|
Читайте также: |
1. Күп нокталар урынына тиешле хәрефләрне куегыз.
К...т...пх...н...ч...
а) и, а, ә, ә, ә; б) и, а, а, ә, е; в) и, ә, ә, ә, е.
2. Кайсы сүздә аваз саны белән хәреф саны туры килми?
а) ашъяулык; б) ашамлык; в) юл.
3.Синонимнар рәтен дәвам итегез.
Матур, гүзәл,...
а) уңган; б) чибәр; в) акыллы.
4.Кайсы антоним пар дөрес түгел?
а) сирәк – еш; б) югары – түбән; в) җылы – эссе.
5.Фразеологизмның русча вариантын дөрес күрсәтегез.
Эш баштан ашкан
а) потерять дар речи; б) дел по горло; в) жить своим умом.
6. Сүз ясагыч кушымчаларны күрсәтегез.
а) -ды/-де, -ты/-те; б) -ган/-гән, -кан/-кән; в) -лы/-ле, -сыз/-сез
7. Сүзнең ясалыш төрен билгеләгез.
Җир җиләге
а) ясалма сүз; б) кушма сүз; в) тезмә сүз.
8.Кайсы сүз артык?
а) хәбәрче; б) эшче; в) укучы.
9. Күп нокталар урынына тиешле кушымчаларны куегыз.
Татарстан Республикасы Европа... көнчыгышын... Идел белән Кама... кушылган җире... урнашкан.
а) -ны, -ның, -да, -нда; б) -ның, -нда, -ның, -ндә; в) -ның, -да, -ның, -нә.
10.Кайсы сүзнең тәрҗемәсе дөрес түгел?
а) мәгълүмат – информация;
б) рәис – председатель;
в) мәдәният – экономика.
11.Дөрес җавапны табыгыз.
Дәреслекләрегездә
а) I – затта, күплек санда, юнәлеш килешендә;
б) II– затта, күплек санда; урын-вакыт килешендә;
в) III– затта, күплек санда, төшем килешендә.
12.Сыйфатның дәрәҗәсен билгеләгез.
Авылдан ерак түгел бер түгәрәк күл бар.
а) гади дәрәҗә; б) артыклык дәрәҗәсе; в) чагыштыру дәрәҗәсе.
13.Дөрес тәрҗемәне табыгыз.
Научный руководитель
а) эшлекле җитәкче; б) фәнни җитәкче; в) белемле җитәкче.
14.Сүз төркемнәрен дөрес билгеләгез.
Мин, китаплар җыеп, шәхси библиотека оештырдым.
а) исем, исем, фигыль, рәвеш, исем,, фигыль;
б) алмашлык, исем, фигыль, сыйфат, исем, фигыль;
в) алмашлык, исем, фигыль, рәвеш, исем, фигыль.
15. Җөмләнең төрен билгеләгез.
Майның соңгы атнасы якынлаша, ә көннәр салкын әле.
а) гади җөмлә; б) тезмә кушма җөмлә; в) иярченле кушма җөмлә.
16.Тезмә кушма җөмләдә нинди теркәгеч кулланылган?
Мин иртәгә стадионга барам, яки без дуслар белән дискотекага китәбез.
а) бүлүче теркәгеч; б) җыючы теркәгеч; в) каршы куючы теркәгеч.
17.Тыныш билгесен дөрес куегыз һәм схемага туры килгән җөмләне билгеләгез.
[ ], һәм [ ].
а)Мәктәпне матур итеп буяганнар һәм бизәгәннәр.
б)Без сыйныфташларыбыз белән тату яшибез һәм бер-беребезгә ярдәм итәбез.
в)Көз җитте һәм салкын яңгырлар ява башлады.
18.Җөмләнең ахырын табыгыз.
Ишек ачылуга...
а) барысы да бастылар; б) улым чәй әзерләде; в) мин урамда идем.
19.Дөрес тәрҗемәне табыгыз.
Әгәр сез походка барсагыз, без дә сезнең белән барыр идек.
а) Если вы пойдете в поход, мы тоже пошли бы с вами.
б) Когда вы пойдете в поход, мы тоже пойдем с вами.
в) Вы пойдете в поход, мы тоже пойдем с вами.
20.Бу өзектә ничә кушма җөмлә бар?
Җир – гүзәл планета, ләкин аның матурлыгына бүген куркыныч яный. Кешеләр океан, урман, елга-күлләр байлыгын юк итәләр. Алар табигатьне пычраталар. Заводлар да һавага агулы газлар чыгаралар, ә бу җирне нык җылыта. Артык җылылык җир өчен бик куркыныч.
а) бер; б) ике; в) өч.
21.Кайсы җөмлә схемага туры килә?
“Т, – а, – т”.
а) “Синең чишмә тавышын тыңлаганың бармы?” – диде ул. (Г.Бәширов)
б) “Мул уңыш ул, – диде бригадир, – тырыш хезмәт нәтиҗәсе”. (М.Әмир)
в) “Җиңгәчәй, минем дә печәнгә барасым килә,”– диде Клара. (Ә. Еники)
22. Җөмләнең схемасын дөрес билгеләгез.
Командир: “Бронепоезддан чыгарга һәм юлны төзәтергә!” – дигән приказны бирде. (М.Юныс)
а) А: “Т!”
б) А: “Т!” – а.
в) “Т! – а, – т”.
23. Текстны дөрес төзегез.
1) Борынгы заманнарда ук аны тән температурасын төшерү өчен кулланганнар. 2) Кура җиләге – шифалы гаҗәеп үсемлек ул. 3) Тиздән кура җиләге өлгерер. 4) Июль. 5) Кура җиләгендә кеше организмы өчен файдалы С витамины күп. 6) Кура җиләгеннән варенье, төрле эчемлекләр ясарга мөмкин.
а) 3, 2, 1, 4, 6, 5;
б) 4, 3, 2, 1, 6, 5;
в) 2, 4, 1, 5, 3, 6.
Дата добавления: 2015-08-20; просмотров: 115 | Нарушение авторских прав
| <== предыдущая страница | | | следующая страница ==> |
| Морфология. Синтаксис. | | | Татар терминологиясенең тарихы |