Святитель – нищелюбец

Содержание

550. Святитель – нищелюбец. 2

551. Старая забота для Нового года. 3

552. Праздник Крещения Господа Бога и Спаса нашего Иисуса Христа в Церковных песнопениях 5

553. Как святитель Тихон обучал людей. 7

554. Что такое «сон Богородицы»?. 8

555. Слово о любви называющему себя старообрядцем о том, одно ли и тоже – догмат и обряд. 10

556. Небесные заступники края Литовского. 12

557. Кто отвалит камень греховный?. 13

558. Как постились наши деды и как постимся мы.. 15

559. О двенадцати пятницах. 16

560. На всякий день (из Церковных песнопений) 18

Славословия Господу Богу. 18

Молебные воздыхания о помощи в жизни. 18

О ненавидящих и обидящих, и о умножении любви. 19

К Богоматери. 19

561. Кто Бога любит, того Бог не забудет. 20

562. Пустынники - милостивцы.. 22

563. Непобежденный враг русской земли. 23

564. Слово покаявшегося пьяницы «о многопотопном и прелестном пьянстве». 25

565. Слово о пьяницах. 27

566. Пчела, ужалив, умирает. 28

567. От Бога не укроешься. 30

568. Христиане ли мы?. 32

569. Праздник входа Господня в Иерусалим в Церковных песнопениях. 33

570. Слово о тайной вечере Христовой. 35

571. Что претерпел за нас Господь наш?. 37

572. Плач над гробом Христовым.. 39

573. Светлая радость Воскресения Христова. 40

574. Христос Спаситель – наш Учитель. 42

«Господь мой и Бог мой!». 43

575. Долина Суда или Иосафатова. 44

576. Небошественная икона Богоматери. 46

577. Желаем ли мы на небо? («Господь же убо, по глаголании Его к ним, вознесеся на небо» (Мк. 16; 19)) 47

Готовы ли мы на небо?. 48

578. Святительская исповедь. 49

579. Тайна Пресвятой Троицы.. 51

580. Берегите малюток. 53

581. Отголоски древнерусской проповеди против пьянства. 54

582. Смирись, гордый человек. 56

583. Богу нужно наше сердце. 58

584. Юный постриженник. 60

585. Каким перстосложением молились наши прадеды до патриарха Никона. 61

586. Без примирения нет и спасения. 63

587. Небесная Воевода русской земли. 65

588. Праздник Успения Богоматери в Церковных песнопениях. 66

589. Наставления царя – отца своему сыну. 68

590. Дом нерукотворенный. 70

591. Праздник Рождества Пресвятой Богородицы в Церковных песнопениях. 71

592. Многоскорбная княгиня - праведница. 73

593. Небесные споручники брачного союза. 74

594. Икона Знамения Богоматери. 76

595. Сказание о чуде, как святой великомученик и Победоносец Георгий вразумил сарацина. 78

596. Как святая Церковь молится за усопших?. 79

597. Чем умиротворить смущенное сердце?. 80

598. Положи, как Иов, завет очам твоим.. 82

599. Праздник Рождества Христова в Церковных песнопениях. 84

600. Что есть печать Христова и что будет печать антихриста. 86

Святитель – нищелюбец

Святитель Христов Иоанн Милостивый, патриарх Александрийский, всем требующим милостыни подаваше, всех в скорбех утешаше, не словом точию, но и делом: алчущия насыщая, нагия одевая, пленники на свободе искупуя, от больных и странных попечение имеем. И бе щедрота его такоже река непрестанно и изобильно текущая, и всех, от него помощи жаждущих, напающая.

В начале пастырства своего призва экономов церковных, и поручи им, глаголя: "Пройдите весь град, и препишите ми господей моих". Вопросили же его экономи: "Котории суть господие твои, владыко?" Отвеша патриарх: "Их же вы убогими и нищими нарицаете, тии суть господие мои: могут бо мя придти в вечныя кровы, и подати великую помощь ко спасению". Идоша убо экономи, и преписаша всех убогих, елико их на стогнах, и в больницах и гноищах обретоша; и се число их седмь тысяч и пятьсот. И всем тем Иоанн святой установи оброк денный в препитание. А понеже не всяк можаше приходити и приступати к нему невозбранно, яко не от коемждо приходящем раби ему возвещах, — того ради избра себе два дни в седмице, среду и пяток, в наже при церковных дверех седяще, всякому хотящему невозбранный к себе приход даше и потребы его послушая, и мир творя в человецех, и глаголаше: "Аще мне ко Господу Богу моему всегда невозбранный есть приход, и беседую моляся к Нему, и прошу у Него, еще хощу, то почто не имам дати ближнему моему невозбранного прихода ко мне, да возвестит ми свою обиду и нужду и просит у меня, еже хочет, подобает боятися Рекшаго: в нюже меру мерите, возмерится вам".

Аще же случися когда блаженному, тако к нему тако селящему никтоже прииде, ниже кто проси чесо у него, — тогда прискорбен воставаше и со слезами отхождаше в дом свой. Иногда же его во-прошах нецыи, почто сетует и скорбит, отвещаваше им: "Ныне смиренный Иоанн ничтоже обрете, ние принесе что Богу от гресех своих". Блаженный же Софроний друг его, утешающи его, глаголаше ему: "Поистине днесь веселитися тебе подобает, отче, тако овцы твоя живут мирно, без распри и свары, как Ангелы Божии".

Идущу святому посетити больным (дважды бо или трижды в седмице посещати болящыя хождаше), некто странен срете его и просяще милостыни: он же повел слузе, да даст ему шесть сребренников. Взем убо сребренники, странник оный, отыде. Восхотев же искусити щедроту его, измени ризы своя и тек иным путем, срете Иоанна блаженного и моляще его, глаголя: "Помилуй мя, господине, яко пленник есмь". Он же паки повелел дата ему шесть сребренников. Слуга же патриарху, ко уху рече: "Владыко, той есть сей нищий, иже взя первее шесть сребренников". Патриарх же сотворися аки неслыша и дати повелеваше. Странный же, взем вторицею таковуюжде милостыню, паки измени ризы своя и паки иным путем патриарха срете, и третицею просяще милостыни у него. Слуга же паки рече патриарху: "Сей есть, владыко, иже первее и второе по шести сребренников взя, ныне же третицею просит". Тогда блаженный отвеща слузе, глаголя: "Даждь ему дванадесять сребренников, не Христос ли мой есть искушаяй мя".

Во един от дней прииде к святому некий вельможа богат и случися ему узрети постелю святого, яже бе худым одеялом покровена. IIТед убо в дом свой и посла ему одеяло, ценою сущее тридесять и шесть златник, и моли его, да покрывается тем одеялом. Не хотя же патриарх оскорбите вельможу того, прия моления его ради одеяло и покрыяся им точию нощь един. Глаголаше же к себе: "Горе тебе, окаянный Иоанне, так ты покрываешися многоценным одеялом, а братия Христова, нищии, мразом тают, колицы суть без храмины и покрова на ветре и стужи кочующии, и едва малу рогозину или худое рубище имущии, колицы суть нази на гноищах лежащии и от стужи трясущиися, егде же и гладни, и без сна всю нощь пребывают, яко и алчны суть, и умирают от мраза. Увы мне, колицы суть убозии, желающии такоже Лазарь, насытится от крупиц, падающих от трапезы моея, увы мне, колицы суть страннии и пришельцы в граде сем, не имущии где главы приклоните, на дворе, бедне нощь провождают, и, тако страждуще, благодарят от всем Великого Христа. Ты же, Иоанне, хотя вечный покой получити, зде в покои пребываеши, и всякое угодие имаши, в храмех красных живеши, мягкая одеяния носиши, вино пиеши, рыбы избранны ясти, — еще же ко всем сим и многоценным одеялом покрылся, — еси, и чесого надеешися в будущем веце? Воистинну глаголю тебе, окаянный Иоанне, не имаши получити вечного царствия, но услышиши всяко, как и богатый оный: "Восприял еси благая твоя в животе твоем, убозии же восприяша злая". Благословен Бог! Тако в другую нощь смиренный Иоанн не покрыется сим одеялом, но нищии и убозии ценою его покрыются. Бывшу же дню, посла абие одеяло на торжище продати, дабы ценою тою одежды купити убогим. Продаему же бывшу одеялу, прилучися мимо идти вельможи тому, иже блаженному Иоанну дарова одеяло то, и, видев продаемо, купи и паки посла ко Иоанну, моля его, да держит своея ради потребы. Святый же прием, паки продати посла. Вельможа же, паки видев, купи, и паки посла ко Иоанну, моля, да сам покрывается им. Иоанн же и третицею продаяти посла, но вельможа и третицею купив, ко Иоанну отосла. Посем Иоанн посла к вельможи тому, глаголющи: "Узрим, кто от нас стужит первее: аз ли продаяй, или ты, купуяй и подаяй ми паки". Таковым образом Иоанн святый много злата от вельможи того взя на потребу убогим.

Некогда грядущу ему в церковь святых мучеников Кира и Иоанна, притече к нему некая вдова нища, возвещая о великой от зятя своего обиде, и прося помощи от святого патриарха. Реша же последствующий святому: "Владыко, егда возвратишися в дом, тогда послушаеши моления тоя вдовицы". Отвеща святой: "А ныне како мя Бог послушает, аще аз не послушаю ея?" — и не соступи с места, дондеже послуша вдовицу и от озлобления избави ю.

Юноша некий по смерти родителей своих в велицей нищете пребываше. Уведав же о нем Иоанн, вопроси приключившихся, како обнищал юноша, ибо слыша бо о родителех его, яко богати быша. Поведаша же ему неции боголюбивии мужи, яко родители отрока того милостиви быша вельми и вся имения своя убогим расточиша, сыну же своему точию десять литр злата оставиша. И умре первее матерь, потом и отец к смерти приближающися, призвав сына, предложи ему злато оное и образ Пречистой Богородицы и рече: "Чадо любимое, се от всего имения нашего десять литр точию злата остася, а вся вложихом в руце Христе. Ныне убо рцы ми, что хощеши оставлю тебе: злато ли сие или Владычицу нашу Богородицу, помощницу и питательницу твою?" Отрок же, минув злато, взя икону Пречистыя Богородицы, а злато убогим дати повелел, и отдано бысть и последнее имение нищим. Умершу же отцу, остася отрок убог, и во мнозей нищете стражда пребываше; по вся же дни и нощи хождаще на пение и молитву в церковь Пресвятыя Богородицы. Сия слышав, преподобный Иоанн, почудися добродетели и разуму того отрока и возлюби его душою, и поскольку истинный сиротам отец, — попечение имеяше о том отроке, и мысляще, которую бы ему сотворити милость. Единою же призва эконома своего, тайно, глагола ему: "Хощу тебе рещи вещь некую, но блюди, да не повеси никомуже. Эконом же обещася хранити тайну, юже речет ему; и глагола патриарх: "Шед, возми хартию ветху, и напиши на ней завет последния воли умрети имушаго, аки бы некоего мужа именем Сеопеипт, и сотвори яки бы аз и убогий оный отрок сродницы есмы искреннии, и шед юноше оному тако: Аще ты, чадо, стыдишися явити себе патриарху, яко сродник его еси, то аз о тебе скажу ему". Шед же эконом, сотвори по повелению патриарха, написа писание на хартии ветхой, и, призвав отрока, показа ему, аки бы отца его было писание то, в немже является сродство с патриархом. Отрок же, прочет, рад бысть, обаче стыдящеся, яко убог, и худыми рубы одеян. И моли эконома, да скажет о нем патриарх. Шед же эконом к святому, возвести ему. И глагола святый: "Рцы отроку, тако глаголет патриарх: помню, яко дядя мой имеяше сына, но в лице не знах его, добре убо сотвориши, аще приведеши его ко мне: принеси же и писание с собою". Шед же эконом, приведе отрока, и показа писание преподобному. Он же, обея юношу любезно, глагола: "Добр, яко пришел еси, дади моего сыне!" Даде же ему имения многа и купи храмы и всяку потребу, и сочета его девице благородней, и вскоре потщася сотворити его богата, и славна, и честна, да исполнится реченное в псалмах: Не видех праведника оставлена, ниже семене его просяща хлебы.

Бе же Иоанн святый и к больным весьма милостив, имже часто сам служаще, и умирающим приседаше, помогая им молитвами своими при исходе их; и за умершыя сам часто Божественную совершаше литургию, и глаголаше, яко Божественная литурия, за умершыя совершаемая, очень душам помогает.

(Рассказы из жития святителя Иоанна Милостивого, из Четии Минеи)

Дата добавления: 2015-08-10