|
Читайте также: |
Тропарь: Д обро́ту есте́ственную, красне́йшу показа́ла еси́, облистава́ющую плоть Божества́./ Благослови́м, Благослове́нная Де́во,// рождество́ Твое́, и превозно́сим во вся ве́ки.
Кано́н проро́ка Софо́нии, глас 6:
Припев: Святы́й проро́че Софо́ние, моли́ Бо́га о нас.
Тропа́рь: В озложе́н весь Вседержи́телю, промышле́ния образо́м тайнонаучи́лся еси́,/ строи́тельно язы́ки наказу́я;// тем тя пое́м, проро́че Богоглаго́ливе. (Дважды)
Благослови́м Отца́, и Сы́на, и Свята́го Ду́ха, Го́спода.
Тропа́рь: М оле́бное пе́ние Бо́гу принеси́ о пою́щих тя, Богоблаже́нне,/ и напа́стей разори́ смуще́ние,// да тя пое́м, проро́че Богоглаго́ливе.
И ны́не и при́сно и во ве́ки веко́в, ами́нь.
Богоро́дичен: Ж изнода́вца ро́ждши Бо́га и Го́спода,/ сме́ртное губи́тельство неуде́ржное уста́вила еси́, Пречи́стая, сие́ умертви́вши;// тем Тя пое́м во вся ве́ки.
Катава́сия:
Хор: Хва́лим, благослови́м, покланя́емся Го́сподеви, пою́ще и превознося́ще во вся ве́ки.
Чу́да преесте́ственнаго/ росода́тельная изобрази́ пещь о́браз:/ не бо, я́же прия́т, пали́т ю́ныя,/ я́ко ниже́ огнь Божества́ Де́вы,/ в Ню́же вни́де утро́бу./ Тем воспева́юще, воспое́м:/ да благослови́т тварь вся Го́спода// и превозно́сит во вся ве́ки.
Диакон: Б огоро́дицу и Ма́терь Све́та в пе́снех возвели́чим.
Песнь Пресвятой Богородицы:
Хор: В ели́чит душа́ Моя́ Го́спода,/ и возра́довася дух Мой о Бо́зе Спа́се Мое́м.
Честне́йшую Херуви́м/ и Сла́внейшую без сравне́ния Серафи́м,/ без истле́ния Бо́га Сло́ва ро́ждшую,/ су́щую Богоро́дицу, Тя велича́ем.
Я́ ко призре́ на смире́ние рабы́ Своея́,/ се бо от ны́не ублажа́т Мя вси ро́ди.
Дата добавления: 2015-10-02; просмотров: 44 | Нарушение авторских прав
| <== предыдущая страница | | | следующая страница ==> |
| И ны́не и при́сно и во ве́ки веко́в, ами́нь. | | | Припев: Святы́й проро́че Софо́ние, моли́ Бо́га о нас. |