Читайте также:
|
Листок первый.
Небесный вестник в Назарете. — Его благоговение к тайне Благовестия. — Беседа Архангела с Богоматерью.
«Послан бысть Архангел Гавриил с Небесе от Бога к Деве нескверней, во град Галилейский Назарет, благовестити Ей странного образа (неслыханное) зачатие; послан бысть раб бесплотен ко одушевленному граду и двери мысленней, возвестити Владычняго пришествия снитие (приближение); послан бысть воин Небесный к палате Пресвятыя Славы — проуготовати Зиждителю жилище неотъемлемо. —Послан бысть с Небесе Гавриил Архангел благовестити Деве зачатие, и пришед в Назарет, помышляше в себе, чудеси удивлялся: како в вышних Непостижим сый от Девы раждается? Имеяй Престол небо и подножие землю — во утробу вмещается Девичу? На Негоже шестокрилатии и многоочитии зрети не могут — Словом единым от Нея воплотитися благоизволи! Божие есть Слово настоящее... Что у бо стою и не глаголю Деве: радуйся, Благодатная, Господь с Тобою! Радуйся, чистая Дево! Радуйся, Невесто Неневестная! Радуйся, Мати Жизни! Благословен плод чрева Твоего! — Повеленное тайно (от Бога) прием в разуме, в крове (жилище) Иосифове тщанием (с усердием) предста бесплотный, глаголя Неиску собранней: приклонивши схождением Небеса вмещается неизменно весь в Тя, Егоже и видя в ложеснах Твоих приемша рабий зрак (образ раба) ужасаюся звати Тебе: радуйся, Невесто Неневестная! — С небесных кругов слетев, Гавриил в Назарет прииде к Деве Марии, вопия Ей: Радуйся! Зачнеши Сына, Адама древнейшаго, Творца веков и Избавителя вопиющих Тебе: Радуйся, Чистая! — Радуйся, Благословенная! радуйся Препрославленная, Господь с Тобою!»
Далее в церковных песнопениях раскрывается тайна воплощения Христова в виде беседы Богоматери с Архангелом-благовестником. Архангел: «Радуйся, Неневестная Мати и неискусобрачная! Не удивляйся странному моему зраку (виду): Архангел бо есмь. Змий прельсти Еву иногда, аз оке ныне благовествую Тебе радость, и пребудеши нетленна, и родиши Господа, Пречистая! — Богоматерь: Что твой вид огненный? Что твое достоинство (какое твое звание) и словес сила (значение)? Зачати Сына провещаваеши Ми, Аз же искуса мужеска не свем. Отъиди далече, да не прельстиши Мене. — Архангел: Божий предстатель (предстоящий пред Богом) есмь; поведаю Тебе Божественный совет (определение): что мене боишися, Всенепорочная, паче Тебе боящагося? Что благоговееши мне, Тебе честно благоговеющему?— Богоматерь: Моя прамати приемши разум змиин (поверив змию), изгнана бысть пищи Божественныя (райского блаженства): темже (посему) и Аз боюся целования (приветствия) странного твоего, стыдящися поползновения (опасаясь падения). —Архангел: Вопию Тебе веселяся, приклони ухо Твое и вонми ми, Божие возвещающу безсеменное зачатие: обрела бо ecu благодать пред Богом, еяже никогда обрете другая, Всечистая! — Богоматерь: Дверей Моих отступи, не вещай глаголов, ихже сбытия никакоже можеши показати, Архистратиже. Что Мой ум и душу смущаеши, сия глаголя Ми? — Архангел: Яко многосветлую свещу и Богоделанен чертог вижу Тя; ныне, яко злат кивот, приими, Богоневесто, закона Подателя, благоизволившаго избавити Тобою тленное существо человеческое. — Богоматерь: Странно есть слово твое; да не прельстиши Мене: Дева бо есмь, брака не знающи, и како вместит утроба Моя, Его же величества небесная (все небо) вместити не могут?—Архангел: Со страхом Тебе, яко раб Госпоже, предстою; с боязнию ныне смотрети стыждуся Тебе, Отроковице: как бо дождь на руно (Гедеоново), снидет на Тя Слово Отчее, яко благоволи. — Богоматерь: Являешимися яко человек, и како вещаеши глаголы паче человека? Со Мною бо, рекл ecu, Богу быти и вселитися во утробу Мою! И како буду, глаголи Ми, вместилище пространное и место священия Херувимы Превосходящаго? Да не прельстиши Мене лестию, не познах бо сласти, браку есмъ непричастна: како убо Отроча рожду?— Архангел: Бог идеже хощет, побеждается естества чин (уступает закон природы), и яже паче человека содеваются, моим веруй истинным глаголом, Всесвятая, Пренепорочная! — Богоматерь: Разумети не могу твоих словес известия: чудеса бо быша множицею, Божественною силою чудодействуема, Дева же роди неискусомужне — никогдаже! — Архангел: Лестно мя вещати помыитяеши (Ты думаешь, что я обманываю Тебя), и радуюся, зря Твое утверждение (осторожность). Дерзай, Владычице! Богу бо хотящу удобь скончаются и преславная. — Богоматерь: Обручена Иосифу бых Аз, (но) даже доныне несовокуплена, Архангеле; искуса убо не познавши мужеска, како рожду?— Архангел: Законам естества, Отроковице, не работает Иисус, содетель естества; и Тя да уверит жезл Ааронов, невлажно (без влаги) прорастиший, Тя образовавший, Всенепорочная! Пророческия трубы (святых Пророков) видети издалека сподобишася глубину таинства, егоже слуга есмь, пред дверьми Твоими предстоя. — Богоматерь: Слышах Пророка древле прорекша священную некую Деву раждающую Еммануила; хощу же разумети, како естество человеческое претерпит Божества растворение! (соединение с Божеством) — Архангел: Не опалит, не ужасайся отнюдь, утробы Твоея Огнь Божества, Отроковице: купина бо древле Тя, воображаше (прообразовала), горящи, никакоже опаляема, Всечистая! — Богоматерь: Истины проповедниче, освещаем сиянием Бога Вседержителя, глаголи, Гаврииле, истиннейшая: како нетленней бывши чистоте Моей рожду с плотию Бесплотного Слова?— Архангел: Обещаем Бог Аврааму праотцу благословитися в семени его языком (что о семени его благословятся народы); Тобою же днесь обещание конец приемлет. — Богоматерь: Всеми Невместимый и всеми Невидимый, како Сей может вселитися во чрево девиче, еже Сам созда? Како Сего вместит Мое чрево, Егоже величества Небеса вместити не могут? — Архангел: Поведаю Тебе, о Всенепорочная, како иногда скиния Авраамова прият и вмести Бога, Пречистая! Темже (посему) не сумнися ныне, но любезно приими целование (благовестив), Радосте человеком! — Богоматерь: Оскуде князь от Иуды, время наста прочее, в неже явится Надежда языков — Христос; ты же скажи, како Сего рожду, дева сущи?— Архангел: Твоему праотцу Давиду обещася Бог посадити на престол царства его от плода Твоего чрева; Тя, Иаковлю доброту, едину избра в селение Слова. — Богоматерь: Дивлюся, поразумевающи сия страшные и честные глаголы твоя, и веровати хотящи, помышляю высоты величество, и стыжуся вся, Архистратиже! — Архангел: Дивит, Всенепорочная, и странно бо чудо Твое: едина бо Ты приимеши всех Царя, вмещаема во утробе, и Тя прообразуют пророческая речения, и гадания, и законнии образы. — Богоматерь: Како будет, еже рекл ecu? Глаголи явственнейше: како зачну, Дева сущи Отроковица? Како же и Мати буду Зиждителя Моего?— Архангел: Ищеши от мене уведети, Дево, образ зачатия Твоего? Но той несказанен есть; Дух же Святый, зиждителъною силою осенив Тя, совершит его. — Богоматерь: Понеже убо Всеблагий благоволи в Мя вселитися паче ума: се, и душою и телом, храм есмь чист и соблюден Ему. — Архангел: Дух Божий Пресвятый приидет, Пречистая, на Тя, Боговместимая Владычице, и Сила Вышняго осенит Тя, и родиши Сына, соблюдающа Твое девство невреокденно. Сей Сын есть неродословим! Сей явлься спасет люди Своя, яко благоизволи. — Богоматерь: Глагол твоих, Гаврииле, глас радования приемши, веселия Божественного исполнихся... По глаголу твоему буди Мне, да вселится в Мя Бог! — Архангел: Тебе дадеся радость, Богомати, Божественная: о Тебе еже радуйся вся тварь вопиет, Богоневесто: Ты бо едина Мати Сына Божия нареклася ecu, Чистая!»
Дата добавления: 2015-08-10; просмотров: 62 | Нарушение авторских прав
| <== предыдущая страница | | | следующая страница ==> |
| Слово Кирилла философа о хмельном питии ко всем людям | | | Праздник воскрешения Лазаря в Церковных песнопениях |