Читайте также:
|
Тропа́рь Трио́ди (святи́теля Григо́рия), глас 8:
П равосла́вия свети́льниче,/ Це́ркве утвержде́ние и учи́телю,/ мона́хов добро́то, богосло́вов побо́рниче непребори́мый,/ Григо́рие чудотво́рче, Фессалони́тская похвало́, пропове́дниче благода́ти,// моли́ся вы́ну спасти́ся душа́м на́шим.
Конда́к Трио́ди (свт. Григо́рия), глас 8:
П рему́дрости свяще́нный и Боже́ственный орга́н,/ богосло́вия све́тлую согла́сно трубу́,/ воспева́ем тя Григо́рие богоглаго́льниче,/ но я́ко ум Уму́ пе́рвому предстоя́й,/ к Нему́ ум наш о́тче наста́ви, да зове́м:// ра́дуйся пропове́дниче благода́ти.
На литурги́и Васи́лия Вели́кого:
Блаже́нны:
Хор: Во Ца́рствии Твое́м помяни́ нас, Го́споди, егда́ прии́деши, во Ца́рствии Твое́м.
На 12: Блаже́ни ни́щии ду́хом, я́ко тех есть Ца́рство Небе́сное.
Блаже́ни пла́чущии, я́ко ти́и уте́шатся.
На 10: Блаже́ни кро́тции, я́ко ти́и насле́дят зе́млю.
Глас 5:
Тропа́рь: Р азбо́йник на кресте́ Бо́га Тя бы́ти ве́ровав, Христе́,/ испове́да Тя чи́сте от се́рдца,// помяни́ мя, Го́споди, вопия́, во Ца́рствии Твое́м.
Блаже́ни а́лчущии и жа́ждущии пра́вды, я́ко ти́и насы́тятся.
Тропа́рь: И́ же на дре́ве кре́стнем/ жизнь процве́тшаго ро́ду на́шему,/ и изсуши́вша ю́же от дре́ва кля́тву,// я́ко Спа́са и Соде́теля согла́сно воспои́м.
На 8: Блаже́ни ми́лостивии, я́ко ти́и поми́ловани бу́дут.
Тропа́рь: С ме́ртию Твое́ю, Христе́,/ сме́ртную разруши́л еси́ си́лу,/ и совоздви́гл еси́ и́же от ве́ка уме́ршыя,// Тя пою́щия и́стиннаго Бо́га и Спа́са на́шего.
Дата добавления: 2015-10-02; просмотров: 45 | Нарушение авторских прав
| <== предыдущая страница | | | следующая страница ==> |
| Припе́в: Святи́телю о́тче Григо́рие, моли́ Бо́га о нас. | | | И ны́не и при́сно и во ве́ки веко́в. Ами́нь. |