Злость.

Что аз? От кого прийдох, кое ми ест дЂло?

Лютим всЂх злостей огнем гору, киплю зЂло.

Свою же да угашу чужим плачем жажду,

Вибухаю на землю злохитрую вражду.

...Сердце Люциферово, оно мнЂ обител,

Которого низверг во ад наднебесний жител.

З сердца Люциферова аз тогда смотрила,

Когда вЂнча Натуру Людску божа Сила.

Ай! достойна ли бист она вЂнца пренебесна?

О вещ, паче всЂх вещей разуму чудесна!

Люцифер мой сожител, приятел сердечни

Всего дЂла моего хранител безпечни,

Дух чист и созданіе красно, велелЂпо,—

Ему бит цару райску не било би лЂпо?

Натура ЧеловЂчска ест ли лЂпотнЂйша?

И паче Люцифера еда ли честнЂйша?

Злуплю, здеру вЂнец царск з Людской Натури,

Не удержат райские, не сохранят мури;

Низрину со престола того трупа гнила:

КрЂпкая моя крЂпка злосливая сила;

Сокруши еи главизну от сими руками,

Паперу, убю в землю моими ногами,

Разору, распровергу райское господство,

А ю самую отдам в пекелное родство.

Маю я добрий способ, як ю уловити

И якіе на ню закинути сЂти:

СЂт моя — мудра Прелест, любима другиня,

Пекелних смопийцов роскошна богиня.

Та прелстит ю, что вкусит завЂщанна древа,

И тако ю до царска запровадит чрева.

Прелест, Прелест, Прелести! Стан пред очима!

Прелест.

Се послушлива стою, Злости, пред твоима.

Дата добавления: 2015-09-05