Смерть.

Возведенна на престол, посажденна вама,

Царствовах и царствую даже от Адама:

Той во мир воведе, и есм мира пани,

Вся конца в област мнЂ през него дани.

МнЂ то Азия служит, Европа голдует,

Америка, Африка всегда услугует,

Всходом, югом, заходом, полнощію владЂю,

Царствия, княженія в сей длани имЂю...

...Крипкие разораю твердини и гради,

Трепещут мя мужіе старии и млади;

Младенцев яко шипков коса посЂкает,

А як травно билие старих подтинает;

Гди такие плевели терном исторгаю,

П пшеницу оную през искореняю,

Связавши в смертние потреблю гроби,

Аки в дебр огненую. НЂсть таковий, кто би

Того мнЂ забронил смертелного жнива,

НЂким, точию мною, свЂта зжнется нива;

Ни един человЂк моей не избЂгл власти

В пути бЂгством,— отнюд мусит мною пасти.

Скора есмь, би во концех свЂта постигнути,

Котрий би моей власти хотЂл избЂгнути;

Немаш мЂстца такого на земли и в мору,

Еже би без моего стояло дозору;

Страни вся предо мною сердцем одолЂвают,

Ни от кого тих ся сил юж не сподЂвают.

Сим страхом и НатурЂ будет сердце тлЂти,

Поки буду на вЂки землею владЂти;

Ибо Людска Натура приде в мои руки,

Аще и Мойсеом ест от египетской муки

Избавлена: владЂю и керую ею,

Господствую, як пани рабою своею.

Пиха.

Пануй, царице, на вЂк! Моя ти ест сила:

Смиряй чловЂку Натуру дозЂла...

[Тут рукопис уривається].

Дата добавления: 2015-09-05