Читайте также:
|
Свети́лен Трио́ди (Креста́):
К рест Христо́в честны́й/ днесь предложе́нный ви́девше поклони́мся,/ и ве́рно возвесели́мся, облобыза́юще любо́вию,/ на сем во́лею распе́ншагося прося́ще Го́спода, сподо́бити всех нас,/ и Кресту́ Честно́му поклони́тися,// и дости́гнути Воскресе́ние неосужде́нно.
И ны́не и при́сно и во ве́ки веко́в. Ами́нь.
Богоро́дичен Трио́ди:
Д ре́ву, на не́мже Всечи́стая,/ пречи́стеи дла́ни о нас простре́,/ пригвозди́выйся Сын Твой,/ ны́не благоче́стно покланя́ющимся,/ даждь нам мир, и мироспаси́тельныя всечестны́я стра́сти предвари́ти,// и све́тлой мирора́достной господоимени́той Па́сце поклони́тися, и светоно́сному дню.
Хвали́тны псалмы́, глас 6:
Хор: В ся́кое дыха́ние да хва́лит Го́спода./ Хвали́те Го́спода с небе́с,/ хвали́те Его́ в вы́шних.// Тебе́ подоба́ет песнь Бо́гу.
Х вали́те Его́ вси а́нгели Его́,/ хвали́те Его́ вся си́лы Его́.// Тебе́ подоба́ет песнь Бо́гу.
Чтец: Стихи́ры воскре́сные, глас 6:
На 8. Стих: Сотвори́ти в них суд напи́сан:/ сла́ва сия́ бу́дет всем преподо́бным Его́.
Стихира: К рест Твой, Го́споди,/ жизнь и воскресе́ние лю́дем Твои́м есть,/ и наде́ющеся нань,// Тебе́ воскре́сшаго Бо́га на́шего пое́м: поми́луй нас.
Стих: Хвали́те Бо́га во святы́х Его́,/ хвали́те Его́ в утверже́нии си́лы Его́.
Стихира: П огребе́ние Твое́, Влады́ко,/ рай отве́рзе ро́ду челове́ческому:/ и от истле́ния изба́вльшеся,// Тебе́ воскре́сшаго Бо́га на́шего пое́м: поми́луй нас.
Дата добавления: 2015-10-02; просмотров: 36 | Нарушение авторских прав
| <== предыдущая страница | | | следующая страница ==> |
| И ны́не и при́сно и во ве́ки веко́в, ами́нь. | | | Духовенство: Кресту́ Твоему́ покланя́емся Влады́ко,/ и свято́е Воскресе́ние Твое́ сла́вим. |