Читайте также:
|
Богоро́дичен: Я ви́лася еси́, о Де́во Ма́ти Бо́жия,/ па́че естества́ ро́ждши пло́тию Бо́га Сло́ва,/ Его́же Оте́ц отры́гну от се́рдца Своего́ пре́жде всех век, я́ко Благ,// Его́же ны́не и теле́с превы́шша разуме́ем, а́ще и в те́ло облече́ся.
Кано́н Богоро́дицы из Мине́и, глас 4:
Припев: Пресвята́я Богоро́дице, спаси́ нас.
Тропарь: Р а́дуйся, свеще́, Свет невече́рний поне́сшая,/ и в рождестве́ Твое́м многобо́жия тьму разруши́вшая,/ и а́довы про́пасти изба́вльшая лю́ди.// Ра́дуйся, Одиги́трие Богоро́дице, добро́т всех Предхода́таице. (Дважды)
Припев: Пресвята́я Богоро́дице, спаси́ нас.
Тропарь: Р а́дуйся, земле́, из нея́же клас прозя́бший Небе́сный ве́рным,/ и ми́ра всего́ душегу́бнаго гла́да изба́ви, разу́мная и одушевле́нная.// О, ра́дуйся, виногра́де, и́же гро́зд живо́тный ро́ждшая, Богоро́дице Чи́стая Одиги́трие! (Дважды)
Припев: Пресвята́я Богоро́дице, спаси́ нас.
Тропарь: Р а́дуйся, та́йных цвето́в прекра́сный су́щий раю́;/ ра́дуйся, Ма́ти Де́во, неви́димых ра́зум/ чистото́ю странноле́пно побе́ждши, Богороди́тельнице./ Ра́дуйся, Отрокови́це, ра́дуйся, Одиги́трие,// всеми́рное чу́до и слы́шание.
Припев: Пресвята́я Богоро́дице, спаси́ нас.
Тропарь: Л е́то живота́ на́шего про́чее сохрани́ неврежде́но поможе́нием Твои́м, Де́во Отрокови́це,/ и сподо́би коне́ц благи́й получи́ти нам, воспева́ющим Тя и взыва́ющим:// ра́дуйся, Всеблаже́нная Богоро́дице, Чи́стая Одиги́трие.
Кано́н апо́столов, глас 4:
Дата добавления: 2015-07-25; просмотров: 29 | Нарушение авторских прав
| <== предыдущая страница | | | следующая страница ==> |
| Честне́йшую... | | | Припев: Святи́и апо́столи, моли́те Бо́га о нас. |