|
Читайте также: |
Владыко Господи Иисусе Христе Боже наш, Безначального Отца Соприсносущный Слове и Сыне и Святому Духу Содетельный и Собезначальный, Иже за безмерную милость человеколюбия вселивыйся в Пречистую и Пренепорочную Деву, и из Нея, не претерпев изменения, родивыйся плотию в Вифлееме Иудейстем, и возродивый и возсоздавый естество наше от древния клятвы. Ты, Господи, Иже от колена Иудова возсиявыи, яко звезда от Иакова, не оставль недра Отча, и еже по плоти Твоим Рождеством призвавый от Персиды волхвы в поклонение Тебе, иже необычною и светлою звездою путешествовавше, приидоша в Вифлеем, и, отверзше сокровища своя, принесоша Тебе Дары многочестныя: злато, ливан и смирну, Твою Славу и Божество проявляющия. Како воспоем, Господи, несравненное человеколюбие Твое? Яко сия многоценныя и священнейшия Дары, освященныя осязаньми и прикосновеньми Пречистых Твоих рук, оставил еси нам яко сокровище богодарованное освящающия Твоея благодати, и утешение скорбящим, и исцеление душам и телесем, небесное испущающия благоухание, Владыко, веселящее и услаждающее сердца наша. Всяк бо приступали и покланяяйся им благоговейне исполняется веселия и обретает Божественныя Твоея милости тайная и неисповедимая подаяния, воспевая Твое неизреченное по плоти Рождество, Человеколюбие Господи.
Сия предложенная и верно покланяемая возводят души наша к совершенней любви Твоей, Спасе, очищают ум наш и возжигают в сердцах наших блаженный и животворящий огнь, егоже пришел еси воврещи на землю, Владыко Всещедре. Даждь убо нам, Господи, сим Даром поклонением и сущим в них богатным подаянием благодати Твоея силу на страсти, крепость душевную, здравие телесное, Божественную ревность к вящшей духовней жизни, любовь нелицемерну, покаяние чистое и всякое благое дарование ко спасению вечному.
Сохрани же и покрый и град сей, приемший сия яко многоценное сокровище, и небесное богатство, и святыню умную и Божественную.
Ты бо еси Спас и Упование наше, Иже волею младенствовавый, и в вертепе рождейся, и предлежащия Дары: злато, ливан и смирну приемый от волхвов, восточных царей, и Тебе славу, и благодарение, и поклонение возсылаем, со Безначальным Твоим Отцем и Пресвятым, и Благим, и Животворящим Твоим Духом, ныне, и присно, и во веки веков. Аминь.
по материалам брошюры “Афонский монастырь святого Павла и его святыни”, Москва, 2014
Рождество Христово было так…
(Евангелие от Матфея 1 глава 18 стих –
Дата добавления: 2015-09-01; просмотров: 39 | Нарушение авторских прав
| <== предыдущая страница | | | следующая страница ==> |
| Святая гора | | | Глава 23 стих) |