Читайте также:
|
Тропарь: В ся́ Христе́, я́же в ве́ре преста́вил еси́,/ мольба́ми все́х свя́ты́х Твои́х, упоко́й,// презре́в я́же соде́янная в житии́ те́х прегреше́ния.
И ны́не и при́сно и во ве́ки веко́в, ами́нь.
Богородичен: Х валу́ Бо́гу принесе́м,/ от Де́вы Ро́ждшемуся пло́тию,// и же́н ли́ки а́нгельским лико́м совоку́пльшему.
Катава́сия, глас 4:
Хор: Лу́к си́льных изнемо́же,/ и немощству́ющии препоя́сашася си́лою:// сего́ ра́ди утверди́ся в Го́споде се́рдце мое́.
Ектения́ ма́лая:
Диакон: П а́ки и па́ки ми́ром Го́споду помо́лимся.
Хор: Г о́споди, поми́луй.
З аступи́, спаси́, поми́луй и сохрани́ нас, Бо́же, Твое́ю благода́тию.
Хор: Г о́споди, поми́луй.
Диакон: П ресвяту́ю, Пречи́стую, Преблагослове́нную, Сла́вную Влады́чицу на́шу Богоро́дицу и Присноде́ву Мари́ю, со все́ми святы́ми помяну́вше, са́ми себе́ и друг дру́га, и весь живо́т наш Христу́ Бо́гу предади́м.
Хор:Т ебе́, Го́споди.
Иерей: Я́ко Ты еси́ Бог наш, и Тебе́ сла́ву воссыла́ем, Отцу́ и Сы́ну и Свято́му Ду́ху, ны́не и при́сно и во ве́ки веко́в.
Хор: А ми́нь.
Конда́к преподо́бного, глас 3:
Чтец: Я́ ко свети́льника незаходи́маго у́мнаго тя Со́лнца,/ соше́дшеся днесь, восхваля́ем в пе́снех,/ возсия́л бо еси́ су́щим во тьме неве́дения,/ вся возводя́ к Боже́ственней высоте́, Иларио́не./ Те́мже вопие́м:// ра́дуйся, о́тче, всех по́стников основа́ние.
И́кос:
В озлюби́в Христо́вы Боже́ственныя за́поведи/ и возненави́дев всего́ ми́ра наслажде́ние,/ прише́л еси́ усе́рдно к Тому́/ и был еси́ свети́льник, просвеща́я вся концы́ блиста́нием Ду́ха./ Тем, припа́дая молю́ тя:/ просвети́ и моя о́чи душе́вныя, воспе́ти твоя́ по́двиги,/ я́же показа́л еси́ на земли́ ра́ди бу́дущия жи́зни./ Ея́же ны́не наслажда́яся, помина́й вопию́щих ти:// ра́дуйся, о́тче, всех по́стников основа́ние.
Седа́лен преподо́бного, глас 8:
А нто́ния Боже́ственнаго духо́вне доброде́тельному житию́ поревнова́в,/ на ра́мена твоя́ взял еси́ крест Го́спода твоего́,/ оста́вив жития́ все попече́ние/ и стра́сти умертви́в, ду́хом пожи́л еси́./ Тем и тварь пресла́вными испо́лнил еси́ чудесы́, преподо́бне,/ Ду́ха благода́тию, Иларио́не, о́тче наш,/ моли́ Христа́ Бо́га грехо́в оставле́ние дарова́ти// чту́щим любо́вию святу́ю па́мять твою́.
Дата добавления: 2015-07-25; просмотров: 61 | Нарушение авторских прав
| <== предыдущая страница | | | следующая страница ==> |
| Припев: Святы́й преподо́бне Иларио́не, моли́ Бо́га о нас. | | | Припев: Пресвята́я Богоро́дице, спаси́ нас. |