Взыщи нас погибающих, Пресвятая Дево, не по грехом бо нашим наказуеши нас, но по человеколюбию милуеши: избави нас от ада, болезни и нужды и спаси нас.
Ин тропарь, глас 7
Радуйся, Благодатная Богородице Дево,/ во объятиях Своих Превечнаго Младенца и Бога носившая./ Проси Его дати миру умирение/ и душам нашим спасение./ Сын бо Тебе, Богомати, вещает,/ яко вся прошения Твоя во благое исполнит./ Сего ради и мы, припадающе, молим Тя/ и надеющиеся на Тя да не погибнем,/ имя Твое именуем:/ Ты бо еси Владычице/ Взыскание погибших.
Кондак, глас 6
Предстательство христиан непостыдное, ходатайство ко Творцу непреложное, не презри грешных молений гласы, не предвари, яко Благая, на помощь нас, верно зовущих Ти ускори на молитву и потщися на умоление, предстательствующи присно, Богородице, чтущих Тя.
Ин кондак, глас 8
Взбранной Воеводе победительная, яко избавльшеся от злых, благодарственная восписуем Ти раби Твои, Богородице, но яко имущая державу непобедимую, от всяких нас бед свободи, да зовем Ти: радуйся, Невесто Неневестная.
Величание
Величаем Тя, Пресвятая Дево, Богоизбранная Отроковице, и чтим образ Твой святый, имже точиши исцеления всем с верою притекающим.
Использованные материалы
· http://old.pravoslavie.by/sootc.asp?id=8871&Session=100
Редакция текста от: 21.02.2014 07:19:06
Дата добавления: 2015-08-17; просмотров: 41 | Нарушение авторских прав
| <== предыдущая страница | | | следующая страница ==> |
| Вторая московская святыня | | | Вселенский славянский Миръ-Мыръ, как он есть |