Припев: Святы́й великому́чениче Арте́мие, моли́ Бо́га о нас.

Тропарь: Н еосла́бными я́звами сокруша́емо/ те́ло твое́, Арте́мие, терпели́вейшее,/ душе́вное благоро́дие соблю́л еси́,// ве́рою неврежде́нное.

Припев: Святы́й великому́чениче Арте́мие, моли́ Бо́га о нас.

Тропарь: Н еду́гов нас изба́ви, му́чениче,/ искуше́ний и страсте́й же, и скорбе́й,/ к тебе́ притека́ющия,// подража́телю Спа́сов, Арте́мие.

Припев: Пресвята́я Богоро́дице, спаси́ нас.

Богоро́дичен: О бурева́емаго в пучи́не скорбе́й/ и потопля́ема наше́ствиями треволне́ний,// спаси́, Богоро́дице Де́во, раба́ Твоего́.

Кано́н из Окто́иха (му́ченичны́й), глас 1:

Припев: Святи́и му́ченицы, моли́те Бо́га о нас.

Тропарь: У мерщвле́ни бы́вше ра́н мно́гих наведе́ньми,/ жи́знь и́стинную насле́довасте вку́пе,// моля́щеся спасти́ся все́м на́м, святи́и му́ченцы.

Припев: Святи́тели Христо́вы, моли́те Бо́га о нас.

Тропарь: Д енни́цы светоза́рныя позна́ни бы́сте на земли́,/ благоче́стия све́том озари́сте ве́рныя, пресла́внии Христо́вы ору́жницы,// и святи́телие прему́дрии.

Припев: Сла́ва Отцу́ и Сы́ну и Свято́му Ду́ху.

Тропарь: Н евече́рнему Твоему́ Све́ту, и сла́дости и́стинней,/ я́же преста́вил еси́ ве́рныя,/ покажи́ прича́стники, Человеколю́бче,// и святы́х собо́ром си́х сопричти́.

И ны́не и при́сно и во ве́ки веко́в, ами́нь.

Богородичен: И́ же пострада́вшия кре́пко,/ и пости́вшияся те́пле,/ Тобо́ю псало́мски во сле́д приведо́шася Христу́,// Всепе́тая Богороди́тельнице, вся́ческих Царю́.

Катава́сия, глас 1:

Хор: Проро́ка Ио́ну подража́я вопию́:/ живо́т мо́й Бла́же, свободи́ из тли́,/ и спа́си́ мя, Спа́се ми́ра,// зову́ща: сла́ва Тебе́.

Б) Песнь 6:

Кано́н великому́ченика Арте́мия, глас 2:

Ирмос: В бе́здне грехо́вней валя́яся,/ неизсле́дную милосе́рдия Твоего́ призыва́ю бе́здну:// от тли Бо́же, мя возведи́. (Дважды)

Дата добавления: 2015-07-25