Вход. Прокимен дня. Паримии святителя - 3.

На стихо́вне (святителя) гла́с 8:

Подо́бен: О, пресла́внаго чудесе́!

Свети́льниче Фили́ппе, / удобре́нием Боголе́пных доброде́телей, / обита́лище пречи́сто Всесвята́го Ду́ха, / и нетле́нно сокро́вище был еси́,/ всем подаю́щее бога́тство неистощи́мое, / све́тлыми дыха́нии слове́с твои́х, / я́ко у́тварию злато́ю украша́еши: / проро́чески бо изы́де веща́ние // твои́х исправле́ний, о́тче святи́телю.

Стих: Уста́ моя́ возглаго́лют прему́дрость, / и поуче́ние се́рдца моего́ ра́зум.

Свети́льниче слове́сный, / язы́че благонаказа́тельный, / Богозна́менный глас веща́ния уче́ний твои́х, святи́телю, / весьма́ подвиза́яся к ре́вности Боголе́пней, / апо́столов был еси́ подража́тель, Богому́дре. / Те́мже ре́вностию царя́ удиви́в, / Христо́ва Ца́рствия насле́дник яви́лся еси́, // Его́же моли́ спасти́ся душа́м на́шим.

Стих: Уста́ пра́веднаго поуча́тся прему́дрости, / и язы́к его́ возглаго́лет суд.

Прииди́те, росси́йстии собо́ри, / днесь честно́е святи́теля торжество́ / благоче́стно пе́сньми почти́м: / той бо вои́стинну Свята́го Ду́ха осия́ние/ от ю́ности сподо́бися прия́ти, / воздержа́нием те́ло свое́ удручи́в, / и душе́вною чистото́ю, / све́та трисо́лнечнаго заря́ яви́ся, // и ны́не мо́лится о чту́щих его́.

Сла́ва, глас 6:

Я́ко светоза́рная звезда́, / во гра́де на́шем Москве́ возсия́л еси́ уче́ньми слове́с твои́х,/ всеблаже́нне Фили́ппе приснопа́мятне. / Ты бо прему́дрый пропове́датель показа́лся еси́, / и прие́мник благоче́стия яви́лся еси́, / царя́ и лю́ди твоя́, /пасо́мыя тобо́ю утвержда́я и́стинным уче́нием Христо́вым,/ е́же в любви́ и соедине́нии неразде́льнем пребыва́ти. / По преставле́нии же твое́м чи́стое и нетле́нное те́ло твое́/ в честне́й и многослову́щей оби́тели,/ в не́йже духо́вно породи́лся еси́,/ я́ко у́тварь многоце́нну пре́дал еси́./ Отту́ду же по мно́гих ле́тех во ца́рствующий град возврати́вшася / ублажа́ем тя со псалмы́ и пе́сньми,// и святу́ю и всечестну́ю пра́зднуем па́мять твою́.

И ны́не, гла́с то́йже:

Творец и Избавитель мой, Пречистая, / Христос Господь, из Твоих ложесн прошед, / в мя оболкийся,/ первыя клятвы Адама свободи. / Темже Ти, Всечистая, / яко Божии Матери же и Деве, / воистинну вопием немолчно: / радуйся, Ангельски, радуйся, Владычице, / предстательство и покрове, // и спасение душ наших.

По Трисвятом тропари:

Тропа́рь, глас 8:

Первопресто́льников прее́мниче, / сто́лпе правосла́вия, и́стины побо́рниче,/ но́вый испове́дниче, святи́телю Фили́ппе, / положи́вый ду́шу за па́ству твою́: / те́мже я́ко име́я дерзнове́ние ко Христу́,/ моли́ за оте́чество на́ше, за град же и лю́ди,// чту́щия досто́йно святу́ю па́мять твою́.

Слава, и ныне: глас тот же:

Иже нас ради рождейся от Девы / и, распятие претерпев, Благий, / испровергий смертию смерть / и Воскресение явлей яко Бог, / не презри, яже создал еси рукою Твоею; / яви человеколюбие Твое, Милостиве. / Приими рождшую Тя, Богородицу, молящуюся за ны, // и спаси, Спасе наш, люди отчаянныя.

На утрене на «Бог Господь» – тропари:

Тропа́рь сыятителя, глас 8: (дважды)

Первопресто́льников прее́мниче, / сто́лпе правосла́вия, и́стины побо́рниче,/ но́вый испове́дниче, святи́телю Фили́ппе, / положи́вый ду́шу за па́ству твою́: / те́мже я́ко име́я дерзнове́ние ко Христу́,/ моли́ за оте́чество на́ше, за град же и лю́ди,// чту́щия досто́йно святу́ю па́мять твою́.

Слава, и ныне: глас тот же:

Иже нас ради рождейся от Девы / и, распятие претерпев, Благий, / испровергий смертию смерть / и Воскресение явлей яко Бог, / не презри, яже создал еси рукою Твоею; / яви человеколюбие Твое, Милостиве. / Приими рождшую Тя, Богородицу, молящуюся за ны, // и спаси, Спасе наш, люди отчаянныя.

Полиелей.

Велича́ние:

Велича́ем тя, / святителю отче Филиппе/ и чтим святую память твою, / ты бо молиши о нас / Христа Бога нашего.

Степенна – 1й антифон 4го гласа.

Проки́мен, гла́с 4:

Проки́мен: Честна́ пред Го́сподем / смерть преподо́бных Его́.

Стих: Что возда́м Го́сподеви о всех, я́же воздаде́ ми?

Вся́кое дыха́ние:

По 50-м псалме́

Слава: / Моли́твами святителя Филиппа, / Ми́лостиве, очи́сти / мно́жество согреше́ний на́ших.

И ныне: / Моли́твами Богоро́дицы, / Ми́лостиве, очи́сти / мно́жество согреше́ний на́ших.

Поми́луймя, Бо́же, / по вели́цей ми́лости Твое́й, / и по мно́жеству щедро́т Твои́х / очи́сти беззако́ние мое́.

Стихира, гла́с 8:

Апо́столов ревни́теля Фили́ппа, / преблаже́ннаго отца́ и учи́теля,/ соше́дшеся, восхва́лим, глаго́люще:/ ра́дуйся, святи́телю, тве́рдый умо́м, / благода́тию и и́стиною освяще́нне, / отню́дуже и прия́телище был еси́ Ду́ха Всесвята́го. / И ны́не со архиере́и предстоя́ престо́лу Христо́ву,// моли́ся при́сно о рабе́х твои́х.

Канон

Катавасия «Отверзу уста моя» после каждой песни «Поем Господеви»

После 8-й песни «Честнейшую»

По 9-й песни «Достойно есть» не поется.

«Всякое дыхание» поется!

На хвалите стихиры: на 4. Глас 4.

Тече́ние соверши́л еси́, / и ве́ру соблю́л еси́, / святи́телю блаже́нне Фили́ппе: / сего́ ра́ди Христо́с тя венча́ / све́тлым венце́м пра́вды, / и украси́ твое́ испове́дание, досточу́дне: / тем Небе́сное насле́дие прие́м, / Спа́су моли́ся // о воспева́ющих па́мять твою́. Два́жды.

Фили́ппе блаже́нне, / испове́дников подража́телю, / те́пле хва́лящим тя предста́тель бу́ди, / и от вся́кия беды́, греха́ же и бу́ри, / и страсте́й мучи́тельства, о́тче, изба́ви ны, / я́ко му́ченик неосла́блен, и святи́тель Богоприя́тен: / дерзнове́ние име́я ко Христу́ Бо́гу, // моли́ся о воспева́ющих па́мять твою́.

Фили́ппе святи́телю, / разу́мнаго све́та заря́, / церко́вное свети́ло, / архиере́йская красото́, / мона́шескаго по́стническаго жи́тельства / и́стинное пра́вило, наш же засту́пник те́плый показа́лся еси́, / свобожда́я от губи́тельства лука́вых, моли́ся, о́тче, / / о пою́щих па́мять твою́.

Сла́ва, глас 6:

Ты еси́ па́стырь до́брый, / и учи́тель изря́дный, / святи́телю Фили́ппе,/ тя всегда́ восхваля́юще вопие́м:/ тобо́ю Бог украси́ це́рковь Ма́тере Своея́,/ и те́ло твое́, за па́ству твою́ во изгна́нии пострада́вшее, / многоле́тно же в земли́ сокрове́нное,/ престо́лу твоему́ возврати́, и лю́ди твоя́ возвесели́./ Те́мже, моля́ся не преста́й о хва́лящих и чту́щих па́мять твою́, / прося́ оставле́ния грехо́в// и спасе́ния душа́м на́шим.

И ны́не, гла́с то́йже:

Богоро́дице, Ты еси́ лоза́ и́стинная, / возрасти́вшая нам Плод Живота́, / Тебе́ мо́лимся, моли́ся Влады́чице / со святы́ми апо́столы, // поми́ловати ду́ши на́ша.

Дата добавления: 2015-08-03