Младенцы – мученики за Христа

Мы удивляемся терпению святых мучеников и мучениц, мы прославляем их подвиги, их страдания за Христа. Не мужи только, но и юноши, и девы, и благочестивые жены с радостью шли на смерть за имя Христово, за святую веру в Него, и умирали, ликуя духом и славословя Господа, в Троице славимого и покланяемого. Но, что особенно достойно удивления, в светлом лике страдальцев за Христа мы видим и младенцев, небоязненно исповедавших пред мучителями свою святую веру в Господа Иисуса и положивших свои невинные души за Него: воистину, «из уст младенец и ссущих совершил ecu хвалу» имени Твоему, Господи!

Предлагаем несколько трогательных рассказов (из Четии Минеи) о дивном терпении сих малых возрастом, но великих духом мучеников Христовых. Взирая на их младенческое мужество, да устыдимся своей лености и малодушия в наших малых скорбях, видя их пламенную любовь ко Господу, да научимся и сами любить Господа всем сердцем и всей душой: удивляясь их великой вере, — будем и сами просить у Господа хотя малую искру сей живой веры для нашего хладного в вере сердца, ибо Сам Господь сказал: «аще не будете яко дети, не внидете в Царствие Небесное...»

1.

Во Иконии граде бе вдова юна, благородна, именем Иулитта, верою христианыня. В то время Диоклетиан, нечестивый царь, воздвиже гонение велие на христианы. Вземши убо сына своего, Кирика, трилетное отроча, сущее, изыде нощию из Иконии града и странствования, помняши реченное в Писании: «егда гонят вы во граде сем, бегайте в другий», — и пойде в Тарс, град Киликийский, и живаше в том между убогими. Но во времени Александр игемон и в Тарс христиан мучити прииде, и бысть познана о неких святая Иулитта, и приведена бысть пред игемона, имущая на руках трилетное отроча Кирика святаго. Вопрошаема же бывши от игемона, с дерзновением исповеда Господа нашего Иисуса Христа. Разгневался убо игемон, повел от ней отроча, и совлекше оную и растягше, бити без пощадения суровыми жилами. Биемой же сущей мученице, отроча взирающи к ней, плакаше, и ис-торгашеся от рук держащих его, еже тещи к матери. Игемон же, видя красно сущее отроча, повеле к себе принести, и прием, посади на коленах своих, и утешаше тое, да не плачет, и поглаждаше главу детищу, и лобызаше ее, и любезныя к нему глаголы вещаше. Детище же, изимаше себе от рук его, и главою от игемона уклоняшеся, не дая себе поглаждати, ниже лобызати устам того скверным, к матери же взирая, и детски плача, взываше: "Христианин есмь, пусти мя к матери!" — и драше лице игемону ногтьми своими, отрекаяся руками от него. Исполнився же страсти игемон, верже отроча о пол и ногою пхну в ребра, низвергая его долу от высокого седалища своего. Отроча же, по степенем каменным низпадая, и главою о степенным острым углы приражаяся и сокрушаяся, все тое место наполни кровью и предаде святую и непорочную свою душу в руце Божии. Тако венчася мученичеством отрок Кирик. Матерь же его, блаженная Иулитта, внегда узре любезное свое чадо, пред судилищем лежащее в крови мертво, радости исполнися и благодаряще о нем Господа. По многих же муках, и сама усечена бысть... (Июля в 15 день).

2.

Егда святый мученик Роман повешен бысть и различными орудии биен, и ногтьми железными стружем, стояше тамо не далече некое христианское отроча именем Варул. На неже воззрев мученик, рече к мучителю: "Отроча сие малое, разумнейшее есть паче тебе старого, аще и малолетно есть, обаче весть истинного Бога; ты же, исполнен сый лет, не познаваеши Его". Епарх же, призвав к себе отроча, вопроси е: "Коего Бога чтиши?" Отроча же отвеща: "Христа чту". Паки вопроси епарх: "Что есть лучше: единого ли Бога чтити или многих?" Отвеща отроча: "Лучше чтити единого Бога Иисуса Христа". Паки епарх рече: "Чим лучший Христос паче всех богов?" Младенец же отвеща: "Тем лучший Христос, яко истинный есть Бог, и Той созда всех нас; ваши же бози бесове суть, и не создаша никогоже". И ина многа той младенец глаголаше, аки бы был богослов премудрый, Дух бо Святый в нем действуя, совершаше из уст его хвалу, яко да посрамит идолопоклонников. Удивляшеся же мучитель и вси с ним бывшии премудрым глаголом его, и исполняшеся великого студа, яко не можаше его словесы препрети, того ради повелел мучитель того младенца розгами без милости бити. Биен же долго, нача изнемогати, и пити прошаще. Матерь же его, яже таможде стояще в народе и смотряще с радостию на страдание сына своего; видящи его изнемогающего и пити просящего, воздвиже глас свой с гневом, велящи да терпит мужественно до конца. Повелевшу же мучителю мечом посещи младенца, взя его матерь на руце свои, и несе на место усечения. Объемлющи же и лобызающи, утешаще его и укрепляше, да не боится, видя мечь над главою своею. Глаголаше же: "Не бойся, сыне мой, не бойся, сладкое мое чадо, не устрашайся смерти, не умреши бо, но живе будеши во веки. Не бойся меча, ибо посечен бывши, пойдеши абие ко Христу, и узриши славу Его: Он же тя примет, и объимет любезно, и будеши жити с Ним в радости неизглаголанной, ликующи со Ангелы Его святыми". Тако благочестивая та матерь, свое чадо утешающи, донесе е на место усечения. Усечену же бывшу младенцу, собра матерь кровь его в чистый сосуд, и, приемши тело его, радостными е омываше слезами, и сладце лобызаше веселяся, и погребе честно сыновнее тело (Ноября в 18 день).

3.

Егда святого мученика и великого Арефу усекнуша, таже и прочиих 340 святых мучеников, жена некая, верная христианка, имущи с собою сына, мало отроча, не более пяти лет сущее, видящи мечное святых мучеников посечение, притече к ним и, приемши мало о крове их, помаза себе и сына своего. Исполнившися же ревности, проклинаше царя, и велегласно глаголаше: "Будет тому жидовину как фараону". Вонми же емше ю, ведоша к царю, и вся, ею глаголанная, сказаша. Царь же, не дая ей более глаголати, повелел абие огнем сожещи ю. Наченшым убо мучителем вязати блаженную ту жену, да бо в огнь ввергуть ю, малое отроча ея нача плакати, и, виде царя седяща, притече к нему, имущи очеса слез исполненна и ятся за нозе его, моля о матери своей, елико можаше. Царь же, прием е на лоно свое, красно бо бе отроча и доброречиво, и вопрошаше е: "Кого более любиши, нас или матерь?" Отроча же отвеща: "Матерь люблю, и том ради приидох, молю тя, да разрешена будет, и возмет мя с собою на мучение, к нему же мя часто поучаше". Вопроси же царь: "Что есть мучение, еже глаголеши?" Отроча же, исполненно благодати Божия, в нем действующия, отвеща царю: "Мучение есть за Христа умрети, и паки с Ним жити". Вопроси царь: "Кто есть Христос?" Отвеща младенец: "Гряди со мною в церковь, и аз ти покажу Его". Паки же воззрев на матерь, плачущи рече к царю: "Остави мя, да иду к матери". Рече же царь: "Не иди к ней, но с нами буди, и дам тебе яблока и орехи, и всякия красныя плоды". Сия царь глаголаше яки с простым отрочатем, мня, яко в нем детский разум. Отроча же отвещаваше: "Не буду с вами, но к матери хощу; аз бо мнех, яко ты христианин еси, и приидох тя молити о матери моей, ты же жидовин еси, того ради не хощу у тебе быти, ниже что от рук твоих прияти, — точию хощу, да мя к матери пустиши". И удивляшеся царь таковому разуму, сущему в малом отрочати. Отроча же, егда виде, яко матерь ввержена бысть в огонь, укуси царя крепко. Царь же вельми поболев, отверже его от себе и повелел взяти некоему от предстоящих вельмож, да воспитает его еврейски, в законе их и отвержении Христу. Он же, поем отроча, ведаше в шатер свой, удивляяся смыслу отрочу и, встрев с неким другом, ста, и сказоваше ему бывшая о том отрочати. Стояху же не далече от огня, в оньже бе ввержена святая матерь младенца того, и беседующим им, исторжеся отроча от рук ведущаго его и текши скору, вскочи во огонь, и, в нем горящую матерь свою объемши, и само с нею сгоре: и бысть матерь с сыном жертва и всесожжение благовонно Богу. Слава Богу, умудрившему тако малого младенца! (Октября в 24 день).

Дата добавления: 2015-08-10