Клуб православной семьи: http://vk.com/club43902602

Кондак 1
Во образ Святыя Троицы купно со Иоакимом и Анною явилася еси, Богородице, сиянием Лика Твоего в Кресте, светом Божественным блистающася. Отонудуже непрестанно подаеши богатыя милости поклоняющимся Честному Кресту и с любовию взирающим на Образ Твой Святый, темже вопием Ти:
Радуйся, в Кресте образом Явившаяся, и уповающих на Тя не оставляющая.
Икос 1
Ликуй земле Пинская! радуйтеся и веселитеся православнии людие! се бо является Чудная Икона Богоматере, светом неизреченным сияющи, яже и в явлении отроковицу Анну удиви, и прочее лучами милости Своея озаряти люди Купятицстии избра. Темже, людие, приидите прославим Владычицу и Богородицу, глаголюще:
Радуйся, Ангелов Царице;
Радуйся, всего мира Владычице.
Радуйся, на Небеси присно славимая;
Радуйся, и на земли величаемая.
Радуйся, благодать Твою Иконе сей даровавшая;
Радуйся, на спасение людей тую поставившая.
Радуйся, благости Божия скорая Подательнице;
Радуйся, молений наших Усердная Послушнице.
Радуйся, в Кресте образом Явившаяся, и уповающих на Тя не оставляющая.
Кондак 2
Видевши Волю Твою, Пресвятая Дево, и многая чудесы от иконы Твоея, вернии людие Купятицстии воздвигоша церковь Честному Кресту; сице и мы с любовию покланяемся Пречистаго Лика Твоего изображению, зовуще Сыну Твоему Христу Богу: Аллилуиа.
Икос 2
Церкви воздвигшейся, вси людие Купятицстии видеша велие чудо: яко явися милость Твоя со слепым, молящим Тебе, Богородице, послати здравие и силу. Сего убо исцеливши, Владычице, не отрини и нас глаголющих Ти:
Радуйся, икону Твою чудесы украсившая;
Радуйся, немощнаго слепотнаго исцелившая.
Радуйся, моления наши не отвергающая;
Радуйся, надежды благия приемлющая.
Радуйся, матерния щедроты Твоя на нас изливающая;
Радуйся, образом Твоим в Кресте нам благодеющая.
Радуйся, о нас грешных к Сыну Твоему Ходатаице;
Радуйся, от всяких бед и искушений Избавительнице.
Радуйся, в Кресте образом Явившаяся, и уповающих на Тя не оставляющая.

Кондак 3
Чудотворная Твоя икона, Богородице Дева, источник бе неоскудевающь утешений страждущим от нашествия татарскаго, земли Пинския разорившаго, Сама убо, Всемилостивая, благоволила еси возстати весем и градом от разрушения, да видяще явленную Тобою милость, со умилением вопием Богу: Аллилуиа.
Икос 3
О Мати Благая, Богородице Дево, Источниче душевных утешений, в час тяжких испытаний ограждаеши яко Мати чада Твоя честным Твоим омофором от всяких бед и напастей. Темже и мы, благодаряще за милости Твоя к людем, вопием Ти:
Радуйся, Жизнь Вечную мирови явльшая;
Радуйся, главы змиевой Сокрушителя рождшая.
Радуйся, плененным Забрало;
Радуйся, всем человеком Надеждо.
Радуйся, угнетенным Заступнице;
Радуйся, о сирых пред Богом Молитвеннице.
Радуйся, ко Отцу Небесному приводящая;
Радуйся, матернию любовь всем простирающая.
Радуйся, в Кресте образом Явившаяся, и уповающих на Тя не оставляющая.
Кондак 4
Бурю смущений и скорбей по нашествии татар утолити хотяще, благовернии людие взываху к Богу: «Яви нам Твой дар, егоже человеколюбне Купятицем послал еси нескрываемое сокровище!» Мы же душевную печаль нашу в радость претворити надеющеся, Матерь Его молим: «Отри слезы и утиши рыдания» и, улучивше желаемое, вопием Ему: Аллилуиа.
Икос 4
Положи Господь в сердце паломнику Иоакиму посетити обители Пинския, и егда идяше близ веси Купятицкия, узре свет велий и Честный Крест со образом Богоматере на месте церкве, татары сожженыя. И абие преклонь колена, прослави Бога и Пресвятую Матерь Его, глаголя:
Радуйся, сподобившая мя видети образ Твой Святый;
Радуйся, светом Божественым украсившая его.
Радуйся, мене недостойнаго явления Твоего удостоившая;
Радуйся, волею Сына Твоего на место сие приведшая.
Радуйся, светильник веры Православныя паки возжегшая;
Радуйся, удела Твоего никакоже оставившая.
Радуйся, слезы и скорби в радость претворившая;
Радуйся, источник милостей Божиих открывшая.
Радуйся, в Кресте образом Явившаяся, и уповающих на Тя не оставляющая.
Кондак 5
Великую милость показа Господь по скорбех многих паки явлением Купятицкаго образа Матере Своея в Кресте, скорбящия радостию осиявающаго, заблудшия же на путь делания заповедей Сына Своего наставляющаго. Мы же, православно сию чтуще, вопием Богу: Аллилуиа.

Икос 5
Исходяй Иоаким путем своим и плаваяй по реце Ясельде, в воду низпаде и, чудне спасен быв, возратися в Купятицы, идеже спящу ему предста Пречистая Дева и рече: «Неотступно бех Аз с тобою в путех твоих, молящи Сына и Бога Моего хранити тя от всяких бед. Ныне убо повелеваю ти послужити Мне на месте сем». Пребысть же Иоаким при возставленней церкви, волю Владычицы исполняя, да со всеми вопиет Ей:
Радуйся, лучами Солнца Правды верных осиявшая;
Радуйся, явлением иконы Твоея вся озарившая.
Радуйся, Спасительнице людей во гресех утопающих;
Радуйся, из пучины греховныя на брег Истины износящая.
Радуйся, в мори житейстем Путеводительнице;
Радуйся, на служении Богу Наставительнице.
Радуйся, укрепление благочестия и веры Православныя;
Радуйся, даре несокрушимаго в скорбех терпения.
Радуйся, в Кресте образом Явившаяся, и уповающих на Тя не оставляющая.
Кондак 6
Многими чудесы прослави Господь церковь Купятицкую Твоею иконою, Богородице. Всем бо предстательствуеши, Благая, прибегающим с верою в священный Твой покров. Инаго убо не имуще грешнии в бедах и скорбех приснаго избавления, обременнии грехми многими, разве Тебе, Мати Бога Вышняго, вопием Ему: Аллилуиа.

Икос 6
Княжна некая умирающи, заповеда чадом своим погребсти ю в церкви Купятицстей пред Чудотворною иконою. Явившися же Пресвятая Иоакиму, повеле ему: «Иди, праведниче, и рцы Волю Мою священнику, да не попустит погребати в церкви княжну ту». Преслушану же бывше повелению, извергошася останки ея от гроба. Тем убо помози нам, Благая, творити Волю Твою, вопиющим Ти сице:
Радуйся, гордых вразумление;
Радуйся, смиренных благословение.
Радуйся, молние, души просвещающая;
Радуйся, громе, соблазняющияся устрашаяй.
Радуйся, окаменение сердечное умягчающая;
Радуйся, хладность душевную благодатию согревающая.
Радуйся, на стези спасения верных наставляющая;
Радуйся, претыкающихся от путей погибельных устраняющая.
Радуйся, в Кресте образом Явившаяся, и уповающих на Тя не оставляющая.
Кондак 7
Хотящи всем показати велию любовь Твою к людем православным, Богородице, предрекла еси Иоакиму святыя обители Купятицкия создание, яко да возмогут вси страстьми обореваемии обрести под покровом Чудотворнаго Образа Твоего тихое пристанище ко спасению, и Тобою вспомоществуеми сподобятся наследия Небеснаго и пения со Святыми ко Пресвятей Троице: Аллилуиа.
Икос 7
В чуднем явлении Иоакиму яви Пресвятая хотение Свое: «Зане преслушаша Волю Мою о княжне, отныне вземлется на лет сто милость Моя и чудеса от церкве сия. Обаче приидет время, и послю иныя делатели в виноградник Мой, иже непорочным житием, послушанием, постом и молитвою паки испросят церкви Купятицстей милость исцеления». В нейже благоговейно чтуще Лика Твоего в Кресте изображение, вси Тебе вопием:
Радуйся, праведником Волю Твою открывшая;
Радуйся, за грехи наши милостию нам воздавшая.
Радуйся, Всемилостивая Мати наша, нас не забывающая;
Радуйся, верным скорая Надеждо, всякия скорби избавляющая.
Радуйся, непослушныя в послушание приведшая;
Радуйся, согрешившия вечныя муки изменившая.
Радуйся, Заступнице и Утешение христиан;
Радуйся, Прибежище всех чтущих Тя.
Радуйся, в Кресте образом Явившаяся, и уповающих на Тя не оставляющая.

Кондак 8
Новая обитель православная, яко светильник в купинах Пинских созидается и сиянием Чудотворныя Купятицкия иконы Богоматере украшается, темже и твердыня и прибежище угнетенным от латин людем православным бывает, да познают вси, яко с нами Бог, Ему же поем: Аллилуиа.

Икос 8
Се вложи Господь в сердце благочестивыя Аполлонии мысль купити весь Купятицкую и воздвигнути монастырь при церкви Введения Пречистыя во храм, идеже посылаются великия милости Господа Бога Честным Крестом со образом Царицы Небесныя. И притекоша мнози иноцы в вертоград Пречистыя, яко да трудом, постом, нестяжанием и молитвами прославляют Владычицу, поя Ей таковая:
Радуйся, многих иноков призвавшая;
Радуйся, их подвигами всех удивившая.
Радуйся, дар милости исцеления возвратившая;
Радуйся, Православную Веру укрепившая.
Радуйся, Ангелов Радосте и человеков Славо;
Радуйся, верных Надеждо и обуреваемых Пристанище.
Радуйся, греховныя помыслы всемощно отгоняющая;
Радуйся, братолюбием темную злобу побеждати повелевающая.
Радуйся, в Кресте образом Явившаяся, и уповающих на Тя не оставляющая.

Кондак 9
Спасти хотящи многия люди от обдержащих их скорбей и болезней и веру Православную утвердити, всесильное заступление Твое, Владычице, во многих градех и весех на западе Руси явила еси и силу чудотворения образу Святаго Лика Твоего в Кресте даровала еси, да вси, видяще милость Твою, вопиют со умилением Богу: Аллилуиа.
Икос 9
Новый источник чудес в землех Западныя Руси явися икона Твоя Купятицкая, Владычице, точащи исцеления всем с верою притекающим: слепии бо прозирают, немии благоглаголиви бывают, глусии слышат, разслаблении возстают, различными недуги и одержимии здрави бывают, беснии демонов свобождаются. Темже славяще Тя, вопием:
Радуйся, в день нарочитый в Купятицех язву укротившая;
Радуйся, от смертоносныя проказы Фому исцелившая.
Радуйся, церковь Твою чудно осветившая;
Радуйся, Ангельское пение в ней благословившая.
Радуйся, едину Марину милостивно возвратившая;
Радуйся, другую Марину от беса свободившая.
Радуйся, от Тимофея недуг отвратившая;
Радуйся, благодарити Бога всех научившая.
Радуйся, в Кресте образом Явившаяся, и уповающих на Тя не оставляющая.

Кондак 10
Молитвами Пречистыя Богоматере ко Святей Троице явися обитель Купятицкая столп Веры Православныя, яко щитом чудотворною Твоею иконою, Владычице, от гордых латин ограждающи, многия иноки на одоление лютых напастей еретических наставила еси. Да видяще являемую Тобою милость, вопиют вси со умилением Богу: Аллилуиа.

Икос 10
Видящи Богомати токи слез и воздыхания людей Русских, от Польских князей притесненных, и осмеяние святынь православных, явилася еси Афанасию, иноку Купятицкия обители, иже со слезами моля Тя о помощи и заступлении. Ты же, Владычице, рекла еси ему: «Иди во град Москву, и тамо будет ти защита и поможение». Удивися же Афанасий и возопи: «О Пречистая Богородице, буди со мною!» Ты же: «Иди, и Аз с тобою буду». Темже и мы благодарне вопием Ти:
Радуйся, Афанасия от людей Пинских в Москву пославшая;
Радуйся, неотступно его со диаконом Неемиею провождавшая.
Радуйся, иноков от притеснения избавившая;
Радуйся, явлением Креста Купятицкаго путь указавшая.
Радуйся, силою от иконы Твоея отрока исцелившая;
Радуйся, Наставнице и Споспешнице иноков верных.
Радуйся, Москву Твоим образом в Кресте осенившая;
Радуйся, люди Русския на защиту братий благословившая.
Радуйся, в Кресте образом Явившаяся, и уповающих на Тя не оставляющая.

Кондак 11
Богородице, христианом Ты еси милостивая Услышательница, от конец земли возносящим молитвенныя гласы: немощныя бо укрепляеши, печальныя утешаеши, страждущия посещаеши, гонимыя укрепляеши, верным дерзновение подаваеши; всех притекающих под сень Креста со образом Твоим ко спасению приводиши, и следуют Искупителю Богу, вопиюще песнь: Аллилуиа.

Икос 11
Столп огненный, Владычице, игумена обители Брестския Афанасия явила еси, укрепляюще его на защищение Православия от безумнаго прельщения латинскаго, иже и лютыя мучения за веру Православную претерпев, кровию своею землю веси Гершонския обагри. Сего ради не умолкают молитвенныя воздыхания зовущих Ти:
Радуйся, многия иноки в горниле подвигов возрастившая;
Радуйся, игумена Афанасия в час мучения укрепившая.
Радуйся, мученика сего венцем славы украсившая;
Радуйся, в Каневе мученика Макария прославившая.
Радуйся, Богородице, всех верных твердое упование;
Радуйся, Пресвятая, от напастей избавление.
Радуйся, к Сыну Твоему и Богу нашему молитвы верных возносящая;
Радуйся, о всем роде христианстем ходатайствующая.
Радуйся, в Кресте образом Явившаяся, и уповающих на Тя не оставляющая.

Кондак 12
Благодать Твою не отыми от нас, милости Источниче, якоже во дни тяжких испытаний от лютых агарян и гордых латинян услышала еси стенание и вопль православных людей Западныя Руси и благословила еси верных делателей виноградника Твоего Афанасия и Макария на защиту веры Православныя, под омофор Твой воедино землю Русскую совокупившая. Да избавленнии Тобою, воспоим Богу: Аллилуиа.

Икос 12
Видяще великия милости Твоя от лет древних и доныне не оскудевающия, хвалим Тя, Пречистая, яко непрестанную Молитвенницу и Заступницу пред Сыном Твоим и Богом, и Матернюю любовь Твою к право Тя чтущим знающе, со умилением взираем на святый образ Твой в Кресте Купятицкий, и вопием Ти:
Радуйся, в огнезрачнем свете в Купятицех явленная;
Радуйся, многими чудесы прославленная.
Радуйся, люди Русския возлюбившая;
Радуйся, веру Истинную в них сохранившая.
Радуйся, церковь Купятицкую и ныне благоукрасившая;
Радуйся, всю Церковь Российскую доныне соблюдшая.
Радуйся, неоскудно и ныне милости Твоя низпосылающая;
Радуйся, всех к Тебе прибегающих с любовию приемлющая.
Радуйся, в Кресте образом Явившаяся, и уповающих на Тя не оставляющая.

Кондак 13
О Всепетая Мати, в Купятицех святою иконою Твоею пребывающая, приими милостивно сие малое моление наше, еже усердно принесохом Ти с верою и любовию, и умоли приснопоклоняемую Троицу помиловати страну нашу, святую же Церковь Православную в единстве сохранити, и от всяких бед рабы Твоя избавити, о Тебе вопиющия: Аллилуиа.

(Этот кондак читается трижды, затем икос 1 и кондак 1)

Молитва
О Преблагословенная Владычице, всемощная Заступнице, непостыдное наше Упование! Приими хвалебное и благодарственное пение нас, недостойных раб Твоих, и вознеси молитвы наша ко Престолу Сына и Бога Твоего, да милостив будет неправдам нашим, пробавит благость Свою чтущим Всечестное Имя Твое и с верою и любовию поклоняющимся чудотворному образу Твоему. Сохрани землю нашу от всякия беды, посли мир людем на земли, собери вся христианы во едино стадо право славящих Бога в Троице Единаго. Утверди нас всех в Вере Христове и в усердии к Церкве Православней. Вложи в сердца наша дух страха Божия, благочестия и смирения. В напастех терпение нам подаждь, во благоденствии воздержание, к ближним любовь, ко врагам всепрощение, в добрых делех преуспеяние. Избави нас от всякаго искушения и от окамененнаго нечувствия. В страшный день Суда сподоби нас ходатайством Твоим стати одесную Сына Твоего Христа Бога нашего. Емуже подобает всякая слава, честь и поклонение со Отцем и Святым Духом, ныне и присно и во веки веков. Аминь.

Тропарь
Днесь радостно празднуем память явления чудотворнаго образа Твоего в Кресте, Владычице, иже щит явися Веры Православныя, укрепляяй и спасаяй во дни тяжких испытаний с верою притекающих к Тебе. Сице прилежно молимся: Буди всегда наша Заступница.
Кондак
Многими чудесы прослави Господь церковь Купятицкую Твоею иконою, Богородице: всем бо предстательствуеши, Благая, прибегающим с верою в Священный Твой Покров. Инаго убо неимуще грешнии в бедах и скорбех приснаго избавления, обремененнии грехми многими, разве Тебе, Мати Бога Вышняго, вопием Ему.

КУПЯТИЦКАЯ ИКОНА БОЖИЕЙ МАТЕРИ
Явление этого образа последовало в 1182 году при следующих обстоятельствах, В Пинском уезде Минской губернии, в селе Купятич, девица Анна, пася стадо овец своего отца Василия, увидела однажды в лесу между деревьями яркий свет. Подойдя ближе, она заметила на дереве небольшой крест с изображением на нем иконы Богоматери. Девица сняла его и с великой радостью отнесла в дом родителей. Здесь она спрятала его и возвратилась снова к своему стаду. Через некоторое время она вторично увидела на том же месте сияние, и, думая, что находит уже второй крест, сняла его и повесила на свою грудь. Когда вечером Анна пригнала стадо домой, она хотела показать отцу бывший у нее на шее крест, но не нашла его здесь. Сказав своему отцу, что у нее есть другой такой же крест, она пошла искать его, но не нашла. Тогда вместе с отцом она отправилась в лес, где они обрели крест на прежнем месте. Святыня была принесена домой. На другой день, когда благочестивое семейство хотело помолиться перед крестом, его снова не оказалось в доме. Пораженный этими событиями крестьянин рассказал о них своим односельчанам, и когда все пошли к указанному месту, то снова нашли крест на том же дереве. Чудо это возбудило у всех поселян благоговение, и они на месте явления креста построили храм во имя Пресвятой Богородицы, в котором и поставлена была явленная икона. С этого времени благодать Божия прославила образ различными чудотворениями.
Через несколько лет храм был сожжен татарами. Образ пропал бесследно, и место, на котором стояла церковь, совершенно запустело. Но Божественное изволение снова открыло людям драгоценную святыню.
Однажды путник Иоаким проходил мимо сгоревшего храма. Внезапно его озарил необычайный свет, исходивший, как ему показалось, из земли. Он приблизился к дивному явлению и увидел, что на земле лежит крест с изображением на нем Богоматери. Не дерзая коснуться святыни, Иоаким известил о виденном им жителей села Купятич. Они же, увидев крест, узнали в нем ту святыню, которой они лишились было и с благоговением отнесли ее в свою приходскую церковь. В следующую же ночь Иаким удостоился видения Богоматери, повелевшей ему неотлучно пребывать при храме. Отложив свое путешествие, он внял голосу Владычицы и остался при церкви пономарем.
В 1629 году при Купятицкой церкви возник монастырь, названный по имени селения Купятицким. В этой обители образ находился до половины XVII столетия, когда в западной части России водворились сначала бенедиктинские, а затем и униатские монахи, завладевшие Купятицким монастырем. Благоговейные почитатели чудотворного образа отнесли его в Киевский Софийский собор. Здесь честная икона находится и доныне в иконостасе южного придела во имя св. апостола Андрея Первозванного.
Одна княгиня без согласия священника погребена была в храме перед образом Богородицы. Но еще ранее пономарь Иоаким получил откровение о том, чтобы тело княгини в церкви не полагалось. Эту волю Богоматери он объявил и священнику. На другой день ничего не ведавший о погребении иерей, придя в церковь, нашел ее тело изверженным из земли. Не желая сделать это дело гласным, священник похоронил останки княгини на том же месте, но ночью же предстала в видении Богоматерь и грозно сказала ему:
— Зачем вы не исполнили Моего повеления? Если будете еще противиться и не вынесете тело, Я отниму от вас церковь сию и поселю здесь иноков.
После этого тело было вынесено из храма и предано погребению на общем кладбище.
Однажды вознамерился некий святотатец обокрасть Купятицкую церковь. Зная, что ночью пономарь пойдет в храм, он спрятался у дверей и стал его поджидать. Пономарь пришел и, не подозревая ничего, начал отпирать церковные двери. Вор замахнулся на него топором, но дерзновенные его руки окоченели, и он не мог двинуться с места. Пономарь, не заметив всего этого, вошел в храм, взял нужное и возвратился в свою келью. Вор же, стоя с поднятыми вверх руками, пришел в неописуемый ужас и со слезами обратился к Богоматери о помиловании, обещая исправиться и оставить навсегда свое дурное дело. Во время молитвы перед несчастным преступником предстала Пресвятая Богоматерь и, обличив его в злодеянии, даровала ему исцеление под условием исправления жизни. Злодей на некоторое время образумился, но прошло три года, и он снова уличен был в краже церковных вещей в селе Молодове и осужден на казнь. На пути к месту казни он поведал всем о бывшем с ним чуде в Купятицкой церкви.
Инок Купятицкой обители Вениамин, желая узнать, на каком дереве написана чудотворная Купятицкая икона, стал резать образ ножом. За этот свой поступок он был наказан. Через некоторое время сопровождавший его в дороге слуга напал на инока и изранил его ножом. И инок усмотрел в этом кару Божию за свое дерзкое любопытство.
Во время украшения Купятицкого храма перед праздником Благовещения упал с подмостков один из работников и ударился лбом об острие гвоздя. Рана была настолько велика и болезненна, что несчастный целые сутки лежал без чувств. Иноки прибегли с молитвой к Богородице, прося Ее об исцелении болящего. И свершилось дивное чудо милости Богоматери: больной пришел в чувство, и его глубокая рана закрылась.
Пинский судья Маскевич лежал разбитый параличом. Когда перед Купятицкой иконой по его усердию отслужено было молебствие, он встал с одра совершенно здоровым.
Некий Павел Война в своем дерзком богохульстве стал шутить над чудотворной Купятицкой иконой, и гнев Божий поразил его за кощунство: он здесь же впал в тяжкий недуг, скоро сведший его в могилу.
В 1629 году, в ночь под праздник Введения во храм Богоматери, в Купятицкой церкви совершилось чудесное явление: невидимой силой перед чудотворной иконой зажглась свеча.
В 1632 году один благочестивый житель Купятицкого села сподобился слышать в церкви ангельское пение: «Слава в вышних Богу».
Игумен Брестского Самсоновского монастыря прп. Афанасий Филиппович, потерпевший гонение и приявший мученический венец от католиков 20 июля 1648 года, прислал копию с Купятицкой иконы в дар царю Михаилу Феодоровичу.
По виду своему Купятицкая икона представляет небольшой медный крест в 2 3/4 вершка длиной и столько же шириной. На одной стороне креста находится изображение Богоматери с Предвечным Младенцем, а на другой — Распятие.

Дата добавления: 2015-08-17