|
Читайте также: |
ЖЫЛУЛЫҚ СӘУЛЕЛЕНУГЕ НЕГІЗДЕЛГЕН КӨЗДЕР
5.1 ЖЫЛУЛЫҚ СӘУЛЕЛЕНУДІҢ НЕГІЗГІ ЗАҢДАРЫ
Жылулық сәулелену - дене атомдары мен молекулаларының жылулық қозғалысы энергиясын оптикалық сәулелену энергиясына түрлендіру нәтижесі. Сәулеленетін дененің температурасы сәулелену ағынының мәнін де және оның спектрлік құрамын да анықтайды.
Жылулық сәулеленудің негізгі заңдары абсолют қара денеге тұжырымдалған.
Абсолют қара дене - өзіне түскен сәулеленуді түсу бұрышына, спектрлік құрамына және полярлануына қарамастан, түгел жұтатын оптикалық сәулеленуді қабылдағыш. Абсолют қара дене түсініктемесінің басқа да анықтамасы бар: бұл қалған жағдайлар бірдей болғанда, басқа жылулық сәулеленгіштермен салыстырғанда ең үлкен сәулелену ағынын тудыратын қабілеті бар жылулық сәулеленгіш.
Кирхгофф заңы дененің сәулелерді шығару және жұту қабілеттерінің арасындағы байланысты айқындайды: температурасы бірдей денелердің сәулелену тығыздықтарының қатынасы олардың жұту коэффициенттерінің қатынасына тең:
Кирхгофф заңын басқаша жазузға болады:
(5.3)
мұндағы RT - сол температурадағы абсолют кара дене сәулеленуінің тығыздығы, Вт/м2.
Басқаша айтқанда, температурасы бірдей болатын барлық денелерге сәулелену тығыздығының жұту коэффициентіне қатынасы - сол температурадағы абсолют қара дене сәулеленуінің тығыздығына тең, тұрақты шама.
Стефан - Больцман заңы дененің сәулелену тығыздығымен оның температурасының арасындағы байланысты тағайындайды. Стефан мен Больцман абсолют қара дененің сәулелену тығыздығы тек оның температурасына тәуелді және абсолют температураның төртінші дәрежесіне пропорционал екендігін анықтайды:
, (5.4)
Мұндағы Rт - абсолют қара дененің сәулелену тығыздығы, Вт/м2; G=5,672·10-8 Вт/м2·К, тұрақты шама; Т-абсолют температура, К.
Абсолют қара дененің жылулық сәулелену спектріндегі энергияның таралуы Планк заңымен айқындалады:
, (5.5.)
Мұндағы RlТ -абсолют қара дене сәулелену ағынының спектрлік тығыздығы, Вт/м2·мкм; С1=3,74·108 Вт/м2·мкм, тұрақты; С2=1,43·104 мкм·град, тұрақты; е - натуральды логарифмнің негізі.
Виннің ығысу заңы: сәулеленетін дене температурасы оның сәулелену ағынының спектрлік тығыздығы қисығының максимумы қысқа толқындар аймағына ығысады (5.1 сурет):
lmax·Т= 2896 мкм·град (5.6.)
мұндағы lmax - сәулелену ағынының спектрлік тығыздығы кисығының максимумына сәйкес келетін толқын ұзындығы, мкм.
Стефан - Больцман заңы мен ығысу заңын пайдаланып, Вин абсолют кара дененің сәулелену ағыны спектрлік тығыздыгының максимал мәні дене температурасының бесінші дәрежесіне пропорционал өсетінін анықтады:
, (5.7)
мұндағы С3 = 1,041·10-11 Вт/м2 мкм-1·град-5
5.1 сурет - Абсолют қара денені әр түрлі температураға дейін қыздырғандағы оның сәулеленуінің спектрлік тығыздығы
Жылулық сәулеленудің негізгі зандары мынадай қорытындылар жасауға мүмкіншілік береді:
1. Абсолют қара дененің сәулелену ағыны қызу температурасының төртінші дәрежесіне пропорционал.
2. Абсолют қара дененің сәулелену ағыны спектрлік тығыздығының максимумы қызу температурасының бесінші дәрежесіне пропорционал.
3. Абсолют қара дененің қызу температурасы жоғарылаған сайын оның сәулелену ағынының спектрлік тығыздығы қисығының максимумы қысқа толқындар аймағына ығысады.
Көрінерлік сәуле көзі ретінде пайдаланылатын жылулық сәулеленгіштің сәулелену ағыны тиімді бергіштігінің (жарық П.Ә.К.-нің) қыздыру температурасына тәуелді ең маңызды көрсеткіштердің бірі болады (5.2 сурет):
, (5.8.)
5.2 сурет – Жарық П.Ә.К-нің абсолют қара дененің температурасына тәуелділігі
Сәулеленгіштің температурасы жоғарылағанда жарық П.Ә.К-і өседі. Бұл сәулелену ағынының спектрлік тығыздығы қисығының максимумының көрінерлік сәулелену аймағына ығысумен түсінікті болады. Абсолют қара дененің температурасы 6500 К шамасында болғанда жарық П.Ә.К-і (14,5%) ең жоғары мәніне жетеді. Сәулеленудің спектрлік тығыздығы қисығының максимумы спектрдің көрінерлік бөлігінде болады. Сәулеленгіштің температурасы мұнан әрі жоғарылағанда φ(λ) қисығының максимумы спектрдің қысқа толқынды бөлігіне ығысады. Жарық П.Ә.К-нің мәні төмендей бастайды.
5.1 кестеде кейбір жылулық сәулеленгіштердің жарық П.Ә.К-і мен жарық бергіштігінің максимал мәндері берілген.
5.1 кесте - Кейбір сәулеленгіштердің жарық П.Ә.К-і және жарық бергіштігі
| Сәулелену сипаты немесе сәулеленгіш | Темпера- тура, К | Жарық бер-гіштік,лм/Вт | Жарық П.Ә.К.-і, % |
| Толқын ұзындығы Х=555нм біртекті сәулелену | - | ||
| Тең энергетикалық сәулелену | - | 35,5 | |
| Толық сәулеленгіш | 14,5 | ||
| Күн тас төбеде | - | 13,8 | |
| Вольфрам балқығанда | 8,1 | ||
| Көмір қылсымды шам | 3,54 | 0,52 | |
| Керосин шам | 0,27 | 0,04 |
Жарық - техникалық есептеуде пайдаланылатын денелер абсолют қара дененің қасиеттеріне толык ие бола алмайды. Дегенмен арнайы өтпелі шамаларды енгізу арқылы абсолют қара дененің жылулық сәулелену заңдарын нақтылы денелерге колдануға болады.
5.2 ҚЫЗДЫРУ ШАМДАРЬІНЫҢ ҚҰРЫЛЫСЫ ЖӘНЕ ЖҰМЫСЫ
Қыздыру шамдарының құрастырылымы олардың қолдану мақсатына байланысты келеді. Шыны колбаның іші газбен (аргон, азот немесе криптон) толтырылады. Колбаның диаметрі шамның қуатына байланысты болады. Колба шамның, цоколіне арнайы мастиканың көмегімен бекітіледі. Цоколь бұрандалы, штифті және фокустелінетін болып дайындалады. Колбаның ішіне штабиктен, күрекшеден және штенгельден тұратын шамның шыныдан жасалынған аяғы орнатылады. Штабиктің жоғарғы жағына молибден ілмектер дәнекерленеді. Ілмектерге шамның қызу денесі (қылсым) бекітіледі. Қызу денесі екі никель электродтардың жоғарғы ұшына балқытып біріктіріледі. Электродтардың екінші ұштары күрекшенің ішіне балқытып орнатылған екі платинит сымдардың жоғары ұштарына дәнекерленеді, ал платинит сымдардың төменгі ұштары шамның цоколіне қосылған мыс сымдарға дәнекерленеді.
Шамның колбасы әр түрлі пішінді дайындалады. Жарықтандыруға арналған қыздыру шамдарының колбалары мөлдір, сондай-ақ күңгірт, жалтыр түсті немесе "сүт түсті" шыныдан дайындалады. Шамның жарық ағыны бір жаққа бағытталынуы керек болғанда, колбаның ішкі бетінің жоғарғы жағы күмістен немесе алюминийден жасалынған айналы қабыршақпен капталады. Осы шағылыстырғыштардың пішінін өзгертумен шамнын жарық ағынының бағытын реттеуте болады.
Қыздыру шамдарының жұмысы оның негізгі элементі – кызу денесінің жұмысымен анықталады. Сондықтан кызу денесінің жұмысына тоқтаймыз. Негізгі жылулық сәулелену заңдары бойынша қыздыру шамдарының маңызды көрсеткіштері (сәулеленуінің спекірлік қүрамы, ағынының мәні, П.Ә.К-і және тағы басқалары) қызу денесінің температурасына байланысты келеді. Бірақ тек қызу денесінің температурасын жоғарылатумен қыздыру шамдарының тиімділігін арттыру өте қиын. Өйткені температура жоғарылаған сайын қызу денесі материалының булану жылдамдығы, яғни оның бөлшектерінің қоршап тұрған ортаға ұшуы, көбейеді де шамның қызмет ету мерзімі азаяды. Шамдардың кызу денесі 2400...2800 К дейін қыздырылады. Температура – осы шектен 1 процентке жоғарылағанда қызу денесі материалының булану жылдамдығы екі рет көбейеді.
Қызу денесінің материалы көптеген талаптарға сәйкес болуы керек. Материалдың өткізгіштігі жеткілікті, балқу температурасы жоғары, әр түрлі диаметрлі сымдарды дайындауға мүмкіншілік беретін қажетті созымдылығы, ұзақ қызмет ету мерзімін камтамасыз үшін жұмыс температурасындағы булану жылдамдығы төмен болуы кажет. Осы талаптарға вольфрам үйлесімді келеді, сондықтан оны қызу денесін дайындауға пайдаланады.
Қазіргі уақытта негізінде қызу денесі вольфрам сымынан дайындалған, колбасы газбен толтырылған қыздыру шамдары пайдаланылады. Толтыратын газ ретінде аргон мен азот қоспасы (86% Ar + 14%N2) немесе азот қосылған криптон және ксенон қолданылады. Азот газдық орта арқылы қысқа тұйыкталу болмас үшін қосылады. Газ толтырылған шамдарда вакуум шамдарға қарағанда қызу денесі материалының булану жылдамдығы баяу келеді. Осы себептен қызмет ету мерзімін қысқартпай, қызу денесінің температурасын жоғарылатуға болады.
Газ толтырылған қуатты қыздыру шамдарының қызу денесінің температурасы 3000 К-ге дейін болады.
Газда жылу шығынын және кызу денесі материалының булану жылдамдығын азайту үшін қазіргі жалпы мақсатқа арналған шамдарда қызу денесі спираль (шыйыршық) түрінде дайындалады. Қос спираль түрінде жасалынған қызу денелерін пайдалану қыздыру шамдарының тиімділігін одан әрі жоғарылатуға мүмкіншілік берді.
Қыздыру шамдарының құрастырылымдық ерекшеліктері олардың типін анықтайтын шартты белгіде көрсетіледі. Шамдардың типі әріппен және цифрлармен белгіленеді. Әріп шамның түрін көрсетеді: В – вакуумдық, Г – газ толтырылған, Б – қос спиральді, БК – қос спиральді криптонмен толтырылған. Бірінші цифрлар шамның кернеу диапазонын, ал екінші цифрлар шамның қуатын көрсетеді.
5.3 ҚЫЗДЫРУ ШАМДАРЫНЫҢ НЕГІЗГІ СИПАТТАМАЛАРЫ
Қыздыру шамдарының негізгі сипаттамаларына олардың номинал кернеуі, электрлік қуаты, жарық ағыны, жарық бергіштігі және қызмет ету мерзімі жатады.
Типіне және колдану орнына байланысты номинал кернеуі 1В- тен 220 В-ке дейін болатын қыздыру шамдары шығарылады. Мысалы, автомобиль және трактор шамдарының номинал кернеуі 6 және 12 В болады, жергілікті жарықтандыруға арналған шамдардың - 12 және 36 В, темір жол шамдарының 24, 50 және 74 В; жалпы мақсатқа арналған жарықтандыру шамдарының кернеуі мынадай диапазонда 127...135 В, 215...225 В, 220...235 В, 230...240 В, 235...245 В болады. Қыздыру шамдары пайдаланылатын жарықтандыратын қондырғыларда көп жағдайда кернеу өзінің номинал мәнінен өзгеше. Сондыктан шамдардың кернеуі әр түрлі диапазонда болады.
Қыздыру шамдарының электрлік қуаты мемлекеттік үлгіқалыппен тағайындалатын шектің орташа шамасы ретінде көрсетіледі. Қуаты Вт-тың бөлшегінен бірнеше кВт-қа дейін болатын қыздыру шамдары шығарылады.
Қыздыру шамдарының жарық ағыны олардың қуатына және қызу денесінің температурасына байланысты. Шамды дайындау кезінде есептік шамалардан ауытку болады, сондыктан үлгіқалып жарық ағынның мүмкіндік өзгеру шегін қарастырады. Пайдалану кезінде қызу денесінің сәулеленуі және оның материалы бөлшектерінің ұшу өнімдерінің колбаның ішкі бетіне қонуымен шынының мөлдірлігі кемуіне байланысты шамның жарық ағыны азаяды. Күңгірт түсті колбалы шамдардың жарық ағыны мөлдір шынылы шамдардың жарық ағынының 97 процентінен, ал колбалары "сүт түсті" болатын шамдардың жарық ағыны мөлдір колбалы шамдардың ағынының 80 процентінен кем болмауы керек.
Жарық бергіштігі қыздыру шамдарының үнемділігін көрсететін негізгі сипаттамалардың бірі (лм/Вт):
(5.9)
Жарық бергіштігінің мәні қызу денесінің температурасына байланысты келеді. Басқа жағдайлар бірдей болғанда диаметрі үлкен қылсымның температурасы жоғары болуы мүмкін. Демек, басқа жағдайлар бірдей болғанда үлкен қуатты және номинал кернеуі төмен келетін қыздыру шамдарының жарық бергіштігі жоғары болуы керек. Шынында да, 125... 135 В кернеуге арналған 40Вт қызу денесі қос спираль шамның жарық бергіштігі 12,3 лм/Вт болса, ал типі және кернеуі сондай келетін, бірақ қуаты 1000 Вт шамның жарық бергіштігі 19 лм/Вт болады. Кернеуі 215...225 В, қуаты 500 Вт шамның жарық бергіштігі 16,6 лм/Вт болса, ал қуаты сондай, бірақ 127.. 135 В-қа арналған шамның жарық бергіштігі -17,4 лм/Вт.
Жарық бергіштігі әдеттегідей шамдармен қатар, жарық бергіштігі 11...13% -ке жоғарылатылған криптонмен толтырылған шамдарда шығарылады.
Жалпы мақсатқа арналған шамдардың қызмет ету мерзімі, яғни барлық типті қыздыру шамдарының жұмыс істеу мерзімінің орташа шамасы, 1000 сағаттан кем болмайды. Осымен қатар кернеу номинал мәнінде болғанда әрбір шам 700 сағаттан кем жұмыс істемеуі қажет. 750 сағат жұмыс істегеннен кейін шамның жарық ағыны өзінің бастапқы мәнінің 85 процентінен кем болмауы керек.
5.4 КЕРНЕУ АУЫТҚУЫНЫҢ ҚЫЗДЫРУ ШАМЫНЫҢ НЕГІЗГІ КӨРСЕТКІШТЕРІНЕ ӘСЕРІ
Электр торабының кернеуі өзгергенде қыздыру шамының қылсымы арқылы өтетін токтың мәні өзгеруіне байланысты қызу денесінің температурасы, кедергісі және қуаты өзгереді. Осы себептен қылсымның жарықтығы, ал шамның жарық ағыны, жарық бергіштігі және қызмет ету мерзімі өзгереді.
Жалпы мақсатқа арналған қыздыру шамының негізгі сипаттамаларының берілген кернеуге тәуелділігі 5.3 суретте берілген.
Кернеу ауыл шаруашылық электр қондырғыларында мүмкіндік шекте ауытқығанда қыздыру шамдарының негізгі параметрлерінің қалай өзгеретіндігі 5.2 кестеде келтірілген.
Қыздыру шамдарының жақсы жақтарына - құрылысының қарапайымдылығын, дайындау құнының аздығын, әр түрлі орталарда жұмысының сенімділігін жатқызуға болады.
5.2 кесте - Қыздыру шамдарының негізгі параметрлерінің өзгеруі
| Кернеудің ауытқу мәні, % | Куаттың өзгеру мәні, % | Жарық ағынының өзгеру мәні, % | Жарық бергіштігінің өзгеру мәні, % | Қызмет ету мерзімінің өзгеру мәні, % |
| -7,5 | -13,0 | -27 | -12 | +217 |
| +2,0 | +3,0 | +7 | +4 | -25 |
| +7,5 | + 15,0 | +30 | +20 | -60 |
5.3 сурет- Қыздыру шамының негізгі сипаттамаларының берілген кернеуге тәуелділігі.
Қыздыру шамдарының кемшіліктері: жарық бергіштігінің аздығы (20лм/Вт-ка дейін), сәулелену спектрі кұрамының табиғи жарықтан көп өзгешілігі, жарықтылығының өте жоғарылығы.
5.5 ГАЛОГЕН ҚЫЗДЫРУ ШАМДАРЫ
Қыздыру шамдарының қылсымының температурасын жоғарылатуға, яғни шамның тиімділігін көбейтуге, олардың қызу денесі материалының бөлшектерінің қоршап тұрған ортаға ұшуы кедергі болады. Йод циклді кварц шамдарында қылсым материалының ұшуы жойылмағанмен осы құбылыстың зардабына қарсы күрес әдісі табылған. Әдіс осы типті шамдардың негізгі көрсеткіштерін жоғарылатуға мүмкіншілік берді.
5.4 суретте КГ 220-1000 типті шамның құрылысы көрсетілген. Цилиндр колба 3 жұмсау температурасы 1373 К жоғары болатын кварц шыныдан дайындалады. Колбаның ішінде аз мөлшерде йод енгізілген және ол шамамен 800 ГПа қысымға дейін аргонмен толтырылған. Қызу денесі 4 аса таза вольфрам сымынан моноспираль түрінде жасалынған және түтіктің осі бойына вольфрам сүйемелдермен 5 монтаждалған. Түтікке кірме шамның кварц аяқшаларына 1 дәнекерленген молибден электродтармен 2 орындалған. Электродтар шамның түйіспелік жазық беттеріне 6 дәнекерленген. Шам электр торабына жазық түйіспелік беттерімен косылады.
5.4 сурет – КГ 220-1000 типті галоген қыздыру шамының құрылысы:
1- шамның кварц аяқшалары; 2-молибден электродтар; 3- кварц түтік; 4- моноспираль қызу денесі; 5-вольфрам сүйемелер; 6-жазық түйіспелік беттер.
Шамның ішінде мынадай регенерациялық иодтық цикл өтеді. Қызу денесі материалынан ортаға ұшқан вольфрам бөлшектері қылсымнан түтіктің ішкі қабырғасына қарай қозғалады да, сол жерде йодпен қосылып вольфрам йодидін WJ2 құрады. Вольфрам йодиді түтіктің ішкі қабырғасы айналасында температура 523...1473 К болғанда пайда бола алады. Температура осы шектен кем болса вольфрам иодидінің құрылу циклінің толық жүруін камтамасыз етпейді, ал температура шектен жоғары болса иодид ажырайды. Иодид қызу денесі қасында колба төңірегінен бірнеше рет көп диссоцияланады. Сондықтан қылсым қасында йодид концентрациясы колба төңірегіндегіден аз болады. Осы себептен жаңа құрылған йодидтер өздерінің концентрациясы аз келетін моноспиральге қарай көшеді. Жоғары температура аймағына жеткеннен кейін йодид вольфрамға және йодқа ажырайды. Вольфрам спиральге қонады, ал босанған йод қайтадан циклге қатысады.
Регенерациялык циклдың сұлбасы мынадай болады:
1)колба бетінде вольфрам йодидінің құрылуы;
2)вольфрамның йодид түрінде спиральге қайта келуі;
3)қызу денесі төңірегінде йодидтің ажырауы вольфрамның спиральге қонуы және йодтың босауы.
Галоген шамдардың негізгі ерекшелігі - электр торабының берілетін кернеуді өзгертумен олардың сәулелену ағынын ретгеуге болатындығы. Кернеуді номинал мәнінен жоғарылату олардың қызмет ету мерзімін әдеттегі қыздыру шамдарындағыдай кенет төмендетпейді.
Йод циклді қыздыру шамдарының жақсы жақтары:
1) меншікті сәулелену тығыздығының жоғарылығы;
2) қызмет ету мерзімі ішінде сәулелену ағынының тұрақтылығы;
3) габариттің кішілігі;
4) ұзақ уақыт ішінде асқын жүктелуге төзу қабілеттігі;
5) қоректендіру кернеуін өзгертумен сәулелену ағынын кең шекте бірқалыпты реттеуге болатындығы.
Йод циклді қыздыру шамдарының негізгі кемшіліктері:
1) йод циклін бұзбау және қызу денесі өзі салмағымен
деформацияланбауы үшін шамның тек горизонтал жағдайда ғана жұмыс істей алатыңдығы;
2) аса таза вольфрам және кварц шыны пайдалану керек болғандықтан шам құнының өте жоғарылығы.
5.6 ИНФРАҚЫЗЫЛ СӘУЛЕЛЕНУ КӨЗДЕРІ
Инфрақызыл сәулелену ауыл шаруашылығында мал төлдерін және қүс балапандарын жылытуға, өнімдерді кептіруге және т.б. технологиялық процестерде пайдаланылады.
Инфрақызыл сәулелену көздері спектр құрамына байланысты "жарық" және "караңғы" болып бөлінеді. "Жарық" көздерінің құрылысы және жұмыс істеу принципі бойынша жарықтандыруға арналған қыздыру шамдарынан өзгешілігі жоқ болады. Бірақ шамдардың толық ағынында инфрақызыл сәулеленудің үлесін көбейту және көрінерлік сәулеленудің үлесін азайту үшін олардың қызу денесі жарықтандыруға арналған шамдардың кылсымына қарағанда кіші температурада (Т=2270...2770К) қыздырылады. Осы себептен бұл шамдардың сәулеленуінің спектрлік тығыздығының максимумы спектрдің ұзын толқынды бөлігіне ығысқан және толкын ұзындығы λ=1000...1400 нм сәулеленуге келеді.
ИКЗ 220-500 және ИКЗК 220-250 типті айналы инфрақызыл шамдары және КГ 220-1000-1 типті кварц-галогенді инфрақызыл шамдары шығарылады. Айналы шамдар колбасының ішкі бетінің жоғарғы бөлігі инфрақызыл сәулеленуді шағылыстыру коэффициенті 0,9 шамасындай болатын жұқа қабат алюминиймен немесе күміспен қапталады. Колба пішіні шам сәулеленуінің кеңістікте таралу сипатын анықтайды.
ИКЗК типті шамдар колбасы олардың жарық ағынын (көрінерлік-сәулелену үлесін) азайту үшін қызуға төзімді қызыл лакпен қапталады. Инфрақызыл шамдар қызу денесінің температурасы төмен болуы олардың қызмет ету мерзімін 5000 сағатқа дейін көбейтуге мүмкіншілік берді.
«Қараңғы» инфрақызыл сәулелену көздеріне ішіне қызуға төзімді изоляциялық материалмен нихром сымнан спираль түрінде жаслынған қызырғыш бекітілген металл түтіктер жатады. «Қаранғы» көздерінің сәулелену спектрі толқынының ұзындығы 1400...10000 нм диапазонында, ал сәулеленуінің спектрлік тығыздығының максимумы λһ1400 нм-де болады. Инфрақызыл сәулелерімен жылыту үшін бірлік қуаты 400...800 Вт болатын түтікті электр қыздырғыштар шығарылады. Олардың қызмет ету мерзімі 10000 сағат болады. [kgl]
[gl]ГАЗДАР МЕН МЕТАЛЛ БУЛАРЫНДАҒЫ ЭЛЕКТР РАЗРЯДЫНЫҢ НЕГІЗГІ ЗАҢДЫЛЫҚТАРЫ[:]
6.1 ЖАЛПЫ МАҒЛҰМАТТАР
Жоғарыда айтылғандай, жылулық жылулық сәулеленуге негізделген жарық көздерін одан ары жетілдіру олардың жарық-техникалық және техника-экономикалық көрсеткіштерін айтарлықтай жоғарылатуға мүмкіндік бермейді. Бұл оптикалық сәулеленуді алудың сәулеленетін денені қыздырумен байланыссыз басқа жолын іздеуге түрткі болды. Іздеудің нәтижесінде газ-разрядтық сәулелену көздері ойлап құрастырылды.
Дата добавления: 2015-12-01; просмотров: 218 | Нарушение авторских прав