами́нь.

Тропа́рь: Л ю́дие ви́деша, дре́вле омраче́ннии, по днех свет вы́шния све́тлости,/ язы́ки же Бо́гу насле́дие Сын прино́сит,/ подая́ та́мо неизрече́нную благода́ть,// иде́же мно́жайший процвете́ грех.

Катава́сия:

Хор: Бог сый ми́ра, Оте́ц щедро́т,/ Вели́каго Сове́та Твоего́ А́нгела,/ мир подава́юща, посла́л еси́ нам:/ тем, Богоразу́мия к све́ту наста́вльшеся,/ от но́щи у́тренююще,// славосло́вим Тя, Человеколю́бче.

Песнь 6:

Кано́н воскре́сный, глас 7:

Хор:

Ирмо́с: Пла́вающаго в молве́/ жите́йских попече́ний,/ с корабле́м потопля́ема грехи́,/ и душетле́нному зве́рю примета́ема,/ я́ко Ио́на, Христе́, вопию́ Ти:// из смертоно́сныя глубины́ возведи́ мя.

Чтец:

Дата добавления: 2015-10-02